پاری کو ملے صحافتی انعامات، ایوارڈز اور اعزازات

۸۶- سیاسی صحافت میں پریم بھاٹیہ صحافتی ایوارڈ برائے مہارت، ۲۰۲۵

اگست ۲۰۲۵ میں، پارتھ ایم این کو سیاسی صحافت میں پریم بھاٹیہ صحافتی ایوارڈ برائے مہارت سے نوازا گیا۔ ان کے ذریعہ جمع کی گئی پانچ رپورٹوں میں سے تین کو پاری پر شائع کیا جا چکا ہے: نفرت کی آگ میں جلتا ہندو-مسلم بھائی چارہ؛ مذہبی پولرائزیشن کے خلاف کھڑا مال گاؤں؛ اور مدھیہ پردیش: خوف کے سائے میں زندگی بسر کرتے آدیواسی۔

۸۵- ماحولیاتی صحافت میں پریم بھاٹیہ صحافتی ایوارڈ برائے مہارت، ۲۰۲۵

اگست ۲۰۲۵ میں پاری کی ایگزیکٹو ایڈیٹر پریتی ڈیوڈ کو، ماحولیاتی صحافت میں پریم بھاٹیہ صحافتی ایوارڈ برائے مہارت کی رکن ججز رمی چھابڑا اور سُجاتا مڈھوک کے ذریعہ خصوصی تعریف سے نوازا گیا۔ ان کی یہ تعریف ’’راجستھان کی ریگستانی ایکولوجی اور مویشی پروری پر شمسی اور بادی قابل تجدید توانائی کے پروجیکٹوں سے ہونے والے اثرات پر ان کی شاندار رپورٹ کے ساتھ ساتھ کونو نیشنل پارک سے کی گئی رپورٹنگ رپورٹنگ کے لیے کی گئی جس میں بتایا گیا ہے کہ کس طرح ۲۳ سال پہلے ۲۴ گاؤوں کے قبائلیوں اور دلتوں کو ان کی زمینوں سے اجاڑ دیا گیا، تاکہ شیروں کے لیے راہ ہموار کی جا سکے، حالانکہ وہ شیر کبھی وہاں پہنچے ہی نہیں۔‘‘

۸۴- دیانیتا سنگھ - پاری ڈاکیومنٹری فوٹوگرافی ایوارڈ، ۲۰۲۵

جون ۲۰۲۵ میں پاری کے لیے بطور بصری داستان گو اور فوٹو گرافر کام کر رہیں آینا کو دوسرے دیانیتا سنگھ-پاری ڈاکیومنٹری فوٹوگرافی ایوارڈ سے نوازا گیا۔

۸۲- آشیش یچوری ایوارڈ برائے فوٹو جرنلزم ۲۰۲۵

مئی ۲۰۲۵ میں پاری کے پلنی کمار کو ایشین کالج آف جرنلزم کے آشیش یچوری ایوارڈ برائے فوٹو جرنلزم سے نوازا گیا۔ اس ایوارڈ کے ذریعہ فوٹو گرافی کی مدد سے بہترین خبریں بیان کرنے کی کوششوں کی تعریف کی جاتی ہے۔ پلنی کو یہ ایوارڈ ان کی اسٹوری ’پیشہ ور تکلیف جیسی کوئی چیز نہیں ہوتی‘ کے لیے دیا گیا، جس میں ہاتھ سے میلا ڈھونے والوں کی زندگیوں کا ذکر کیا گیا ہے۔

۸۰- ٹی ایم کرشنا-پاری انعام

دسمبر ۲۰۲۴ میں لابنی جنگی کو ٹی ایم کرشنا-پاری انعام کے پہلے ایڈیشن کا فاتح قرار دیا گیا۔ اس کے تحت فن اور صحافت کی دنیا میں نمایاں کارنامے انجام دینے والے افراد کو اعزاز سے نوازا جاتا ہے۔ اس کے لیے ایک لاکھ روپے کا انعام مشہور و معروف کرناٹک موسیقار اور کارکن ٹی ایم کرشنا کے ذریعہ شروع کیا گیا ہے۔ اس کی اولین فاتح لابنی، سال ۲۰۲۰ سے ہی پاری سے جڑی ہوئی ہیں، جب وہ پاری فیلو تھیں۔ ان کے ذریعہ متعدد نظموں، مضامین کے ساتھ ساتھ پاپولیشن فاؤنڈیشن آف انڈیا کی پہل کے طور پر خواتین کی صحت پر شروع کی گئی خصوصی سیریز والے مضامین کے لیے بنائی گئی تصویروں نے پاری کی ملٹی میڈیا کے ذریعہ کہانی سنانے کی روایت کو تقویت بخشی اور اس میں پاری کی کافی مدد کی۔

