पराई बाजा बजे ला लगथे अऊ रैली सुरु हो जाथे.

करीबन 60 लोगन के भीड़ नारा लगावत हवय, “जय जय जय जय जय भीम, जय आंबेडकर जय भीम.” मुंबई के धारावी मं हरेक बछर 6 दिसम्बर 2022 के दिन डॉ. भीमराव आंबेडकर के  बरसी मं महापरिनिर्वाण रैली के आयोजन करे जाथे.

एक-एक करके लोगन मन मोमबत्ती जलाथें अऊ धारावी के पेरियार चौक मं जमा होथें, अऊ फिर एशिया के सबले बड़े झुग्गी बस्ती के ये हिस्सा तिहार के माहौल ले भर जाथे. महापरिनिर्वाण दिवस (आंबेडकर के बरसी) के ये आयोजन जय भीम फाउंडेशन के डहर ले होवत हवय. ये रैली करीबन दू घंटा तक चलही अऊ ई. वी. रामास्वामी (पेरियार) चौक ले गणेशन कोविल मं लगे आंबेडकर मूर्ति तक ले जाही, जऊन ह इहां ले करीबन डेढ़ किलोमीटर दूरिहा हवय.

वेनिला सुरेश कुमार कहिथे, “आज के दिन हमर सेती तिहार जइसने हवय, सरा मुंबई शहर 14 अप्रैल (आंबेडकर जयंती) अऊ 6 दिसंबर ला जातपात के भेदभाव ले मारे लोगन मन ला हक दिलाय मं ये महान नेता के योगदान ला सुरता करथें. वेनिला सुरेश कुमार अपन घरवाला सुरेश कुमार राजू के संग फाउंडेशन के माई सदस्य आंय. वो ह कहिथें,  “हमन नीला झंडा ला जम्मो रद्दा मं सजाथन अऊ घर-घर जाके लोगन मन ला आय के नेवता देथन.”

येकर बाद वो ह आंबेडकर के मूर्ति ला माला पहिराय ला जाथे - जऊन ह धारावी भर मं एकेच मूर्ति आय अऊ बाद मं वो ह अपन मंडली के संग तमिल भाखा मं अपन नेता ला समर्पित गीत गाय लगथे.

Left: Candles are lit before the beginning of the rally and people gather and talk about the contributions of Ambedkar.
PHOTO • Ablaz Mohammed Schemnad
Right: Vennila (white kurta) plays a lead role in gathering women for the rally
PHOTO • Ablaz Mohammed Schemnad

डेरी : रैली सुरु होय के पहिली मोमबत्ती जलाय जाथे अऊ संकलाय लोगन मन आंबेडकर के योगदान ऊपर  गोथियाथें. जउनि: वेनिला (उज्जर कुरता मं) के रैली सेती माइलोगन मन ला जोरे मं माई भूमका हवय

Tamil slogans are shouted during the rally as most participants are from Tamil-speaking homes. Aran (boy on the left) plays the parai instrument in the rally
PHOTO • Ablaz Mohammed Schemnad

रैली बखत तमिल भाखा मं नारा लगथे काबर रैली मं शमिल अधिकतर लोगन मन तमिल बोलेइय्या आंय. अरण (सबले डेरी मं ठाढ़े टूरा) रैली बखत पराई बजाथे

45 बछर के सुरेश, उत्तरी मुंबई के एक ठन कंपनी मं गाड़ी चलाथे. वो ह हरेक दिन 14 घंटा बूता करथे अऊ महिना मं 25,000 रूपिया तनखा मिलथे. 41 बछर के वेनिला घरेलू बूता करेइय्या आंय, वो ह धारावी के तीर के एक ठन अपार्टमेंट मं हरेक दिन 6 घंटा बूता करथे. वो ला महिना मं 15,000 रूपिया मिलथे.

ये जोड़ा के दू झिन बेटा हवंय -17 बछर के कार्तिक अऊ 12 बछर के अरण, जऊन मन शहर के निजीस्कूल मं पढ़थें. वेनिला कहिथें, “हमन दादर के चैत्यभूमि जइसने शहर के दूसर हिस्सा मं होवेइय्या भीम तिहार मं घलो भाग लेथन. धारावी मं अधिकतर परायर समाजेच के लोगन मन आंबेडकर ला मानथें अऊ इहाँ के तिहार मं सामिल होथें.”

