ଦରିଦ୍ରତା ଯୋଗୁଁ ମେଘକୁ ରାସ୍ତା ତିଆରି କାମରେ ସାମିଲ ହୋଇଛନ୍ତି

ଏହି ପାହାଡ଼ି ରାସ୍ତା ନିର୍ମାଣରେ ନିୟୋଜିତ ହୋଇଥିବା ଅଧିକାଂଶ ଶ୍ରମିକ ବିହାର, ଛତିଶଗଡ଼ ଓ ଝାଡ଼ଖଣ୍ଡରୁ ପ୍ରବାସରେ ଆସିଛନ୍ତି, ସେମାନେ ଉଚ୍ଚ ପତ୍ତନରେ ଅବସ୍ଥିତ ଏହି ଦୁର୍ଗମ ଭୂଭାଗରେ ମେ ମାସରୁ ଅକ୍ଟୋବର ମଧ୍ୟଭାଗ ପର୍ଯ୍ୟନ୍ତ ରହିଥାନ୍ତି

ବିହାରରୁ ଆସିଥିବା ଜିତେନ ମୁର୍ମୁ (ବାମ), ନିଜର ସହକର୍ମୀଙ୍କ ସହିତ ଚିଲିଂ ଗ୍ରାମ ନିକଟରେ ଥିବା ସେମାନଙ୍କ ଟେଣ୍ଟ ବାହାରେ ମଧ୍ୟାହ୍ନ ଭୋଜନ ପାଇଁ ଅପେକ୍ଷା କରି ରହିଛନ୍ତି ଯାହା ଅନ୍ୟ ଏକ କ୍ୟାମ୍ପ ସାଇଟ୍‌ରୁ ଆସିଥାଏ । କାନଭାସ୍‌ ଟେଣ୍ଟରେ ରହୁଥିଲେ ମଧ୍ୟ ଶୀତ ରାତିରେ ଥଣ୍ଡାର ପ୍ରକୋପରୁ ସେମାନେ ସମ୍ପୂର୍ଣ୍ଣ ରକ୍ଷା ପାଇପାରନ୍ତି ନାହିଁ । ସେମାନେ ରାସ୍ତାପାର୍ଶ୍ୱରେ କ୍ୟାମ୍ପ ପକେଇଥାନ୍ତି ଓ ରାସ୍ତା କାମ ଅଗ୍ରଗତି ହେବା ସହିତ ସେମାନଙ୍କ ରହିବା ସ୍ଥାନ ବଦଳାଇଥାନ୍ତି

ଉଚ୍ଚ-ପତ୍ତନରେ ଅବସ୍ଥିତ ଏହି ରାସ୍ତାଗୁଡ଼ିକ ମୁଖ୍ୟତଃ ଶାରୀରିକ ଶ୍ରମ ଦ୍ୱାରା ନିର୍ମାଣ କରାଯାଇଥାଏ – ଭାରି ଯନ୍ତ୍ର ସାଧାରଣତଃ କମ୍‌ ବ୍ୟବହାର କରାଯାଏ । ଶ୍ରମିକମାନଙ୍କ ପାଖରେ ପ୍ରାୟତଃ ସୁରକ୍ଷା ପ୍ରଦାନକାରୀ ପୋଷାକ ନାହିଁ ଓ ପ୍ରଚୁର ଧୂଳି ମଧ୍ୟରେ କାମ କରୁଥିଲେ ମଧ୍ୟ ସେମାନେ ନିଜ ମୁହଁକୁ କୌଣସି ମାସ୍କ ପରିବର୍ତ୍ତେ କେବଳ କପଡ଼ାରେ ଘୋଡ଼େଇଥାନ୍ତି । ସେମାନେ ଉଚ୍ଚ-ପତ୍ତନରେ ଥିବା ଏହି ସ୍ଥାନଗୁଡ଼ିକରେ, ଯେଉଁଠାରେ ଅମ୍ଳଜାନର ଅଭାବ ରହିଛି, ସେଠାରେ ନିଜ ପିଠିରେ ଓଜନିଆ ଭାର ଲଦି ବୋହିଥାନ୍ତି ଓ ଶ୍ୱାସ ପ୍ରଶ୍ୱାସ ନେବା ପାଇଁ ବହୁବାର ମଝିରେ ବସି ଥକାମାରନ୍ତି

ବିହାରରୁ ଆସିଥିବା ପ୍ରକାଶ ସିଂହ ଲେହ-ନିମୋ-ଚିଲିଂ-ପାଦମ ରାଜପଥର ନିର୍ମାଣ କାର୍ଯ୍ୟ ପର୍ଯ୍ୟବେକ୍ଷଣ କରୁଛନ୍ତି