۷۹- آرودھم جرنلزم فیلوشپ

دسمبر ۲۰۲۴ میں، پاری کی جیوتی شنولی کو تعلیم کے میدان میں کام کرنے والی کرناٹک کی ایک غیر منافع بخش تنظیم ’آرودھم انٹرنیشنل‘ کے ذریعہ آرودھم جرنلزم فیلوشپ سے نوازا گیا۔ یہ تنظیم پورے ہندوستان کے دیہی علاقوں میں رہنے والی حاشیہ بردار برادریوں کے طلباء پر توجہ مرکوز کرتی ہے۔ جیوتی کو یہ فیلوشپ پانچ سال کے لیے دی گئی ہے، جس کے تحت وہ ’’ان مسائل کا احاطہ کریں گی جس سے دیہی لوگ متاثر ہوتے ہیں، خاص کر حاشیہ پر زندگی بسر کرنے والے لوگ اور معاشرہ کے محروم طبقات۔‘‘ آرودھم کا کہنا ہے کہ وہ خاص کر جیوتی کی اس اسٹوری سے متاثر ہوئے ہیں: اسکول سے محروم کیے جا رہے ہیں پسماندہ بچے

۷۸- تکشلا-پاری سینئر فیلوشپ

دسمبر ۲۰۲۵ میں، اُمیش کمار رائے کو جنوری ۲۰۲۵ سے شروع ہونے والی تکشلا-پاری سینئر فیلوشپ سے نوازا گیا۔ امیش نے پاری کے لیے کئی شاندار اسٹوریز کی ہیں اور وہ اس فیلوشپ کے تحت بہار کے آدیواسیوں کے درمیان معاش، تدریس اور زمین کے زیاں پر کام کریں گے۔ سال ۲۰۰۰ میں بہار کی تقسیم کے بعد صرف جھارکھنڈ کے آدیواسیوں پر توجہ مرکوز کی جاتی رہی ہے، جب کہ بہار میں کم تعداد میں رہنے والے آدیواسیوں پر کم توجہ دی گئی ہے، حالانکہ وہ زیادہ کمزور ہیں۔ تکشلا ایجوکیشن سوسائٹی (ٹی ای ایس) نے یہ نئی فیلوشپ شروع کی ہے اور امیش اسے حاصل کرنے والے پہلے شخص ہیں۔

۷۷- رین بو لٹ فیسٹ، سال ۲۰۲۴ کا فیچر

دسمبر ۲۰۲۴ میں، اسمیتا تومولورو کو ان کی اسٹوری ’لوگوں نے مجھے اسی شکل میں قبول کر لیا ہے‘ کے لیے رین بو لٹ فیسٹ – کویئر اینڈ انکلوزیو کے ذریعہ ۲۰۲۴ سال کے فیچر سے نوازا گیا۔ یہ اسٹوری ایرولر برادری سے تعلق رکھنے والی ٹرانس جینڈر تلسی کے بارے میں ہے۔

۷۶- بہترین ماحولیاتی صحافت فلم ایوارڈ ۲۰۲۴

نومبر ۲۰۴ میں، اورجا کو آل لیونگ تھنگز انوائرمنٹل فلم فیسٹیول (اے ایل ٹی ای ایف ایف) کی طرف سے بہترین ماحولیاتی صحافت فلم ایوارڈ دیا گیا۔ یہ ایوارڈ انہیں سمندر کے اونٹ کے لیے دیا گیا۔