वेनिला अऊ सुरेश मूल रूप ले तमिलनाडु के आंय अऊ परयार समाज ले आथें, जऊन ह वो मन के राज मं अनुसूचित जाति के रूप मं सूचीबद्ध हवंय. वेनिला कहिथें, “मोर ददा ह सन 1965 मं काम बूता खोजत तिरुनेलवेली ले धारावी आय रहिस.” परिवार ला येकरे सेती आय ला परिस काबर, अपासी नई होय सेती अऊ दीगर कतको चीज ले खेती ले गुजारा नई होय सकत रहिस.

धारावी मं ये जोड़ा जिहां रहिथे, उहाँ अऊ तीर-तखार के आंबेडकरवादी मन ला एके जगा संकेले मं वो मन के महत्तम भूमका हवय. सुरेश बताथें के  2012 मं वो ह राजा कुट्टी राजू, नित्यानंद पलानी, अनिल शांतिनी अऊ  दीगर सदस्य मन के संग, “14 अप्रैल अऊ 6 दिसम्बर के दिन आंबेडकर के सुरता मं अऊ ओकर योगदान ऊपर जागरूकता लाय सेती सामूहिक आयोजन सुरु करे रहिन.”

Outside Vennila’s new house (left) is a photo of Buddha, Dr. Ambedkar, Periyar E.V. Ramaswamy, Savitribhai Phule and Karl Marx . Vennila and her husband (right), and their two sons converted to Buddhism last year
PHOTO • Ablaz Mohammed Schemnad
Outside Vennila’s new house (left) is a photo of Buddha, Dr. Ambedkar, Periyar E.V. Ramaswamy, Savitribhai Phule and Karl Marx . Vennila and her husband (right), and their two sons converted to Buddhism last year
PHOTO • Ablaz Mohammed Schemnad

डेरी: वेनिला के नवा घर (डेरी) के बहिर बुद्ध, आंबेडकर, ई. वी. रामास्वामी पेरियार, सावित्रीबाई फुले अऊ कार्ल मार्क्स के फोटू लगे हवंय वेनिला अऊ ओकर घरवाला (जउनि) ह बीते बछर अपन दूनो बेटा के संग बौद्ध धर्म अपना ले हवंय

Vennila with women in her self-help group, Magizhchi Magalir Peravai
PHOTO • Ablaz Mohammed Schemnad
Vennila with women in her self-help group, Magizhchi Magalir Peravai
PHOTO • Ablaz Mohammed Schemnad

वेनिला अपन स्वयं सहायता समूह ‘मगिडची मगलिर पेरवई’ के माइलोगन मन के संग

सुरेश जब ड्राइवरी नई करत रहय, तब जय भीम फ़ाउंडेशन के काम करथें. वो ह बताथें के 2012 मं फ़ाउंडेशन मं 20 झिन सदस्य रहिन अऊ अब 150 झिन हवंय. वो ह कहिथें, “हमर अधिकतर सदस्य घलो बहिर ले आय लोगन मन आंय. वो मन ड्राइवरी करथें अऊ रेलवे मं बूता करथें, फेर रैली मन मं शामिल होथें.”

वेनिला ह 9 वीं तक ले पढ़े रहिस अऊ ओकर बाद रोजी-रोटी सेती वोला पढ़ई छोड़े ला परिस. वो ह बताथें के रसोईय्या के बूता करत अऊ एक ठन दफ्तर मं काम करे बखत वो ह अंगरेजी बोले सीख लीस. 2016 मं, वेनिला अऊ इलाका के कुछु दीगर माईलोगन मन मगिडची मगलिर पेरवई  नांव के एक ठन स्वयं सहायता समूह (एसएचजी) बनाइन.  ओकर कहना हवय, “इहाँ हमन माईलोगन मन ला अपन बर जियादा टेम नई मिलय, येकरे सेती ये महिला मंडली के जरिया ले हमन कतको कार्यक्रम करथन अऊ संग मं फिलिम देखे ला जाथन.”  लॉकडाउन बखत वेनिला ह अपन जान पहिचान के लोगन मन के मदद ले, स्वयं सहायता समूह ह धारावी के लोगन मन ला खाय, किरण के समान अऊ छोट मोट आर्थिक मदद दीन.

वो ह मुचमुचावत कहिथें के तमिल मं ‘मगिडची’ के मतलब ख़ुशी होथे. “माइलोगन मन हमेशा अपन मन ला मार के रहत हवंय अऊ अपन घर मं अवसाद मं जिंयत रहिथें. हमन एक ठन अइसने ठीहा बनाय हवन जिहां हम सब एक दूसर ले ख़ुशी ख़ुशी गोठ बात करथन.”

