اعترافات

پاری جب ایک نوخیز تصور تھا، تب پروفیسر اننیا مکھرجی۔ریڈ، جو اب یورک یونیورسٹی، ٹورنٹو کی ڈین آف فیکلٹی، لبرل آرٹس اور پروفیشنل اسٹڈیز ہیں، نے اس کے خیالات، تصورات اور وضاحت میں نہایت اہم تعاون دیا۔ پاری پر موجود تعلیم سے متعلق مضبوط گوشہ انہی کی دین ہے۔

تھاٹ ورکس انڈیا کے رضاکار تکنیکی ماہرین نے پاری کے پلیٹ فارم کو ممکن بنایا۔ ان کے بغیر، اس میں سے کوئی بھی عملی شکل اختیار نہیں کر سکتا تھا۔ بہت سے لوگوں نے قیمتی طریقوں سے مدد کی، لیکن منوج مہالنگم (جو تب ٹی ڈبلیو کے ساتھ تھے) اور ستیش وشوناتھن نے ہمیں شروعات کرنے میں کلیدی رول ادا کیا۔ سدھارتھ اڈیلکر ہماری مجموعی کوشش کا تب بھی مرکزی حصہ تھے اور اب بھی ہیں۔

پاری جب اپنے وجود کے دوسرے مرحلہ میں داخل ہو رہا ہے، اس وقت ہمارے ساتھ آدتیہ دیپانکر ہیں، جو ویب سائٹ کے ڈیزائن اور ظاہری شکل میں حیرت انگیز تبدیلی کر رہے ہیں۔ ہمارے ساتھ تیجسوی پُتھرایا بھی ہیں جو آغاز سے بھی پہلے، ٹیکنالوجی اور دیگر تمام متعلقہ امور میں، ہر وقت موجود رہے۔

بہت سے دوسرے لوگوں نے بھی بڑی اور کئی طریقوں سے مدد کی:

پی۔ آر۔ گاندھی اینڈ کمپنی، ممبئی کے پی۔ آر۔ گاندھی، کارتک شاہ، دیپک سونی اور ایشا ٹھکر، اور دہلی کے پرکاش شاہ کا ان کے بیش قیمتی تعاون کے لیے خاص طور سے شکریہ۔

ہم ان لوگوں کا بھی شکریہ ادا کرنا چاہتے ہیں، جن سے ہمیں بے پناہ حوصلہ افزائی اور حمایت حاصل ہوئی، اور یہ سلسلہ اب بھی جاری ہے، جیسے کہ ابھجیت دتہ، انل چودھری، مریم رام، رومی مہاجن، سدرشن لویَلکا، سدھنوا دیش پانڈے اور وجے پرشاد۔

ہم رضاکاروں، صحافیوں، فلم سازوں اور دیگر معاونین کے بھی بے حد ممنون ہیں، جن کی طرف سے ہمیں لگاتار وقت اور مشقت حاصل ہو رہی ہے۔ ان کی تعداد اتنی زیادہ ہے کہ ان سبھی کا یہاں ذکر کرنا ممکن نہیں ہے۔ ایسے بھی کچھ نام ہو سکتے ہیں، جن کا ذکر ہم نہیں کر سکے، جس کے لیے ہم معافی چاہتے ہیں۔ کچھ لوگوں کے کام کرنے کی جگہ کے سبب ہم ان کے نام نہیں لے سکتے۔

پی۔ سائی ناتھ

بانی ایڈیٹر، پاری