۷۵- دی اسٹیٹس مین ایوارڈز برائے دیہی رپورٹنگ ۲۰۲۳

ستمبر ۲۰۲۴ میں، اپرنا کارتکیئن کو تمل ناڈو کے روایتی کسانوں کی زندگی اور ان کی فصلوں پر لکھے گئے رپورتاژ کے لیے اسٹیٹس مین ایوارڈز برائے دیہی رپورٹنگ ۲۰۲۳ کے تحت پہلے انعام سے نوازا گیا۔ انہیں یہ ایوارڈ ان کی سیریز انہیں چاول کھانے دو کے لیے دیا گیا۔

۷۴- لاڈلی میڈیا ایوارڈز، ۲۰۲۴ ججوں کی طرف سے توصیف نامہ

ستمبر ۲۰۲۴ میں، آکانکشا کو ۱۴ویں لاڈلی میڈیا اینڈ ایڈورٹائزنگ ایوارڈز برائے جنسی حساسیت ۲۰۲۴ کے ججوں کے ذریعہ انگریزی زبان میں ویب – فیچر کیٹیگری میں ججوں کی طرف سے توصیف نامہ دیا گیا۔ یہ ان کی اسٹوری محبت کرنے والی ایک انوکھی جوڑی کو ممبئی میں ٹھکانہ کی تلاش کے لیے دیا گیا۔

۶۷۔ ریکارڈو میموریل پرائز برائے نشریاتی میڈیا ۲۰۲۳

شالنی سنگھ نے ریکارڈو میموریل پرائز برائے نشریاتی میڈیا ۲۰۲۳ کا سلور جیتا ہے، جو یو این کرسپانڈنٹس (یو این سی اے) نے انہیں سال ۲۰۲۰-۲۰۱۹ میں پاری کے لیے ماحولیاتی تبدیلی سے متعلق اسٹوریز کرنے کے لیے دیے تھے۔

۶۶۔ سنجوئے گھوش میڈیا ایوارڈز ۲۰۲۳

جگیاسا مشرا کے نام کا اعلان ’ریکگنائزنگ ایکسیلنس اِن رورل رپورٹنگ اینڈ امپاورنگ ینگ وائسز‘ والے زمرہ میں سنجوئے گھوش میڈیا ایوارڈز کی مشترکہ فاتح کے طور پر کیا گیا ہے۔ یہ ایوارڈ ان کی اسٹوری ’’جھن جھنوں میں شادی کے لیے دلہن خریدنی پڑتی ہے‘‘ کے لیے انہیں دیا گیا ہے۔

۶۵۔ لاڈلی میڈیا ایوارڈز ۲۰۲۳، ججوں کی طرف سے سند توصیفی

اکتوبر ۲۰۲۳ میں، پاری-ایم ایم ایف فیلو سنکیت جین نے لاڈلی میڈیا ایوارڈز ۲۰۲۳ میں ججوں کی طرف سے سند توصیفی حاصل کیا، جو ایتھلیٹوں کی ذہنی صحت پر ماحولیاتی تبدیلی کے اثرات سے متعلق ان کی اس اسٹوری کے لیے تھا۔

۶۴۔ لاڈلی میڈیا ایوارڈز ۲۰۲۳، ججوں کی طرف سے سند توصیفی

اکتوبر ۲۰۲۳ میں، پاری فیلو امرتا کوسورو نے لاڈلی میڈیا ایوارڈز ۲۰۲۳ میں ججوں کی طرف سے سند توصیفی حاصل کیا، جو میلا ڈھونے والوں کی بیواؤں سے متعلق ان کی اس اسٹوری کے لیے تھا۔

۶۳۔ کورنگ کلائمیٹ ناؤ صحافتی ایوارڈز، ۲۰۲۳

ستمبر ۲۰۲۳ میں، سنکیت جین نے ذہنی صحت پر ماحولیات کے اثرات کا احاطہ کرنے والی تین قسطوں پر مبنی سیریز کے لیے کورنگ کلائمیٹ ناؤ کا ’سال کا ابھرتا ہوا صحافی ایوارڈ‘ جیتا۔

۶۲۔ اسٹیٹس مین ایوارڈ برائے دیہی رپورٹنگ ۲۰۲۲

ستمبر ۲۰۲۳ میں، سنکیت جین نے ابھرتے ہوئے کھلاڑیوں کی ذہنی صحت پر ماحولیاتی تبدیلی کے اثرات سے متعلق اپنی اسٹوری کے لیے اسٹیٹس مین ایوارڈ برائے دیہی رپورٹنگ میں دوسرا انعام حاصل کیا۔

