منسا اور برنالہ ضلع کے کسانوں کا کہنا ہے کہ پنجاب میں دھان کی کھیتی نے وہاں کے بہت سے کسانوں کو معاشی طور پر برباد کر دیا ہے۔ وہ بتاتے ہیں کہ سرکار نے فصلوں کی جو قیمت دینے کا وعدہ کیا تھا، اس سے کہیں کم قیمت پر خریداری کی جا رہی ہے۔ منسا کے علی شیر کلاں گاؤں سے تعلق رکھنے والے ایک بزرگ گرجنت سنگھ کہتے ہیں، ’’کسانوں کی زندگی اداسیوں سے بھری ہوتی ہے۔‘‘
اس ویڈیو میں ان کی آواز سنیں، جسے ۲۹ نومبر ۲۰۱۸ کو اُس وقت ریکارڈ کیا گیا تھا جب پنجاب کے بہت سے کاشتکاروں نے دہلی تک کسان مُکتی مارچ نکالا تھا۔ ان کے مطالبات میں قرض معافی، فصلوں کے لیے کم از کم امدادی قیمت، اور سوامی ناتھن کمیشن رپورٹ کو نافذ کرنا شامل تھا۔
مترجم: محمد قمر تبریز
