Ali Fraz Rezvi

Author

Priti David

Editor

Binaifer Bharucha

Photo Editor

Shafique Alam

Translator

large_HP-COVER-IMAGE-AFR-The-skilled-sipar-makers-of-Patna.jpg

medium_HP-COVER-IMAGE-AFR-The-skilled-sipar-makers-of-Patna.jpg

small_HP-COVER-IMAGE-AFR-The-skilled-sipar-makers-of-Patna.jpg

thumbnail_HP-COVER-IMAGE-AFR-The-skilled-sipar-makers-of-Patna.jpg

HP-COVER-IMAGE-AFR-The-skilled-sipar-makers-of-Patna.jpg

پٹنہ کی گلیوں سے گزرتی شیشے کی سپار کا چمکدار گنبد نما ڈھانچہ دیکھنے سے تعلق رکھتا ہے۔ ’’تلواروں سے لے کر ڈھالوں تک، اور یہاں تک کہ تلواروں کے تیز نوک&nbsp; سے گتھے انار [تزئینی]، ہر چیز شیشے سے تراشی گئی ہے،‘‘ نذرِ امام، شہر کی شان یعنی شیشے کی سپار کے بارے میں بتاتے ہوئے کہتے ہیں۔پیچیدہ اور تفصیلی کام سے مزین شیشے کی سپار محرم کے جلوسوں کے دوران پٹنہ میں نظر آتی ہے۔ اس آرائشی ڈھال کا استعمال کسی زمانے میں جنگ کے میدانوں میں ہوتا تھا۔ اس میں ہر طرح کے ہتھیار رکھے جاتے ہیں جن میں تلواریں، ڈھالیں، کمان اور دیگر آرائشی عناصر شامل ہیں۔ انہیں بنانے میں کم از کم ایک درجن دستکاریوں کا استعمال کیا جاتا ہے۔یہاں سے تقریباً ایک کلومیٹر کے فاصلہ پر، پٹنہ سٹی کے جنوبی علاقہ میں، ۴۰ سالہ محمد نثار نے ابھی ابھی اپنے سپار کا کام ختم کیا ہے اور اپنی بیٹیوں کے ساتھ اپنے ورکشاپ کے دروازے کے پاس کھڑے ہو کر اپنی تخلیق کا آخری جائزہ لے رہے ہیں۔ اس نازک کام کو ان کے برآمدے میں رکھا گیا ہے؛ ان کے آس پاس باغ کالو خان کے قدیم علاقے میں واقع چند مکانات ہیں اور ایک مزار ہے۔’’یہ ایک شخص کا کام نہیں ہے،‘‘ دستکار نثار کہتے ہیں۔ ’’یہ بہت سی فنکارانہ مہارتوں کا امتزاج ہے۔ کچھ کا تعلق بہار سے ہے اور کچھ کا تعلق ملک کے مختلف حصوں سے ہے۔‘‘انہوں نے آری، زردوزی، کشیدہ کاری، چھاپہ، نگ اور بعض اوقات مینا کاری کی مثالیں پیش کیں۔ یہ سب سپار میں مل سکتی ہیں۔ (آری ایک ایسی تکنیک ہے جس میں کپڑوں پر پیچیدہ ڈیزائنوں کی کڑھائی کے لیے کانٹے دار سوئی کا استعمال کیا جاتا ہے؛ زردوزی میں دھاتی دھاگوں کا استعمال کرتے ہوئے کڑھائی کی جاتی ہے؛ کشیدہ کاری بہار میں کی جانے والی ایک کشمیری طرز کی کڑھائی ہے اور چھاپہ میں کپڑوں پر دھاتی رنگوں سے لکڑی کے سانچوں سے نقش ابھارے جاتے ہیں۔)سپار میں میناکاری بھی ہوتی ہے۔ میناکاری انیمل پینٹنگ اور کپڑوں پر باریکی سے تراشے ہوئے، آب دار قیمتی پتھروں کے نگ چسپاں کرنے کا ہنر ہے۔