۶۰۔ ٹرو اسٹوری ایوارڈ، ۲۰۲۳

جون ۲۰۲۳ میں، اپرنا کارتکیئن اُن ۱۲ صحافیوں میں شامل تھیں جن کا انتخاب ٹرو اسٹوری ایوارڈز ٹرو اسٹوری ایوارڈز، برن، سوئٹزرلینڈ کے لیے کیا گیا تھا۔ ان کی تمل ناڈو کے نمک کے کھیتوں پر مبنی اسٹوری کو فائنل لسٹ میں جگہ ملی تھی۔

۵۳۔ انٹرنیشنل اسپورٹس پریس ایسوسی ایشن، ۲۰۲۲

۱۲ جون، ۲۰۲۲ کو پاری کے سینئر فیلو سنکیت جین نے تحریری زمرہ میں انٹرنیشنل اسپورٹس پریس ایسوسی ایشن کا ینگ رپورٹر اسپیشل کمینڈیشن ایوارڈ حاصل کیا۔

۵۲۔ پلنی کمار کو ملا دیانیتا سنگھ - پاری ڈاکیومینٹری فوٹوگرافی ایوارڈ، ۲۰۲۲

ہیسل بلاڈ ایوارڈ جیتنے والی فوٹوگرافر دیانیتا سنگھ نے پاری کے ساتھ مل کر دیانیتا سنگھ – پاری ڈاکیومینٹری فوٹوگرافی ایوارڈ شروع کیا ہے۔

۵۰۔ مرنالنی مکھرجی فاؤنڈیشن گرانٹ، ۲۰۲۲

سنکیت جین کو مارچ ۲۰۲۲ میں مرنالنی مکھرجی فاؤنڈیشن گرانٹ ملی تھی جو ان کی پاری سینئر فیلوشپ کے لیے دی گئی تھی۔ فاؤنڈیشن دیہی کاریگروں اور ان کے ختم ہوتے ذریعہ معاش پر سنکیت جین کے جاری کام سے کافی متاثر ہوا تھا۔ فاؤنڈیشن نے ان کے ذریعہ تورن بنانے والے کاریگروں پر کی گئی اسٹوری کا خاص طور پر ذکر کیا تھا۔

۴۵۔ لاڈلی میڈیا ایوارڈ برائے صنفی حساسیت، ۲۰۲۱

پاری کی رپورٹر جیوتی شنولی نے نومبر ۲۰۲۱ میں لاڈلی میڈیا ایوارڈ جیتا جسے (انہیں پاپولیشن فرسٹ کے ذریعہ) ان کی اسٹوری ’میرا کاٹ [بچہ دانی] باہر نکلتا رہتا ہے‘ کے لیے دیا گیا، جو ۱۷ جون، ۲۰۲۰ کو شائع ہوئی تھی۔

۴۴۔ لاڈلی میڈیا ایوارڈ برائے صنفی حساسیت، ۲۰۲۱

پاری کی معاون سنسکرتی تلوار نے نومبر ۲۰۲۱ میں لاڈلی میڈیا ایوارڈ جیتا، جو ۲۰ اکتوبر، ۲۰۲۰ کو شائع ہونے والی اسٹوری ایک ملک، کوئی راشن کارڈ نہیں کے لیے دیا گیا تھا۔

۴۳۔ پریس انسٹی ٹیوٹ آف انڈیا – آئی سی آر سی ایوارڈ، ۲۰۲۱

پاری کی رپورٹر جگیاسا مشرا کو ۱۰ مئی، ۲۰۲۱ کو شائع ہونے والی ان کی اسٹوری یوپی پنچایت انتخابات میں ہلاک ہونے والے اساتذہ کے لیے نومبر ۲۰۲۱ میں پریس انسٹی ٹیوٹ آف انڈیا – انٹرنیشنل کمیٹی آف دا ریڈ کراس (آئی سی آر سی) ایوارڈز میں اسپیشنل مینشن سے نوازا گیا۔ پی آئی آئی – آئی سی آر سی ایوارڈز کے اس ۱۵ویں ایڈیشن کا تھیم ’سپر ہیروز: بیٹلنگ ایٹ دا فرنٹ لائن اِن دا ٹائم آف کرائسس‘ تھا۔

