ہندوستان کے مختلف آلاتِ موسیقی کی دھُن

ملک بھر میں بجائے جانے والے آلاتِ موسیقی اتنے ہی قسم کے ہیں جتنا کہ خود دیہی ہندوستان – ہماچل پردیش کے رُباب اور چنگ جیسی کھنجری، مغربی بنگال کا بانم اور گبگُبی، مہاراشٹر کے بڑے سینگ جیسے تارپا، چھتیس گڑھ کی گھمانے والی بانسری اور بانس باجا، مختلف ریاستوں کی دھمسی، ڈھول، ڈھولک، ڈھاپ اور ڈولو۔ اکثر، یہ اور کئی دیگر آلاتِ موسیقی نسلوں کی وراثت کو آگے بڑھانے والے ماہر کاریگروں کے ذریعہ ہاتھ سے تیار کیے جاتے ہیں – جیسے نرسنگ پیٹئی میں نادسورم بنانے والے، ماپلاپور میں مردنگم، کاسرگوڈ میں بانس کے ڈھول اور پیروویمبا میں چمڑے کا آلہ موسیقی بنانے والے۔ حالانکہ موسیقی کی ان روایات میں سے کئی زوال آمادہ ہیں، لیکن کئی کی آوازیں تیز اور واضح طور پر سنائی دیتی ہیں، جیسا کہ پاری کی یہ اسٹوریز دکھاتی ہیں – جن کی دھُن اب بھی ویسی ہی ہے اور دیہی پس منظر میں گونج رہی ہے