ଚିତ୍ରଦୁର୍ଗରେ ଅବସ୍ଥିତ ଏକ ଜନପ୍ରିୟ ଖାଇବା ସ୍ଥାନ ଶ୍ରୀ ଲକ୍ଷ୍ମୀ ଭବନ ଟିଫିନ୍‌ ରୁମ୍‌ର ଭିତର ପାଖ କାନ୍ଥରେ ଲଗାଯାଇଥିବା ଏକ ନୋଟିସ୍‌ରେ କନ୍ନଡ ଭାଷାରେ ଏହା ଲେଖାଯାଇଛି ଯେ-

ଗ୍ରାହକଙ୍କ ଦୃଷ୍ଟି ଆକର୍ଷଣ କରିବା ପାଇଁ

ଆମ ପାଖରେ ୨୦୦୦ ଟଙ୍କା ନୋଟ୍‌ ବଦଳରେ ଦେବା ପାଇଁ  ଖୁଚୁରା ପଇସା ଉପଲବ୍ଧ ନାହିଁ । ଦୟାକରି ସଠିକ୍‌ ମୂଲ୍ୟ ପ୍ରଦାନ କରନ୍ତୁ ବା ଦେୟ ମୂଲ୍ୟ ଠାରୁ କମ୍‌ ମୂଲ୍ୟ ବିଶିଷ୍ଟ ମୁଦ୍ରା ପ୍ରଦାନ କରନ୍ତୁ ।

The notice on the wall inside the Sri Lakshmi Bhavan Tiffin Room – Chitradurga’s most famous eating place –  written in Kannada
PHOTO • P. Sainath

ଶ୍ରୀ ଲକ୍ଷ୍ମୀ ଭବନ ଟିଫିନ ରୁମ୍‌ର ଭିତର ପାଖ କାନ୍ଥରେ ଲଗିଥିବା ନୋଟିସ୍‌

ଏହି ନୋଟିସ୍‌ ନଭେମ୍ବର ୮, ୨୦୧୬ରେ ବିମୁଦ୍ରୀକରଣ ହେବାର ଅଳ୍ପ କିଛି ଦିନପରେ ଲଗାଯାଇଥିଲା । “ଏହା ଦ୍ୱାରା ଆମେ ପ୍ରକୃତରେ ପ୍ରଭାବିତ ହୋଇଛୁ ” ବୋଲି ଏହାର ମ୍ୟାନେଜର୍‌ ଏସ୍‌.ମୁରଲୀ କୁହନ୍ତି । "ପ୍ରଥମ ୩-୪ ମାସରେ ଆମ ବ୍ୟବସାୟରେ ଆମକୁ ୫୦ ପ୍ରତିଶତ କ୍ଷତି ସହିବାକୁ ପଡିଲା । ଲୋକମାନେ ଏଠାକୁ ଆସନ୍ତି ଓ କିଛି ନଖାଇ ଚାଲି ଯାଆନ୍ତି । ଏହା ଏକ ଦୁଃସମୟ ଥିଲା ।’’ ଚିତ୍ରଦୁର୍ଗ ଟାଉନ୍‌, ଯାହା ହେଉଛି କର୍ଣ୍ଣାଟକର ଏକ ଜିଲ୍ଲାର ସଦରମହକୁମାର ନାମ ମଧ୍ୟରେ ଅବସ୍ଥିତ ଏକ ଜନପ୍ରିୟ ଟିଫିନ୍‌ ରୁମ୍‌ର ଭାଗ୍ୟ ଏଭଳି ହୋଇଯାଇଥିଲା ।

 “ମୁଦ୍ରା ପରିସ୍ଥିତି ଏବେ ସୁଧୁରି ଗଲାଣି, ନଗଦ କାରବାର ପୁଣି ଆରମ୍ଭ ହେବାର ପ୍ରାୟ ଏକ ବର୍ଷ ହୋଇ ଗଲାଣି- ତଥାପି ଏହି ନୋଟିସ୍‌ କାହିଁକି ଲଗାଯାଇଛି?” ବୋଲି ଆମେ ଯେତେବେଳେ ପଚାରିଲୁ, ମୁରଲି ହସିଲେ । “ହଁ, ବର୍ତ୍ତମାନ ପରିସ୍ଥିତି ସୁଧୁରି ଗଲାଣି କିନ୍ତୁ ମୁଁ ଭାବୁଛି ଆମେ ଏବେ ମଧ୍ୟ ଏହାକୁ ଲଗେଇ ରଖିବାକୁ ଚାହିଁବୁ ।’’ ଏହି ଅକୁହା ବାର୍ତ୍ତା: ଆପଣ କେବେ ମଧ୍ୟ ଜାଣିନଥିବେ … ଏହା ପୁଣି ଥରେ ଘଟିପାରେ । ପରବର୍ତ୍ତୀ ଥର ଏହା କେଉଁ ରୂପରେ ଦେଖାଦେବ ତାହା କିଏ ଜାଣିଛି?

