ఎవరో ఒకరు ఏదో ఒకరోజు ఆ పాటలను విని తనను  మెచ్చుకుంటారన్న ఆశతో, అతను తన పాటలను సోషల్ మీడియా లో పెడతాడు.

“ఏదో ఒకరోజు నేను నా పాటల ఆల్బంను తయారు చేస్తాను.” అన్నాడు ఈ 24 ఏళ్ళ శాంటో తంతి. ఇతను అస్సాంలోని జోర్హాట్ జిల్లాలో సైకోట్ట టీ ఎస్టేట్ లోని దేకియాజులి విభాగానికి చెందినవాడు.

శాంటో  గాయకుడిగా మారాలని కలలు కంటూ పెరిగాడు. కానీ వాస్తవ జీవితం భిన్నంగా ఉంది. అతను ఒక సైకిల్ రిపైర్ షాప్ లో పని చేసి సంపాదిస్తున్నాడు.

వీడియో చూడండి : శాంటో తంతి బాధ, పని, ఆశ తో కూడిన పాటలు

శాంటో తంతి ఒక ఆదివాసి - కానీ అతనిని ఒక వర్గానికి మాత్రమే చెందినవాడని అనలేము. ఇంచుమించుగా ఒకటిన్నర శతాబ్దం నుండి అస్సాం టీ తోటల్లో ఒడిశా, వెస్ట్ బెంగాల్, బీహార్, ఝార్ఖండ్, తెలంగాణ, మధ్యప్రదేశ్, ఛత్తీస్గఢ్, ఆంధ్రప్రదేశ్ నుండి ఆదివాసీలు ఇక్కడికి వలసకూలీలుగా పనిచేస్తున్నారు. ఈ ఆదివాసీ సమూహాలు కలిసిపోయారు. వీరిని తరచుగా ‘టీ ట్రైబ్స్’ అని పిలుస్తారు.

దగ్గరగా 60 లక్లలమంది అస్సాంలో నివసిస్తున్నారు, వాళ్ళని షెడ్యూల్డ్ ట్రైబ్స్ అని వారి మూలలను బట్టి  చెప్పినా, ఇక్కడ వారికి ఆ అర్హత ఇవ్వబడదు. ఇందులో 12  లక్షల మంది రాష్ట్రంలో 1000 పైన ఉండే టీ తోటల్లో పని చేస్తున్నారు.

వాళ్ళ దైనందిన జీవితాల్లో కష్టాలలో, విపరీతమైన చాకిరిలలో వారి ఆశయాలు నలిగిపోతుంటాయి. కానీ శాంటో ఆశయాలు మాత్రం అలా కాలేదు. అతను పాడే ఝముర్ పాటలు తన చుటూ ఉన్నవారి యాతనను గురించే ఆలపిస్తాయి. మనం తాగే ఒక కప్పు తాజా టీ పానీయం వెనుక, టీ తోటల మధ్య ఎండలో ఏండి, వానలో తడిచే వారు పడే కష్టాన్ని గుర్తుచేస్తాడు.

Santo grew up dreaming of being a singer. But he has to earn a livelihood helping out at a small cycle repair shop that his father owns
PHOTO • Himanshu Chutia Saikia
Santo grew up dreaming of being a singer. But he has to earn a livelihood helping out at a small cycle repair shop that his father owns
PHOTO • Himanshu Chutia Saikia

శాంటో  గాయకుడిగా మారాలని కలలు కంటూ పెరిగాడు. కానీ వాస్తవ జీవితం భిన్నంగా ఉంది. అతను ఒక సైకిల్ రిపైర్ షాప్ లో పని చేసి సంపాదిస్తున్నాడు

ఈ ఝముర్ పాటలను సాద్రి భాషలో పాడతారు. ఇవి ఒక తరం నుండి మరొక తరం అందిపుచ్చుకుంటూ వస్తున్న పెన్నిధి. శాంటో పాడే పాటలు అతని తండ్రి లేదా మావయ్య కూర్చినవే. మరికొన్ని అతను పిల్లవాడిగా ఉన్నప్పుడు, తరాలుగా వినిపించిన పాటలను అందిపుచ్చుకున్నవే. ఈ పాటలలో దేశంలోని రకరకాల ప్రాంతాల  నుండి వలస వచ్చిన ఆదివాసీ వర్గాల కూలీల గురించి ఉంటుంది. పాత ఇంటిని మరిచిపోయి కొత్త గూడు నిర్మించుకోవడం గురించి ఉంటుంది. చిక్కని అడవులను, అదనుగా లేని నేలను బాగుచేసి టీ తోటలుగా వాటిని మార్చిన కథలుంటాయి.

సంగీతంతో శాంటోకి ఉన్న అమితమైన అనుబంధాన్ని గురించి గ్రామస్తులు అతనిని అవమానపరుస్తుంటారు. అతని ఆశయాలు ఏవైనా, చివరికి అతని టీ తోటలో ఆకులు ఏరుకుంటూ బతకవలసిందే అని అంటారు. అలాంటి మాటలు అతనిని తాత్కాలికంగా మాత్రమే కుంగదీస్తాయి. అతని పెద్ద పెద్ద కళలను కనడం ఆపడు. ఆశతో  సోషల్ మీడియా లో తన పాటలను అప్లోడ్ చేయడం కూడా ఆపడు.

అనువాదం: అపర్ణ తోట

Himanshu Chutia Saikia

Himanshu Chutia Saikia is an independent documentary filmmaker, music producer, photographer and student activist based in Jorhat, Assam. He is a 2021 PARI Fellow.

Other stories by Himanshu Chutia Saikia
Translator : Aparna Thota

Aparna Thota is a writer (Telugu & English) based out in Hyderabad. ‘Poorna’ and ‘Bold & Beautiful’ are her published works.

Other stories by Aparna Thota