Vennila (white kurta), her husband Suresh (in white shirt behind her), and Suresh’s younger brother Raja Kutty along with many others are responsible for organising the rally
PHOTO • Ablaz Mohammed Schemnad

वेनिला (उज्जर कुरती मं), ओकर घरवाला सुरेश (उज्जर कमीज मं ओकर पाछू), अऊ सुरेश के छोटे भाई राजा कुट्टी अऊ कतको झिन के संग मिलके ये रैली के आयोजन करे हवंय

Aran (white tee-shirt) plays the parai (percussion) instrument for the rally
PHOTO • Ablaz Mohammed Schemnad

अरण (उज्जर टी-शर्ट मं) रैली मं पराई बाजा बजाथे

The rally starts from Periyar Chowk and ends at the Ambedkar statue inside the compound of Ganeshan Kvil. The one and a half kilometre distance is covered within two hours
PHOTO • Ablaz Mohammed Schemnad

रैली पेरियार चौक ले शुरू होथे अऊ गणेशन कोविल के अहाता मं बने आंबेडकर मूर्ति करा जाके खतम हो जाथे. करीबन डेढ़ किलोमीटर दूरिहा जाय मं दू घंटा लाग जाथे

Blue flags with 'Jai Bhim' written on them are seen everywhere during the rally
PHOTO • Ablaz Mohammed Schemnad

रैली बखत हरेक जगा नीला झंडा दिख्त हवंय, जेन मं ‘जय भीम’ लिखे हवय

Vennila (white kurta) raises slogans as they march. Suresh’s younger brother, Raja Kutti, (white shirt and beard) marches next to her. The beating of the parai and slogans add spirit to the rally
PHOTO • Ablaz Mohammed Schemnad

वेनिला (उज्जर कुर्ती मं) रैली मं नारा लगाथें. सुरेश के छोटे भाई राजा कुट्टी (उज्जर क़मीज़ अऊ दाढ़ी मं) ओकर बगल मं चलत हवंय. पराई के अवाज अऊ नारा रैली मं जोश भर दे हवय

Raja Kutty Raja (white shirt and beard) and Nithyanand Palani (black shirt) are key organisers of the rally
PHOTO • Ablaz Mohammed Schemnad

राजा कुट्टी राजा (उज्जर कमीज अऊ दाढ़ी) अऊ नित्यानंद पलानी (करिया कमीज) रैली के माई आयोजक आंय

Tamil rapper Arivarasu Kalainesan, popularly known as Arivu, was present throughout the rally. He sang songs and rapped at the end of the rally
PHOTO • Ablaz Mohammed Schemnad

अरिवु के नांव ले मशहूर तमिल रैपर अरिवरसु कलइनेसन घलो रैली बखत मऊजूद रहिन. रैली खतम होय के बाद वो ह गीत गइस अऊ रैप करिस

Towards the end of the rally, some of the participants go to the top of the Ambedkar statue and put a garland as a mark of respect
PHOTO • Ablaz Mohammed Schemnad

रैली खतम होय के बाद कुछु लोगन मन आंबेडकर के मूर्ति तीर जाथें अऊ मन सम्मान ले वोला माला पहिराथें


अनुवाद: निर्मल कुमार साहू

Student Reporter : Ablaz Mohammed Schemnad

Ablaz Mohammed Schemnad is a postgraduate student in Development Studies at Tata Institute of Social Sciences, Hyderabad. He did this story during his internship in 2022 with People's Archive of Rural India.

Other stories by Ablaz Mohammed Schemnad
Editor : Riya Behl

Riya Behl is Senior Assistant Editor at People’s Archive of Rural India (PARI). As a multimedia journalist, she writes on gender and education. Riya also works closely with students who report for PARI, and with educators to bring PARI stories into the classroom.

Other stories by Riya Behl
Photo Editor : Binaifer Bharucha

Binaifer Bharucha is a freelance photographer based in Mumbai, and Photo Editor at the People's Archive of Rural India.

Other stories by Binaifer Bharucha
Translator : Nirmal Kumar Sahu

Nirmal Kumar Sahu has been associated with journalism for 26 years. He has been a part of the leading and prestigious newspapers of Raipur, Chhattisgarh as an editor. He also has experience of writing-translation in Hindi and Chhattisgarhi, and was the editor of OTV's Hindi digital portal Desh TV for 2 years. He has done his MA in Hindi linguistics, M. Phil, PhD and PG diploma in translation. Currently, Nirmal Kumar Sahu is the Editor-in-Chief of DeshDigital News portal Contact: [email protected]

Other stories by Nirmal Kumar Sahu