कच्छ: बिसवास अऊ भाईचारा के मीनार

आसपास मं एक ठन ढोलक के जोर के अवाज हवा मं बगरत हवय. जल्देच एक ठन भजन गवेइय्या के तीखा अवाज, एक ठन दरगाह के बहिर फकीर जइसने, पैगंबर के जस गावत, आशीष अऊ मनौती सेती सुमिरन करथे.

ये ह एक ठन अइसने गीत आय जऊन ह हमन ला कच्छ के महान मेल-मिलाप वाले परंपरा के झलक दिखाथे. ये ह मवेशी पोसेइय्या घूमंतू चरवाहा मन के इलाका आय, जऊन मन कच्छ के महान रण ले सिंध तक, ये ह अब पाकिस्तान मं हवय,  अपन सलाना चराय के रद्दा ले गुजरत मवेसी पालत रहिन. बंटवारा के बाद जऊन नवा सरहद बनिस वो ह वो मन के अवई-जवई ला खतम कर दीस, फेर येकर बाद घलो कच्छ अऊ सिंध के सरहद पार हिंदू अऊ मुसलमान चरवाहा समाज के संबंध मजबूत बने रहिस.

सूफीवाद,कविता, लोककथा, पुरानकथा अऊ इहाँ तक ले के ओकर गोठ बात ले जन्मे भाखा मन जइसने धर्मिक रित-रिवाज के एक ठन समृद्ध मेल, ये इलाका के समाज मन के जिनगी, वो मन के कला, वास्तुकला अऊ धार्मिक रित-रिवाज ला परिभाषित करे आय हवय. ये मिलेजुले संस्कृति मन अऊ समान रित-रिवाज के भंडार जऊन मन कतको सूफीवाद ऊपर अधारित हवंय, ये इलाका के लोकसंगीत के नंदावत परंपरा मं मिलथें.

नखतराणा तालुका के मोरगर गांव के 45 बछर के चरवाहा किशोर रावर के गाये ये गीत मं पैगंबर ऊपर समर्पन झलकथे

प्रीति सोनी, केएमवीएस के सचिव अरुणा ढोलकिया अऊ केएमवीएस के परियोजना समन्वयक अमद समेजा ला ओकर मदद सेती खास आभार. मूल कविता के गुजराती अनुवाद मं मदद करे सेती भारतीबेन गोर के बहुत आभार

अनुवाद: निर्मल कुमार साहू