۳۷۔ پی آر سی آئی کے چانکیہ ایوارڈز برائے صحافت، ۲۰۲۱

پاری کی رپورٹر جگیاسا مشرا نے ستمبر ۲۰۲۱ میں پبلک رلیشنز کونسل آف انڈیا کے چانکیہ ایوارڈز برائے صحافت میں پانی کے بندوبست پر بہترین اسٹوری کا ایوارڈ جیتا، جو ۶ جون، ۲۰۲۰ کو شائع ہونے والی ان کی اسٹوری کان کی ریت میں احتجاجی قدموں کے نشان کے لیے دیا گیا تھا۔

۳۶۔ فوکوؤکا گرانڈ پرائز، ۲۰۲۱

پاری کے بانی ایڈیٹر پی سائی ناتھ کو ستمبر ۲۰۲۱ میں ان کی شاندار صحافت اور پاری کے بانی کے طور پر فوکوؤکا گرانڈ پرائز (جاپان) سے سرفراز کیا گیا۔ یہ ایوارڈ ہر سال ان افراد کی عزت افزائی کے لیے دیا جاتا ہے جنہوں نے ایشیائی تحقیق، ایشیائی فن اور ایشیائی ثقافت کے شعبوں میں اپنا تعاون دیا ہے۔ مزید پڑھیں

۳۴۔ ایشین کالج آف جرنلزم ایوارڈز، ۲۰۲۱

جون ۲۰۲۱ میں (ایشین کالج آف جرنلزم ایوارڈز، چنئی کے) تحقیقی صحافت کے زمرہ میں خواتین کی صحت پر پاری کی سیریز کو اسپیشل مینشن حاصل ہوا، جو سال ۲۰۲۰ میں شائع ہونے والی اسٹوریز کے لیے تھا۔ یہ ایوارڈ انوبھا بھوسلے، امرتا بیاتنال، جگیاسا مشرا، جیوتی شنولی، کویتا مرلی دھرن، میدھا کالے، پلّوی پرساد، پریتی ڈیوڈ، اور سنسکرتی تلوار کو فروری سے نومبر ۲۰۲۰ تک شائع ہونے والی ان کی اسٹوریز کے لیے دیا گیا تھا۔

۳۱۔ وان – اِفرا جنوبی ایشیائی ڈیجیٹل میڈیا ایوارڈز، ۲۰۲۲

پاری کی ٹیم کو ۲۰۲۰ میں وان – اِفرا کے جنوبی ایشیائی ڈیجیٹل میڈیا ایوارڈز کے سلور پرائز کا فاتح قرار دیا گیا۔ اس ایوارڈ کا اعلان ۳ دسمبر، ۲۰۲۰ کو کیا گیا تھا، جس میں پاری نے ’کووڈ۔۱۹ کے لیے بہترین اسپیشل پروجیکٹ‘ کے زمرہ میں سلور (چاندی کا تمغہ) حاصل کیا۔ مارچ ۲۰۲۰ کے آخری ہفتہ سے شروعات کرتے ہوئے، پاری نے ہندوستان کے سب سے کمزور طبقوں کے معاش اور روزمرہ کی زندگی پر لاک ڈاؤن کے اثرات سے متعلق (دسمبر ۲۰۲۱ کے آخر تک) تقریباً ۲۰۰ بہترین اسٹوریز شائع کیں (جو پاری کی لائبریری میں شائع ہونے والی متعدد رپورٹوں کے علاوہ تھیں)۔ مزید پڑھیں

۲۹۔ پریس انسٹی ٹیوٹ آف انڈیا – آئی سی آر سی ایوارڈ، ۲۰۲۰

پاری کی رپورٹر جگیاسا مشرا کو ۶ جون، ۲۰۲۰ کو شائع ہونے والی ان کی اسٹوری کان کی ریت میں احتجاجی قدموں کے نشان کے لیے پریس انسٹی ٹیوٹ آف انڈیا – انٹرنیشنل کمیٹی آف دا ریڈ کراس ایوارڈ سے نوازا گیا۔ یہ ایوارڈ انہیں انسانیت کے موضوع پر بہترین مضمون کے زمرے میں دیا گیا تھا۔ مزید پڑھیں