ଏକ ଡ୍ରିଲିଂ ରିଗ୍‌ ସହାୟତାରେ, ଜଣେ ଶ୍ରମିକ ପ୍ରସିଦ୍ଧ ଲାମାୟୁରୁ ମଠଠାରୁ ୫୦କିଲୋମିଟର ଦୂରତାରେ ଥିବା ଏକ ପାହାଡ଼ି ରାସ୍ତାକୁ ଚଉଡ଼ା କରିବା କାମ କରୁଛି – ଯେଉଁଠାରେ ଶ୍ୱାସକ୍ରିୟା ସମ୍ପାଦନ କରିବା କଷ୍ଟକର ହେଉଛି ସେହିପରି ପତଳା ବାୟୁରେ ରହି ନିରନ୍ତର ଧୂଳି ପ୍ରଶ୍ୱାସରେ ଗ୍ରହଣ କରୁଛନ୍ତି

ଝାଡ଼ଖଣ୍ଡରୁ ଆସିଥିବା ସନ୍ଧ୍ୟା ରାଣୀ ମୁର୍ମୂ ହେଉଛନ୍ତି ସେହି କାର୍ଯ୍ୟସ୍ଥଳିରେ କାମ କରୁଥିବା ଏକାଧିକ ମହିଳାମାନଙ୍କ ମଧ୍ୟରୁ ଜଣେ; ସେ ନିଜ ଭାଇଙ୍କ ପାଖକୁ ଆସିଛନ୍ତି, ବୋଲି ସେ କୁହନ୍ତି ଓ ଚାଙ୍ଗ ଲା ପାସ୍‌ ଓ ଟାଗ୍‌ସେ ମଧ୍ୟରେ ଥିବା ଦୁର୍ବୋକ୍‌ ଗ୍ରାମ ପାଖରେ ଚାଲିଥିବା ରାସ୍ତା କାମରେ ସମସ୍ତଙ୍କ ସହିତ ମିଶି କାମ କରୁଛନ୍ତି । ମାଟି ଅତଡ଼ା ଖସିବା ଚାଙ୍ଗ ଲାରେ ଏକ ସାଧାରଣ ଘଟଣା, ଏଣୁ ସବୁବେଳେ ଏଠାରେ ଶ୍ରମିକମାନଙ୍କ ଚାହିଦା ରହିଥାଏ

ବୀର ବାହାଦୂର ନେପାଳରୁ ଆସିଛନ୍ତି । ସେ ପ୍ରତ୍ୟେକ ଗ୍ରୀଷ୍ମ ଋତୁରେ ରାସ୍ତା ନିର୍ମାଣ କାମ  କରିବା ପାଇଁ ଲଦାଖକୁ ଛଅ ମାସ ପାଇଁ ଆସିଥାନ୍ତି । ଚଳିତ ଥର, ଚଣ୍ଡିଗଡ଼ର ଜଣେ ଠିକାଦାର ତାଙ୍କୁ ଏହି କାମ ଯୋଗାଇ ଦେଇଛନ୍ତି । ସେ ନେପାଳରୁ ଆସିଥିବା ଅନ୍ୟ ପାଞ୍ଚ ଜଣ ଶ୍ରମିକଙ୍କ ସହିତ ଏକ ଟେଣ୍ଟରେ ରୁହନ୍ତି

ପେମା ନିଜର ତିନି ବର୍ଷର ପୁଅ ନାଓଦୁପଙ୍କ ସହିତ କାର୍ଯ୍ୟକ୍ଷେତ୍ରକୁ ଆସିଥାନ୍ତି । ସେମାନେ ପଶ୍ଚିମ ଲଦାଖରେ ଥିବା ପଙ୍ଗୋଗ ସୋ ହ୍ରଦ ନିକଟରେ ଅବସ୍ଥିତ ଲୁକୁଙ୍ଗ ଗ୍ରାମରେ ରୁହନ୍ତି। ଏହି ପ୍ରବାସୀମାନଙ୍କ ସହିତ ଲଦାଖରେ ବସବାସ କରୁଥିବା ଅନେକ ପରିବାର ମଧ୍ୟ ରାସ୍ତା ନିର୍ମାଣ କାର୍ଯ୍ୟରେ ନିୟୋଜିତ ଅଛନ୍ତି

ଝାଡଖଣ୍ଡର ସନ୍ତୋଷ ଟୋପ୍‌ନୋ ଚୁମାଥଙ୍ଗରେ ଚାଲିଥିବା ସେତୁ ନିର୍ମାଣ କାର୍ଯ୍ୟରେ ନିୟୋଜିତ ହୋଇଛନ୍ତି ଓ କିଛି ସମୟ ପାଇଁ ବିଶ୍ରାମ ନେଉଛନ୍ତି

