“अम्मी, स्कूल कबले खुली?” मुनिया पूछली. सहरा जूट के पउधा के पातर करे के काम पूरा करे में लागल बाड़ी. उनकर 10 डिसमिल खेत पर आज काम से तनिको फुरसत नइखे. मुनिया के सवाल सुने के त तनिको ना.
“स्कूल खुलते काहे बा...!” बुचिया उहे सवाल पर अटकल रहस. अबकी सहरा रुकली, आउर पलटली. मेहराइल मन पर काबू करत कहली, “देखिस ना कि गोरोम (देखलु ना केतना गरमी बा? आठ महीना से पानी नइखे बरसल.)”
मुनिया आपन सवाल पर डटल बाड़ी, “त ऊ लोग एसी काहे नइखे लगवा लेत?”
सहरा के रहल ना गइल, कहली, “सरकार लगे पइसा कहंवा बा.”
“त बोरोलोक इंग्लिश स्कूल (बड़का लोग के अंगरेजी वाला स्कूल) में एसी कइसे लागल बा?”
अब सहरा के हिम्मत जवाब दे गइल, ऊ चुप्प लगा के आपन काम में लग गइली. ऊ सांझ ले मुंह बंद कइले रहली. आज उनकरा आपन काम बीचे में छोड़के मुनिया संगे जल्दी से घरे भागे के पड़ल. आज मतदान जे रहे. सहरा आपन आठ बरिस के लइकी के लेके भोट डाले, प्राइमरी स्कूल पर बूथ ओरी भगली.
मुनिया के सवाल आज कहंवा खतम होखे के रहे, “हमनी भोट काहे करिले, अम्मी?” सहरा के राहत मिलल, कम से कम सवाल त बदल गइल. बाकिर ऊ थाक के एतना चूर हो गइल रहली कि आपन लइकी के बात के जवाब देवे के होसे ना रहे.
“एक दिन हम टीवी पर सुनले रहीं. एगो बड़का नेता कहत रहे ऊ लोग के मुसलमान लोग के भोट ना चाहीं! हमनी त मुसलमान बानी, अम्नी. त हमनी काहे भोट देत बानी?”
सहरा चलत-चलत ठिठक गइली, फेरु चुपचाप उनका के घूरे लगली. मुनिया जानत रहस कि माई के अइसे देखे के का मतलब बा. उनकर मुंह पर ठेपी लाग गइल.
Indian Election
1. Freebies
Election
days make our poverty bare –
Laxmi
Bhandar for Muniyaa's mother
Cycle
for Muniyya's father.
Free
dresses for Muniyya in school.
What
does Muniyaa need?
The
manifestos never know.
The
dilapidated school buildings
now
shelter goats.
Rats
run amok
on
the scaffoldings of factory floors.
Leaders
give freebies.
and
gobble up our jobs.
2. Language
The
leaders play scrabble on the election board.
Time
runs fast.
They
have a winning concoction at last:
Language
sliced into little pieces,
marinated
in hatred,
served
on platters glazed
for
television viewers
and
WhatsApp chatters
3. God-crazy
(
Hum e vote dijiye
Hum mandir banayenge
Vote for us
We will build Temples)
I
see the gods winning…
gods
of a certain religion
partisan
gods
gods
that live in their houses
gods
that don't visit our homes
or
roam our streets.
Gods
that don't know hunger
or
inflation or what it means
to
want our daughters’ education.
Don't
blame me now
for
being blasphemous
or
an atheist.
I
see all the leaders fighting
this
battle over gods –
talking
to priests not people.
They
visit the temples
not
worshiping shanties.
They
fight over gods –
their
gods versus our gods!
Tomorrow,
it will be gods’ victory.
Oh,
inflation, starvation, poverty!
Oh, democracy!
भारत में चुनाव
1. मंगनी के समान
चुनाव आवेला त हमनी के गरीबी उघार हो जाला
मुनिया के माई खातिर लक्ष्मी जी के भंडारा
मुनिया के बाऊजी खातिर साइकिल
आउर मुनिया खातिर मंगनी में स्कूल ड्रेस
बाकिर मुनिया के का चाहीं?
चुनावी घोषणापत्रो ना समझ सके.
खस्ताहाल स्कूल में
अब बकरी मिमियाला.
कारखाना के चबूतरा पर
चूहा सभ कबड्डी खेलेला
नेतवन सभ मंगनी के माल बांटेला.
आउर हमनी के रोजगार चाट जाला.
2. बोली
चुनाव के नाम पर नेतवन सभ बिसात बिछइले बा
समय हाली हाली बीत रहल बा.
आखिर में ओह लोग के जीते के फारमूला मिल गइल:
बोली के छोट-छोट काट
नफरत के जहर में डूबाव
चमचमात थरिया में सजाव,
टीवी देखे वाला
आउर व्हाट्सऐप करे वाला के परोस.
3. भगवती तंत्र
(हमनी के भोट दीहीं
हमनी मंदिर बनाएम)
हम देवता के जीतत देखनी...
एगो खास धरम के देवता
छल-प्रपंच करे वाला देवता
देवता जे अपने घर में रहेला
देवता जे हमनी घरे ना आवे
जे हमनी के मोहल्ला में ना घूमे.
जेकरा पता नइखे भूख का होखेला
महंगाई चाहे दोसर परेसानी का होखेला
लइकी के पढ़ावे के इच्छा का होखेला.
हम नास्तिक हो जाईं
चाहे भगवान में दोष निकालीं
त हमरा मत कहीह.
नेता लोग लड़ रहल बा
आपन आपन देवता खातिर
उनका जनता से जादे पुजारिए भावत बा.
झोपड़ी के केहू नइखे गुदानत
मंदिरे के आगू माथा टेकावत बा.
सभे धरम खातिर लड़ रहल बा
हाय धरम, हाय धरम हो रहल बा!
कल्हे, धरम जीत जाई.
महंगाई, भूख, गरीबी मुंह लुकाई!
लोकतंत्र हार जाई!
अनुवाद: स्वर्ण कांता