ଆମ ପାଖରେ ଉପଯୁକ୍ତ ମୂଲ୍ୟର ମୁଦ୍ରା ଉପଲବ୍ଧ ଥିବାରୁ ମୁଁ ଗର୍ବିତ ଅନୁଭବ କଲି । ପ୍ରକୃତରେ ସେହି ଦୋସାଗୁଡିକ ଅବିଶ୍ୱସନୀୟ ଅଟେ । ପ୍ରସିଦ୍ଧ ଚିତ୍ରଦୁର୍ଗ ଦୁର୍ଗ ପରିଦର୍ଶନରେ ଯାଉଥିବା ପର୍ଯ୍ୟଟକ ଓ ଆଖପାଖ ଅଞ୍ଚଳରୁ ଆସୁଥିବା ଲୋକମାନେ ଏଥିପାଇଁ ଏଠାକୁ ଆସନ୍ତି । ମୁଁ ସେମାନଙ୍କୁ ଏହି ଟିଫିନ୍‌ ରୁମ୍‌କୁ ଯିବାପାଇଁ ସୁପାରିଶ କରିବି । ତେବେ କେବଳ ଏତିକି ମନେ ରଖନ୍ତୁ ଯେ ୨୦୦୦ ଟଙ୍କାର ନୋଟ୍‌ ଏଠାରେ ବାହାର କରିବେ ନାହିଁ ।

ଅନୁବାଦ: ଓଡ଼ିଶାଲାଇଭ୍‍

ଓଡ଼ିଶାଲାଇଭ୍: ଏହି ଅନୁବାଦ ଓଡ଼ିଶାଲାଇଭର ତତ୍ତ୍ୱାବଧାନରେ କରାଯାଇଛି। ଓଡ଼ିଶାଲାଇଭ୍ ହେଉଛି ଭୁବନେଶ୍ୱରସ୍ଥିତ ଏକ ପ୍ରଗତିଶୀଳ ଡିଜିଟାଲ୍ ପ୍ଲାଟ୍ଫର୍ମ ଏବଂ ସୃଜନଶୀଳ ଗଣମାଧ୍ୟମ ଓ ଯୋଗାଯୋଗ ଏଜେନ୍ସି। ଏଠାରେ ଲୋକାଲାଇଜେସନ, କଣ୍ଟେଣ୍ଟ ପ୍ରସ୍ତୁତି, ଭିଡ଼ିଓ ପ୍ରଡକ୍ସନ ଏବଂ ୱେବ୍ ଓ ସୋସିଆଲ୍ ମିଡ଼ିଆ ପରି ବିଭିନ୍ନ କ୍ଷେତ୍ରରେ ଅଡ଼ିଓ ଭିଜୁଆଲ୍ ବିଷୟବସ୍ତୁ, ନ୍ୟୁଜ୍ ଇତ୍ୟାଦି ସେବା ପ୍ରଦାନ କରୁଛୁ।

ପି.ସାଇନାଥ ପିପୁଲ୍ସ ଆର୍କାଇବ ରୁରାଲ ଇଣ୍ଡିଆର ସଂସ୍ଥାପକ ସମ୍ପାଦକ, ସେ କେଇ ଦଶକ ଧରି ଜଣେ ଗ୍ରାମୀଣ ସମ୍ବାଦଦାତା ଭାବରେ କାର୍ଯ୍ୟ କରିଛନ୍ତି ଏବଂ ସେ ‘ଏଭ୍ରିବଡି ଲଭ୍ସ ଏ ଗୁଡ୍ ଡ୍ରଟ୍’ର ଲେଖକ।

Other stories by P. Sainath