۲۸۔ لاڈلی میڈیا ایوارڈ برائے صنفی حساسیت، ۲۰۲۰

پاری کی رپورٹر جیوتی شنولی نے ۲۰۲۰ میں صنفی حساسیت کے لیے لاڈلی میڈیا ایوارڈ جیتا جسے انہیں (پاپولیشن فرسٹ، ممبئی کے ذریعہ) ۱۰ اگست، ۲۰۱۸ کو شائع ہونے والی ان کی اسٹوری کوئی جرم نہیں، لیکن سزا لامتناہی کے لیے دیا گیا تھا۔ مزید پڑھیں

۲۷۔ پریم بھاٹیا ایوارڈ برائے صحافت، ۲۰۲۰

پاری کی ٹیم نے ماحولیات اور ترقیات سے متعلق مسائل پر ’’ماحولیاتی تبدیلی کے اثرات اور دیہی ہندوستان پر وبائی مرض کے اثرات سمیت بڑے پیمانے پر زمینی سطح کی رپورٹنگ کرنے کے لیے‘‘ پریم بھاٹیا ایوارڈ برائے صحافت جیتا (جو اسے پریم بھاٹیا میموریل ٹرسٹ، نئی دہلی کی طرف سے دیا گیا تھا)۔ مزید پڑھیں

۲۶۔ پی آر سی آئی کے چانکیہ ایوارڈز برائے صحافت، ۲۰۲۰

پاری فیلو (۲۰۱۹) پلنی کمار نے ۳۱ اکتوبر، ۲۰۱۹ کو شائع ہونے والی اسٹوری تمل ناڈو کی سمندری کائی جمع کرنے والی خواتین کے لیے پبلک رلیشنز کونسل آف انڈیاز کمیونی کیٹر آف دا ایئر: سال کی بہترین اسٹوری کا ایوارڈ جیتا۔

۲۵۔ پی آر سی آئی کے چانکیہ ایوارڈز برائے صحافت، ۲۰۲۰

پاری کی رپورٹر جیوتی شنولی نے ۱۷ جون، ۲۰۱۹ کو شائع ہونے والی اسٹوری سمردھی شاہراہ کے بلڈوزر تلے پاردھی اسکول کے لیے پبلک رلیشنز کونسل آف انڈیاز کمیونی کیٹر آف دا ایئر: سال کے بہترین مواد کا ایوارڈ جیتا۔

۲۴۔ پریس انسٹی ٹیوٹ آف انڈیا – آئی سی آر سی ایوارڈ، ۲۰۱۹

پاری فیلو (۲۰۱۶) اُروَشی سرکار نے ۲۰ جولائی، ۲۰۱۸ کو شائع ہونے والے اپنے مضمون ’ہمارے گھر غائب ہو رہے ہیں۔ کسی کو پرواہ نہیں ہے‘ کے لیے بہترین مضمون کے زمرہ میں پہلا انعام جیتا۔

۱۷۔ ریڈ اِنک ایوارڈ، ۲۰۱۹

پاری کی رپورٹر جیوتی شنولی نے ۳ مئی، ۲۰۱۸ کو شائع ہونے والی اپنی اسٹوری معاش کے لیے ایک دن میں ۶۰۰۰ پتّے جمع کرنا کے لیے خواتین کو با اختیار بنانے اور صنفی مساوات کے زمرے میں ریڈ اِنک ایوارڈ جیتا (جو انہیں ممبئی پریس کلب نے دیا)۔

۱۶۔ رامناتھ گوئنکا ایکسیلنس اِن جرنلزم ایوارڈ، ۲۰۱۹

پاری فیلو (۲۰۱۷) پارتھ ایم این نے مراٹھواڑہ سے اپنی سلسلہ وار اسٹوریز کے لیے (آنکھوں سے اوجھل ہندوستان کو منظر عام پر لانے کے زمرہ میں) انڈین ایکسپریس گروپ کا رامناتھ گوئنکا ایکسیلنس اِن جرنلزم ایوارڈ جیتا۔