ଚୁଶୁଲ ଗ୍ରାମ, ଯେଉଁଠାକୁ ଗାଡ଼ିରେ ଯିବା ପାଇଁ ଏକ ଘଣ୍ଟା ସମୟ ଲାଗିଥାଏ, ସେଠାରେ ପ୍ରବାସୀ ଶ୍ରମିକମାନେ ଏକ ଟେଣ୍ଟରେ ନିଜର ମଧ୍ୟାହ୍ନ ଭୋଜନ ଗ୍ରହଣ କରୁଛନ୍ତି । ମଧ୍ୟାହ୍ନ ଭୋଜନ ପାଇଁ ଏକ ଘଣ୍ଟା ସମୟ ଦିଆଯାଇଥାଏ । ସେମାନେ ଅତି ସାଧାରଣ ଖାଦ୍ୟ ଖାଆନ୍ତି ଯାହା ଏହି ଜଳବାୟୁରେ ଜୀବନଧାରଣ କରିବା ପାଇଁ ପାଇଁ ଆଦୌ ପର୍ଯ୍ୟାପ୍ତ ନୁହେଁ- ଭାତ, ଡାଲି ଓ କିଛି ପନିପରିବା ଯାହା ସେମାନଙ୍କ ଟେଣ୍ଟରେ ଥିବା ଏକ ଷ୍ଟୋଭ୍‌ରେ ରନ୍ଧାଯାଇଛି

ବିଭିନ୍ନ ସ୍ଥାନରେ ଯେତେବେଳେ ଇଣ୍ଡସ୍‌, ସେଠାରେ ଚୁମାଥଙ୍ଗ ଦେଇ କିଆରି ଓ ମାହେ ସେତୁ ମଧ୍ୟ ଦେଇ ପ୍ରବାହିତ ହୁଏ, ତାହା ଦ୍ୱାରା ରାସ୍ତା କ୍ଷତିଗ୍ରସ୍ତ ହୋଇଥାଏ । ସେନା ଯାତାୟତ କରିବା ପାଇଁ ଏହା ଏକ ପ୍ରମୁଖ ରାସ୍ତା ହୋଇଥିବାରୁ, ଏହାର ମରାମତି ପାଇଁ ଶ୍ରମିକମାନଙ୍କୁ ଡକାଯାଇଥାଏ

ଝାଡ଼ଖଣ୍ଡ ଜିଲ୍ଲାର କୋଦେର୍ମା ଜିଲ୍ଲାରୁ ଆସିଥିବା ଭକତ ରାମଙ୍କ ବୟସ ୫୩ବର୍ଷ । ସେ ଦିନକୁ ୪୦୦ ଟଙ୍କା ରୋଜଗାର କରନ୍ତି ଓ ଏଠାକୁ ଗତ ଚାରି ବର୍ଷ ହେବ ଆସୁଛନ୍ତି । ଏଠାରେ ଯେଉଁ ପରିସ୍ଥିତିରେ କାମ କରିବାକୁ ହୋଇଥାଏ ତାହା ସେ ନାପସନ୍ଦ କରନ୍ତି ଓ ଆସନ୍ତା ବର୍ଷ ଏଠାକୁ ଆଉ ଆସିବେ ନାହିଁ ବୋଲି କହୁଛନ୍ତି

ହମିଦ ଅନ୍‌ସାରୀ, ୩୨, ଝାଡ଼ଖଣ୍ଡର ରାଞ୍ଚି ଜିଲ୍ଲାରୁ ଆସିଛନ୍ତି । ଅକ୍ଟୋବର ୧୦ରେ ତାଙ୍କର କାର୍ଯ୍ୟ ଚୁକ୍ତି ସମୟ ଶେଷ ହୋଇଯାଇଛି ଓ ସେ ଲେହକୁ ଫେରିବା ପାଇଁ ସୋ ମୋରିରି ନିକଟରେ ଯାନବାହନକୁ ଅପେକ୍ଷା କରି ରହିଛନ୍ତି

ଝାଡ଼ଖଣ୍ଡରୁ ଆସିଥିବା ଦୁଇଜଣ ଶ୍ରମିକ ସେମାନଙ୍କ କାମ ସାରି ମ୍ୟାଗ୍ନେଟିକ୍‌ ହିଲ୍‌ ପାଖରେ ଥିବା ସେମାନଙ୍କ ଟେଣ୍ଟ ଆଡ଼କୁ ଚାଲି ଚାଲି ଯାଉଛନ୍ତି