’’پٹنہ میں سپار اس طرح سے تیار کی جاتی ہیں کہ مقامی فنکار شہدائے کربلا کو خراج عقیدت پیش کر سکیں،‘‘ نثار محرم کے جلوس کا حوالہ دیتے ہیں۔ ان جلوسوں میں سپار کلیدی حیثیت رکھتی ہے۔پٹنہ کے باغ کالو خان ​​میں واقع ورکشاپ میں نثار نے راجو، اظہار اور فیروز کے ساتھ مل کر سپار پر کام کیا ہے۔ راجو زردوزی (عمدہ دھاتی کڑھائی) میں مہارت رکھتے ہیں اور صبح کے جلوس میں شامل ہونے والی سپار کو حتمی شکل دے رہے ہیں۔’’زردوزی سپار کی روح ہے۔ اسے سہرے پر دیکھا جاسکتا ہے جو سپار میں مرکزی حیثیت رکھتا ہے،‘‘ دستکار راجو کہتے ہیں اور مسکراتے ہوئے مزید اضافہ کرتے ہیں، ’’سہرے کے بغیر سپار نہیں، اور جس سہرے میں زردوزی نہ ہو تو وہ سہرا نہیں ہے۔‘‘’’دراصل زردوزی، زردوزی نہیں ہے اگر اسے راجو بھائی نے نہیں بنایا ہے،‘‘ اظہار حسن اپنے ساتھی کو چھیڑتے ہوئے کہتے ہیں۔ ان کا منہ پان سے بھرا ہوا ہے۔ محرم اور صفر (اسلامی کیلنڈر کے پہلے اور دوسرے مہینے) میں مرد دستکار مل کر سپار بناتے ہیں۔اظہار (۴۷سالہ) سپار سازی کے بہترین کاریگر ہیں اور پٹنہ کے باغ کالو خان ​​کی جامع مسجد کے قریب واقع اس ورکشاپ کے سربراہ ہیں۔ وہ دستکاروں کے ہنسی مذاق میں یہ کہتے ہوئے شامل ہوجاتے ہیں کہ انہیں اتفاق ہے کہ زردوزی سپار کا دل ہے، ’’لیکن صرف دل کسی کام کا نہیں ہوتا۔‘‘’’آج شہر میں کسی ایسے شخص کو تلاش کرنا مشکل ہوگا، جو اس ہنر میں اظہار بھائی کی برابری کرسکتا ہو،‘‘ فیروز کہتے ہیں۔ فیروز ’رانی بھائی‘ کے نام سے مشہور ہیں۔ انہیں یہ نام ان کی پیچیدہ ڈیزائنوں (جیسے وہ کسی شاہی ملکہ کے لیے کام کر رہے ہوں) کے لیے از راہ مذاق دیا گیا ہے۔

اظہار اپنی تعریف سن کر مسکراتے ہوئے کہتے ہیں کہ وہ سپار کے بارے میں جو کچھ بھی جانتے ہیں وہ ان کے استاد، استاد سلیمان میاں کی بدولت ہے۔ ’’جس طرح محمد رفیع [مشہور گلوکار] کو سنہری آواز سے نوازا گیا تھا، اسی طرح سلیمان میاں کو بھی سنہری دستکاری سے نوازا گیا تھا۔ انہوں نے اس فن کو ہر اس شخص کو سکھایا جو ان کے دروازے پر آیا۔ خواہ وہ&nbsp; ہندو ہو یا مسلمان ، لیکن کوئی بھی ان کی مہارت تک نہ پہنچ سکا،‘‘ اظہار کہتے ہیں۔ وہ شیشے کے کاریگر نذر امام کو سلام کرنے کے لیے مڑتے ہیں ، جو ابھی ابھی سپار کو خراج عقیدت پیش کرنے کے لیے اندر داخل ہوئے ہیں۔نذر امام اور ان کے بھائی مہدی امام شیشے کا کام کرنے والے دوسری نسل کے کاریگر ہیں۔ ’’شیشے کا پہلا سپار ان کے والد منظر حسن نے بنایا تھا اور یہ دونوں ان کی روایت کو زندہ رکھے ہوئے ہیں،‘‘ اظہار اپنے پرانے دوست کا تعارف کراتے ہوئے کہتے ہیں۔’’ہم نے اپنے والد سے جو کچھ بھی سیکھا ہے اس کا استعمال کرتے ہیں۔ شیشے کی سپار تیار کرنے میں شروع سے آخر تک کم و بیش دو ماہ کا وقت لگتا ہے۔ اس&nbsp; میں استعمال ہونے والی تمام چیزیں سوائے لکڑی کے ڈھانچے کے، شیشے کی بنی ہوتی ہیں،‘‘ نذر امام (۵۷) اضافہ کرتے ہیں۔دونوں بھائی ۱۹۹۲ سے سپار بنا رہے ہیں اور اس کی نمائش کر رہے ہیں۔ وہ کہتے ہیں کہ مذہبی اور روحانی وجوہات کے ساتھ ساتھ وہ پٹنہ کے تاریخی ورثہ کو زندہ رکھنے کے لیے یہ بھی کام کر رہے ہیں۔ نذر اس میں مزید اضافہ کرتے ہوئے کہتے ہیں کہ وقت گزرنے کے ساتھ رونما ہونے والی تبدیلیوں میں پٹنہ نے اپنے ماضی کی ثقافت اور بہت سی روایات کو کھو دیا ہے۔ ’’سپار بنانے کا ہنر اب تک زندہ ہے، لیکن یہ بھی ناپید ہونے کے دہانے پر ہے،‘‘ وہ مزید کہتے ہیں۔ان کے بھائی مہدی کہتے ہیں، ’’شیشے کی سپار پٹنہ کے ماضی کے اس گمشدہ فن کی آخری زندہ مثال ہے جب یہ شہر شیشے کے کام کے لیے جانا جاتا تھا۔‘‘ وہ سپار کے سامنے رکھنے کے لیے اگربتیاں جلا رہے ہیں۔ان بھائیوں کا کہنا ہے کہ پٹنہ کے روایتی شیشے کے کارخانے بند ہو چکے ہیں۔ ’’شہر میں جو بھی شیشے کا کام ہو رہا ہے وہ سب مشین سے بنے چینی مواد کا استعمال کرتے ہوئے کیا جا رہا ہے۔ ’’ہمارے والد منظر حسن، گوپال جی، رام داس جی اور رام جانکی جی کے ساتھ شہر کے شیشے کے آخری کاریگر تھے،‘‘ نذر پاری کو بتاتے ہیں۔ انہوں نے مزید کہا کہ جب وہ گزرے تو یہ فن بھی ان کے ساتھ چلا گیا۔دونوں بھائی اپنے بنائے سپار کو سنگی دلان میں نمائش کے لیے رکھتے ہیں، جہاں ان کے والد بھی انہیں رکھا کرتے تھے۔ سنگی دلان اب ایک پر شور بازار ہے اور یہیں پٹنہ کے ابتدائی امام باڑوں میں سے ایک امام باڑہ واقع ہے جسے دولی گھاٹ کے نواب سید احمد علی خان قیامت نے بنوایا تھا۔

