زرعی قوانین کے خلاف احتجاجی مظاہرے: مکمل کوریج

ہندوستانی دارالحکومت اور اس کے ارد گرد – مغربی دہلی میں ٹیکری، ہریانہ کی سرحد پر سنگھو، راجستھان کی سرحد پر شاہجہاں پور – اور مہاراشٹر اور دیگر ریاستوں میں کسان، ستمبر ۲۰۲۰ میں پارلیمنٹ سے پاس کیے گئے تین زرعی قوانین کے خلاف کئی ہفتوں سے احتجاجی مظاہرے کر رہے ہیں۔ وہ دیکھ رہے ہیں کہ یہ قوانین زراعت کے اوپر بڑے کارپوریٹوں کو مزید اختیارات فراہم کرکے ان کے معاش کو برباد کر دیں گے، اور ایم ایس پی اور اے پی ایم سی سمیت کاشتکاروں کو ملنے والی مدد کے بنیادی ذرائع کو کمزور کر دیں گے۔ ان احتجاجی مقامات سے پاری کی رپورٹ بتاتی ہے کہ کسانوں یا گروہوں کو بھلے ہی انفرادی یا مخصوص علاقے کی فکر ہو سکتی ہے، لیکن وہ سبھی یک زبان ہوکر کہہ رہے ہیں: زرعی قوانین کو واپس لو۔ ہماری مکمل کوریج یہاں پڑھیں