मुंबईत शेतकऱ्यांचं धरणं: ‘काळे कायदे रद्द करा’

२४ जानेवारीच्या सकाळी काही शेतकरी मोर्चा काढून येतायत, तर आधीच इथे पोचलेले काही प्रवासाचा शीण जावा म्हणून आराम करतायत

अरुणाबाई सोनवणे (डावीकडे) आणि शशिकला गायकवाड औरंगाबाद जिल्ह्याच्या कन्नड तालुक्यातल्या चिमणपूरहून आल्या आहेत. भिल आदिवासी असणाऱ्या या दोघी वन हक्क कायदा, २००६ खाली त्यांच्या जमिनीचा मालकी हक्क मागत आहेत आणि नव्या तीन कायद्यांना विरोध नोंदवत आहेत. “आम्ही जास्त संख्येने आलो तर दबाव आणखी वाढेल,” अरुणाबाई म्हणतात. “म्हणून आम्ही इथे आलोय.”

मैदानात घोषणा दुमदुमतायतः ‘काले कानून वापस लो, वापस लो’.

नांदेड, नंदुरबार, नाशिक आणि पालघरचे शेतकरी २४ जानेवारीच्या रात्री मोर्चा काढून आझाद मैदानात आले. नाशिकहून आलेली त्यांची वाहनं अलिकडेच लावली आहेत

मथुराबाई संपतगोढे, वय ७० (डावीकडे) आणि दांगुबाई शंकर आंबेकर, वय ६५ नाशिक जिल्ह्याच्या चांदवड तालुक्याच्या धोडंबे गावाहून इथे आल्या आहेत. मुंबईच्या गारठ्यात त्यांची रात्रीचा जामानिमा केला आहे.

दहा वर्षांच्या अनुष्का हडकेला (निळी शाल पांघरलेली) थंडी वाजतीये. ती पालघर जिल्ह्याच्या खारिवली तर्फ कोहोज गावाहून आपली आजी, पन्नाशीच्या मनीषा धानवा (केशरी शालीत) यांच्यासोबत आली आहे. तिची आई, अस्मिता (पिवळ्या शालीत) शेतमजूर आहे. “आम्हाला जमीन नाही. आम्ही दिवसभर मजुरीच करतो,” मनीषा सांगते. ती एकटी अनुष्काचा संगोपन करते.

पालघरहून आलेल्या शेतकऱ्यांनी सोबत तांदळाच्या भाकरी आणल्या आहेत

२४ जानेवारीचा मोठा दिवस सरत आला, काही जण निजलेत तर काही जण रात्री उशीरापर्यंत जोरदार घोषणा देतायत

नाशिक जिल्ह्याच्या दिंडोरी तालुक्यातल्या संगमनेरमधले शेतकरी मंचावर सुरू असणारे कार्यक्रम बारकाईने ऐकतायत

लक्ष्मण फुला पसादे, वय ६५ नाशिकच्या गंगा म्हाळुंगीहून आले आहेत. ते मंचावरच्या कार्यक्रमात सहभागी होतात आणि नाचू लागतात

२५ जानेवारी रोजी दुपारी भाषणं ऐकत असलेले शेतकरी. त्यानंतर ते मुंबईत राज्यपालांच्या निवासस्थानी, राज भवन इथे मोर्चा नेणार आहेत

२५ जानेवारी, दुपारी मुंबईत राज्यपालांच्या निवास स्थानी, राज भवन इथे मोर्चा निघाला आहे. (अधिकाऱ्यांनी परवानगी न दिल्यामुळे हा मोर्चा नंतर रद्द करण्यात आला.)

२५ जानेवारी, दुपारी मुंबईत राज्यपालांच्या निवास स्थानी, राज भवन इथे आझाद मैदानातून मोर्चा निघण्याच्या तयारीत. (अधिकाऱ्यांनी परवानगी न दिल्यामुळे हा मोर्चा नंतर रद्द करण्यात आला.)

२५ जानेवारी, दुपारी मुंबईत राज्यपालांच्या निवास स्थानी, राज भवन इथे आझाद मैदानाच्या बाहेर पडलेला शेतकऱ्यांचा मोर्चा. परवानगी न दिल्यामुळे हा मोर्चा ५०० मीटर अंतर जाऊ शकला. तिथे निदर्शनं करून परत मैदानात वापस आला.