ମହାରାଷ୍ଟ୍ରରେ ବୃଦ୍ଧି ପାଉଥିବା ରାତିର ତାପମାନ ଯୋଗୁଁ ମହିଳାମାନେ ବିନିଦ୍ର ରହୁଛନ୍ତି, କ୍ଳାନ୍ତ ହେଇ ଯାଉଛନ୍ତି ଓ ବିରକ୍ତି ଅନୁଭବ କରୁଛନ୍ତି, ଏବଂ ସେମାନଙ୍କ ମାନସିକ ସ୍ଵାସ୍ଥ୍ୟ ଭାରାକ୍ରାନ୍ତ ହେଉଛି । ଦୈନନ୍ଦିନ ଜୀବନ, ଶ୍ରମ କର୍ମ ଓ ଘନିଷ୍ଠ ସମ୍ପର୍କକୁ ଏହା ପ୍ରଭାବିତ କରୁଛି

ତାମିଲନାଡୁର ଵିରୁଧାଚଳମରେ ମାଟି କାରିଗର ସେରାମିକ୍ କଣ୍ଢେଇ ଓ ମାଟି ଦୀପ ତିଆରି କରିଥାନ୍ତି । ଏହି କାମରୁ ଆଉ ସ୍ଥାୟୀ ଆୟ କିମ୍ବା ତାକୁ ଯେଉଁଭଳି ସ୍ୱୀକୃତି ମିଳିବା କଥା ତାହା ମିଳୁନାହିଁ, ତଥାପି ଏହି କାରିଗରମାନେ ସେମାନଙ୍କର କଳା ବଞ୍ଚାଇ ରଖିଛନ୍ତି, ସେମାନଙ୍କର ହାତର ସ୍ପର୍ଶରେ ମାଟିରୁ କଳା ଜନ୍ମ ନେଇଥାଏ

ମହାରାଷ୍ଟ୍ରର ବିଦର୍ଭ କ୍ଷେତ୍ର ଅନ୍ତର୍ଗତ ପିମ୍ପଲଗାଓଁ ସରାଇ ଗାଁରେ ମୂଳ ନିବାସୀଙ୍କ ତୁଳନାରେ ପ୍ରବାସୀ ପରିବାରଙ୍କ ସଂଖ୍ୟା ଅଧିକ । ସେମାନେ ଏଠାକାର ଏକ ଦରଗାହକୁ ଆସନ୍ତି ଏବଂ ବିଶ୍ୱାସ କରନ୍ତି ଯେ, ସେଠାରେ ଚମତ୍କାରିତା ବଳରେ ମାନସିକ ରୋଗର ସଫଳ ଉପଚାର କରାଯାଇଥାଏ

ପଞ୍ଜାବରେ ଗୁରମେଲଙ୍କ ପରି ଦଳିତ କାରିଗରମାନେ ଦୁହାଁ ଯାଉଥିବା ଜନ୍ତୁମାନଙ୍କ ନିମନ୍ତେ ଗହମ କାଣ୍ଡ ଗଦାକୁ ମହଜୁଦ ରଖିବା ପାଇଁ କୁପ୍ପ ତିଆରି କରନ୍ତି । କିନ୍ତୁ ଏହି ଗୋଖାଦ୍ୟ ଭଣ୍ଡାରଣ ବାବଦୀୟ ଉପସ୍ଥାପନାରେ ରାଜ୍ୟର କୃଷି ଓ ପଶୁପାଳନ କ୍ଷେତ୍ରରେ ବଦଳୁଥିବା ଚିତ୍ର ସ୍ପଷ୍ଟ ଭାବେ ପରିଦୃଶ୍ୟ ହୁଏ

ଉତ୍ତର ଓ କେନ୍ଦ୍ରୀୟ ଛତିଶଗଡ଼ରେ, ଆଜିକାଲି ମହିଳାମାନେ କାମ କରିବାକୁ ଯିବା ବେଳେ ସେମାନଙ୍କ ଶିଶୁମାନଙ୍କୁ ଶିଶୁଗୃହ କିମ୍ବା ଲାଇକା ଘର ଜିମାରେ ଛାଡ଼ି ଦେଇପାରୁଛନ୍ତି । ସେମାନଙ୍କ ଜୀବନଧାରା ଓ ଶିଶୁମାନଙ୍କ ସ୍ୱାସ୍ଥ୍ୟ ଉପରେ ଏହାର ଏକ ଗୁରୁତ୍ୱପୂର୍ଣ୍ଣ ପ୍ରଭାବ ପରିଲକ୍ଷିତ ହୋଇଛି । ୨୦୨୫ର ଶିଶୁ ଦିବସ ଉପଲକ୍ଷେ ଏକ ଆଲେଖ୍ୟ