धरम के धंधा मं लगे बाबा मन के नांव

For the Making of God-Men

A gullible people is the first need.
Stunned
we adore the static and its empty spiel,
and trace—muscle-memorized—
wrathful lords in stones silent otherwise.
On bloodied knees we kneel to alarm steadily strummed,
prone to easy frenzies, crescendoing on terror surely to come.
For us to live,
others—mirrored farther than they are—surely must die,
God-Men we say will save us in god’s eye.

Nestling enough sins to merit hectic purgation,
find us fishing piety in plays with hacks.
While in the trenches, tear us a piece of paradise promised
and find stacked
the honeyed crucible tipping in tributes—
all judge all jury spared.
God-men—still men—will see our reason we say.

Then ripping and slipping into the plastic skins of god,
God-men dictate divine desires to a gaping mass
hungry for succour and still with our pockets picked.
Leaving even rivers and forests with their holiness nicked.
Unlinking the hands—those lapsed from the regimented swoop—
meeting in the name of a prayer to rely,
God-men then claim whole a quilted sky.

Heaven and hell are conquered and stamped literal
God-Men rise untethered and free.
They efface the humane to make space for godliness—
perverted, twice-removed, distanced from soil and its sea.

God-Men command and god fights proxy fights,
God-Men scheme and god muffles the writhing of hunger—or tries.
God-Men point and god exacts his pound of flesh,
God-Men require and god irons the beating red afresh.

For the keeping of such God-Men,
people are to die after killing
with all the living dodged.
Every glance at the sky is sieved for strays,
while god—look around—has been looking away.
Until the headiness of this unholy ritual sends you reeling and still—
a life is to be lived.
Time is made to tick in rounds of grain, sweat, and seed,
and borrows only from those it can stretch out a calloused hand to—
and reach.
Muttering thanks to goodness for hands
patchworking, soldering and inked,
smeared in budding earth;
no longer foddering themselves
for glitzy panacea in prescribed mirth.
Slowly then, as quiet as now moving ripple,
deliverance takes the name of other ordinary people.

धरमगुरु मन के करनी

वो मन ला चाही सिधवा मइनखे
अकबकाय अऊ हलाकान
जेन ह चले चलावत
कतको फिजूल बात मं मोहाय हवय
ते पायके आदत परे सेती
कलेचुप परे पथरा मं
नियाव के कोनो देंवता खोजथे

सरलग झुके सेती जेकर माड़ी मं जखम हवय
तुरते वो ह डर के आगू मुड़ नँवा देथे
माते अइसने हवय
के बस चुटकी मारत
अऊ ओकर मन ले डेर्रावत
बात के बतंगड़ बनत देखव

जिंयत रहे बर
दीगर लोगन मन के लहू बोहवत देखव
काबर के धरम गुरु मन कहे हवंय
वो मन वोला भगवान के सराप ले बचा लिहीं

हमर मन मं अतक पाप भरे गे हवय
के देवी-देंवता मन ला मनाके
अब ओकर प्रायश्चित जरूरी बताय गे हवय
दुख ले भरे ये जिनगी ला
सरग के अतक सपना दिखाय गीस
के ओकर रत्ती भर हासिल करे बर
हमन वो मन के आगू चढ़ावा के ढेरी लगा देन

फेर जेकर मनके कहे ये सब्बो पाप करे गीस
वो मन हर अदालत ले छुट गीन
न ये दुनिया मं कोनो सुनवाई होइस
हो सकथे के भगवान घलो कोनो सजा झन देय
ये धरमगुरु घलो आखिर मइनखेच आंय
हमन कहिथन,
वो मन हमर मजबूरी जरुर समझहीं

फेर भगवान के भेस मं ये मइनखे
हमन ला भगवान के कथा सुनाथें
भूखाय- नंगरा लोगन मन
जेन ह कोनो देवी-देंवता के किरिपा ला अगोरत हवय,
ओकर बाद घलो अपन जुच्छा झोली ले
वो मन के अंचरा ला भरत जाथें

जइसने सिरिफ अतक घला बनेच नइ रहिस,
नदिया-जंगल के संपत्ति तक ले
पवित्रता के आड़ मं लूटे जाथे
गोहड़ी ले अलग जेन घलो दीगर रद्दा मं गीस
वोला काटके अलग फेंक देय गीस
श्रद्धा के नांव मं भीड़ जुटाके
ये धरम गुरु मन
अकास उपर घलो दावा कर डारिन

सरग होय धन नरक
अब सब्बो कुछु येकर मनके कब्जा मं
येकर मनके उपर ककरो जोर नइ
इंसानियत ला कलंकित करके
एक अइसने “देंवता के राज” गढ़े गीस
जउन ह न सिरिफ
ये धरती अउ अकास ले कोसों दूरिहा हवय
फेर अतक बिगड़ गे हवय
के हमर समझ ले घलो बहिर हवय

ये धरम गुरु मन के हुकुम मं
भगवान घलो ओकर डहर ले लड़थे
वो मन चाल चलथें
अऊ भगवान भूख ले कलबलावत
मइनखे ला दबाथे
ओकर मन के आरो पाके
वो ह ओकर चमड़ी उधेड़थे
अऊ ओकरेच मन के कहे ले
वो ह ओकर मन के जखम ला भरथे
येकर सेती के ओकर पीठ
घेरी-बेरी उधेड़े जाय सकय

अइसने धरम गुरु मन बर
मनखे पहिली दूसर ला मारथे
अऊ ओकर बाद खुदेच मर जाथे
इंसानियत गंवा के बांचे सब्बो
जीते-जींयत मर जाथें

अकास कोती उठत हरेक नजर उपर पहरा हवय
भगवान ह हर कोनो ले
जइसने मुंह मोड़ ले हवय
जब तक ये धरम ले अँधवा होके
तंय डगमगा झन जा
तब तक ले जिनगी ला
कलेचुप ढोवत जा

अनाज, पछिना अऊ फसल के हरेक सीजन
संग चलेइय्या ये बखत
उधार घलो सिरिफ ओकर ले लेथे
जउन ह अपन खरखस/ कड़कस हाथ ले
येला मुट्ठा मं धर सकथे

अइसने हाथ ला जय-जोहार
जउन ह टूटे ला जोड़े,
भूले- बिसोरे ला लिखे,
अऊ धरती के छाती मं
नांगर जोते जानथे

मिहनत वाले ये हाथ
चमचमावत लबारी मारे बर
ककरो आगू नइ फइलय
न कोनो तमासा मं
ताली बजावय

धीर धरे जावत
पानी के लहरा जइसने
मुक्ति कोनो चमत्कारी बाबा के किरिपा ले नइ
इहीच आम लोगन के
सरलग मिहनत ले मिलथे