ایک سپار تیار کرنے میں ایک مہینہ کا وقت لگتا ہے، بعض اوقات دو یا تین مہینے بھی لگ سکتے ہیں۔ شیشے کی سپار تیار کرنے کے پہلے مرحلہ میں ڈَھڈّی بنائی جاتی ہے، یہ لکڑی کی محراب یا گنبد نما ڈھانچہ ہوتی ہے جو سپار کو بنیاد فراہم کرتی ہے۔ لکڑی کے ڈھانچہ پر ایک ہَدوا (دو دھاری نقلی تلوار) بندھا ہوتا ہے۔ عموماً اس میں پانچ ہَدوے باندھے جاتے ہیں، لیکن یہ تعداد سات سے بھی تجاوز کرسکتی ہے۔ تلواریں سب سے اوپر بندھی ہوتی ہیں، اور اس کے بعد، ایک عینی سپار کے ساتھ جوڑ دی جاتی ہے جو دوسرے مرحلے میں جوڑے جانے والے ڈھالوں کے لیے بنیاد کا کام کرتی ہے۔’’محض اتنا کام کرنے میں ہی ایک ہفتہ لگ جاتا ہے،‘‘ استاد کاریگر اظہار بتاتے ہیں۔سپار کی پشت کا کام بھی کم عرق ریزی کا مطالبہ نہیں کرتا۔ کپڑوں کی کئی تہوں کو لپیٹ کر سجاوٹ کے لیے بنیاد بنایا جاتا ہے۔ پھر اس میں جھالر لگائی جاتی ہے۔ یہ رنگین کپڑے کی لمبی پٹیاں ہوتی ہیں، مثلاً دیوار پر آویزاں کرنے کے لیے ہاتھ سے بنی ہوئی جھالریں، یا چھاپہ، آری یا بوٹا، کپڑوں سے متعلق بہار کی مشہور روایتی دستکاریوں کے نام لیتے ہوئے اظہار کہتے ہیں۔آخر میں تمام حصوں کو اکٹھا کیا جاتا ہے۔ ’’سہرا کو دستکاروں نے الگ سے تیار کیا ہے اور اب اسے سپار سے باندھ دیا گیا ہے۔ سہرے کے ساتھ پھولوں کی لڑیاں باندھی جاتی ہیں ساتھ میں عرضی، بوٹی اور پتّا [کپڑوں کی دستکاری کی دیگر نمونوں] کو بھی باندھا جاتا ہے۔’’اس کے بعد شیشے کے انار کا اضافہ کیا جاتا ہے،‘‘ اظہار کہتے ہیں۔شیشے کے نازک اور اس قدر تفصیلی کام کرنے سے ان کاریگروں پر دباؤ پڑتا ہے۔ ان کے پاس نہ تو حفاظتی ساز و سامان ہوتے ہیں اور نہ ہی صحت کا بیمہ ہوتا ہے۔ ