મારા ભૂત, મારા વર્તમાન, ને મારા પયગંબરની વાત

સાંભળો, કારણ  હું હજી જીવું છું

ઓ મંદિર ને મસ્જિદના રખેવાળો
ઓ દેશ ને ભાષાના સરદારો
સાંભળો, કારણ  હું હજી જીવું છું.

ઓ મુગટ ધારણકારનારાઓ
ઓ હાથમાં ત્રાજવાં લઇ ન્યાય કરવાવાળાઓ
ન્યાય ને રક્ષણનો અર્થ પણ તમે ભૂલી ચૂક્યા છો
તમે નોટો પર નંબર છાપો છો
પણ માણસનું મૂલ્ય વિસરી ચૂક્યા છો
પણ સાવધાન! હું હજી જીવું છું.

માનું છું કે આ શરીર સાથ નથી આપી રહ્યું
હા, પેટમાં ભૂખની આગ છે
ને મારી શોષાઈ ગયેલી શિરાઓમાં
પાણીનું એક બુંદ નથી
પણ હા, હું લઉં છું શ્વાસ
ઊભા રહો! કારણ હું હજુ જીવું છું
સાંભળો, કે હું હજીય જીવું છું

ઓ કાયદાના ઘડવૈયાઓ, ઓ જગત કાજીઓ
ઓ બુદ્ધિજીવીઓ, તમે સૌ જે ચલાવી જાણો છો કલમ
બંધ કરો આ બડબડાટ, "હું જાણું, હું જાણું છું" ના હોંકારા
તમે પૈસા માટે રડનારા ધૂતારાઓ
બંધ કરો આ નાટક, આ કકળાટ
પાડ માનો, કે હું હજુ જીવું છું
સાંભળો, કે હું હજીય જીવું છું

કોણ ઘડે છે આ કાયદા અર્થશાસ્ત્રોના?
કોણ લખે છે નિયમો રાજકારણના
જેમાં તમે જ રાજા, ને છો તમે જ દેવ?
કોનું તોફાન છે આ બધાં પ્રકરણો?
લખો, કે હું હજુ જીવું છું.
સાંભળો, કે હું હજીય જીવું છું.

છો રહ્યા તમે ધર્મગુરુઓ
પણ પયગંબર ને કાબા બંને મારા છે.
આ મંદિર મારું છે, અને ભગવાન પણ મારો છે.
ગુરુદ્વારા ને દેવળ મારા છે.
નીકળો અહીંથી, હું હજુ જીવું છું
સાંભળો, કે હું હજુય જીવું છું.

જાઓ કહીદો એ રાજાઓને
એ જમીનદારોને, મંત્રીઓને
અને એ બધા સંસ્કૃતિના વિનાશકર્તાઓ, હિંસા ફેલાવનારોને
જાઓ કહીદો એ નિર્લજ્જ રાજકારણીઓને
કે હું હજી જીવું છું
સાંભળો કે હું હજુય જીવું છું.