పళని కుమార్‌కు దయానిత సింగ్-PARI డాక్యుమెంటరీ ఫోటోగ్రఫీ అవార్డు

దక్షిణ తమిళనాడులోని తూత్తుకుడి జిల్లాలో 25,000 ఎకరాల ఉప్పుకయ్యలలో అతి తక్కువ కూలీ కోసం శ్రమించి, చెమటలు కక్కుతున్న అనేక మంది మహిళల్లో రాణి కూడా ఒకరు. తూత్తుకుడి ఉప్పుమడుల రాణి నుంచి

ఎ. మూకుపొరి ఎనిమిదేళ్ల వయసు నుంచే సముద్రపు నాచు కోసం నీటిలోకి దూకుతున్నారు. ఈ అసాధారణమైన, సంప్రదాయక వృత్తిలో మునిగివున్న తమిళనాడులోని భారతీనగర్‌కు చెందిన అనేకమంది మత్స్యకార మహిళలు ఇప్పుడు తమ జీవనోపాధిని ప్రభావితం చేస్తున్న వాతావరణ మార్పులతో పోరాడుతున్నారు. తమిళనాడులో సముద్రపు నాచును వెలికితీసే కార్మికుల ఎదురీత నుంచి

డెబ్బైలలో వయసున్న గోవిందమ్మ, బకింగ్‌హామ్ కాలువలో రొయ్యలను పట్టుకుని, వాటిని తన నోటితో పట్టుకున్న బుట్టలోకి సేకరిస్తారు. గాయాలపాలై, కంటి చూపు తగ్గిపోయినప్పటికీ ఆమె తన కుటుంబాన్ని పోషించడం కోసం ఈ పని చేస్తూనేవున్నారు. గోవిందమ్మ: ‘నా జీవితమంతా నేను నీళ్లలోనే ఉన్నాను’ నుంచి

తమిళనాడులోని కరూర్ జిల్లాలో కావేరి ఒడ్డున ఉన్న కోరై పొలాల్లో పనిచేస్తున్న అనేక మంది మహిళల్లో ఎ. మారియాయి ఒకరు. పొలాల్లో చేసే ఈ పని చాలా కష్టమైనది, తక్కువ జీతం తెచ్చేది, వారి ఆరోగ్యంపై దీని ప్రభావం పడుతోంది. ఈ కోరై పొలం నాకు మరో ఇల్లు లాంటిది నుంచి

తమిళనాడు, తూత్తుకుడి జిల్లాలో ఉప్పుమడుల కార్మికులు మండుటెండలో, అసౌకర్యంగా ఉండే పని ప్రదేశంలో, మనమంతా వంటగదిలో ముఖ్యమైన దినుసుగా వాడే ఉప్పుని పండిస్తారు. తూత్తుకుడి ఉప్పుమడుల రాణి నుంచి

తమిళనాడులోని కొంబు కళాకారులలో పి.మగరాజన్ ఒకరు. ఏనుగు తొండం ఆకారంలో ఉండి, గాలి ఊదటం ద్వారా మోగించే ఈ వాయిద్యాన్ని వాయించే కళ రాష్ట్రవ్యాప్తంగా మందగించింది. కళాకారులకు పని, డబ్బు లేకుండా పోయింది. మధురై కొంబులో, శబ్దం లేని రాగాలు నుంచి

కోవిడ్-19 లాక్‌డౌన్ సమయంలో ఒక్క రోజు సెలవు కానీ, ఎటువంటి రక్షణ పరికరాలు కానీ లేకుండా నగరాన్ని ఊడ్చడం, శుభ్రపరచడం వంటి పనులు చేయడంకోసం చెన్నైలోని పారిశుద్ధ్య కార్మికులు చాలా దూరాలు నడిచారు. Sanitation workers - the wages of ingratitude నుంచి

అంగవైకల్యం ఉన్న పారిశుద్ధ్య కార్మికురాలు రీతా అక్క, చెన్నైలోని కొత్తూరుపురం ప్రాంతంలో ఉదయంవేళల్లో చెత్తను తొలగిస్తారు. కానీ ఆమె సాయంకాలాలు మాత్రం తన సహచరులైన కుక్కలకు ఆహారాన్నివ్వడం, వాటితో మాట్లాడటంతో గడుస్తుంటాయి. Rita akka’s life is going to the dogs (and cats) నుంచి

తన కుమారుడు విశాంత్ రాజాతో డి. ముత్తురాజా. ముత్తురాజా, అతని భార్య ఎం. చిత్రలు పేదరికం, అనారోగ్యం, అంగవైకల్యం ఉన్నప్పటికీ ధైర్యంగా, ఆశతో జీవితాన్ని ఎదుర్కొంటున్నారు. చిత్ర, ముత్తురాజా: ఎవరికీ తెలియని ప్రేమకథ నుంచి

కళ, నైపుణ్యం, నాటకరంగం, పాటల ద్వారా తమిళనాడులోని అసంఖ్యాక చిన్నారుల జీవితాల్లో వెలుగులు నింపిన ఆర్.ఎళిల్అరసన్ అనే కళాకారుడు. ఎళిల్ అన్న నన్ను మట్టి నుంచి తయారుచేశారు నుంచి

ఒక అరుదైన ఆనందమయ క్షణంలో పళని తల్లి తిరుమాయి. దీపస్థంభపు వెలుగులో, మా అమ్మ జీవితం నుంచి