۱۵۔ دیہی علاقوں سے رپورٹنگ کے لیے اسٹیٹس مین پرائز، ۲۰۱۸

پاری کی مضمون نگار پوجا اوستھی نے دیہی علاقوں سے رپورٹنگ کے لیے اسٹیٹس مین پرائز جیتا، جو انہیں ۵ جولائی اور ۳ اگست، ۲۰۱۷ کو پاری پر شائع ہونے والی ان کی دو اسٹوریز: مار کھائی لیکن جھکی نہیں – سنندا ساہو کی خاموش لڑائی اور اچار اور پاپڑ سے آگے ڈھول اور خواب کے لیے دیا گیا تھا۔

۱۴۔ لاڈلی میڈیا ایوارڈ برائے صنفی حساسیت، ۲۰۱۸

پاری فیلو (۲۰۱۶) اُروَشی سرکار کو ۱۲ اکتوبر، ۲۰۱۷ کو شائع ہونے والی ان کی اسٹوری شیر نے بیوہ کر دیا، ریاست نے چھوڑ دیا کے لیے فیچرز والے زمرہ میں سال ۲۰۱۸ کا لاڈلی میڈیا ایوارڈ حاصل ہوا (جو انہیں پاپولیشن فرسٹ نے دیا تھا)۔

۱۳۔ لورینزو نتالی میڈیا پرائز، ۲۰۱۸

پاری فیلو (۲۰۱۷) پارتھ ایم این نے ۶ فروری، ۲۰۱۸ کو شائع ہونے والی اپنی اسٹوری دو ہزار گھنٹے تک گنّے کی کٹائی کے لیے لورینزو نتالی میڈیا پرائز حاصل کیا (جو انہیں یوروپی کمیشن کی طرف سے دیا گیا تھا)۔

۱۲۔ ساؤتھ ایشین شارٹ فلم فیسٹیول، کولکاتا، ۲۰۱۸

پاری کی ۱۵ ویڈیوز/فلمیں ایس اے ایس ایف ایف – ۲۰۱۸ کے لیے منتخب کی گئیں: جن میں سے ۱۳ کا انتخاب مقابلہ: ڈاکیومینٹری سیکشن کے لیے اور ۲ کا انتخاب آفیشل پینورما ویونگ کیٹیگری میں کیا گیا تھا۔ (ان ویڈیوز اور فلموں کی مکمل فہرست اس صفحہ کے آخر میں ملاحظہ کریں، جہاں پر ۲۰۱۹ کے ایس اے ایس ایف ایف کے مقابلہ: ڈاکیومینٹری سیکشن کے لیے منتخب ہونے والی پاری کی پانچ فلموں/ویڈیوز کی فہرست بھی دی گئی ہے۔)

۱۱۔ پاریگی ہنومنت راؤ جرنلزم ایوارڈ، ۲۰۱۸

پاری فیلو (۲۰۱۷) راہل ایم نے پاری پر شائع ہونے والی اپنی اسٹوریز کے لیے سال ۲۰۱۸-۲۰۱۷ کا پاریگی ہنومنت راؤ جرنلزم ایوارڈ حاصل کیا (جو انہیں آندھرا پردیش کے پاریگی ہنومنت راؤ فاؤنڈیشن کی طرف سے دیا گیا تھا)۔

۳۔ نیشنل فلم ایوارڈز، حکومت ہند، ۲۰۱۶

پاری فیلو (۲۰۱۵) ندھی کامت اور کے یا واسوانی نے ۲ مئی، ۲۰۱۶ کو پاری پر شائع ہونے والی اپنی فلم مہیشور کی بُنائی کے لیے ۶۳ویں نیشنل فلم ایوارڈز، ۲۰۱۶ میں بہترین پروموشنل فلم کا سلور لوٹس (رجت کمل) حاصل کیا۔

۲۔ پرفل بدوئی میموریل پرائز، ۲۰۱۶

پاری اور اس کے بانی ایڈیٹر پی سائی ناتھ کو ’’زرعی بد حالی پر ان کے رپورتاژ اور تبصروں اور اطلاعات و ترغیب کا ذریعہ یعنی پاری‘‘ کے لیے (پرفل بدوئی میموریل کمیٹی، نئی دہلی کی طرف سے) پہلا پرفل بدوئی میموریل پرائز۔ مزید پڑھیں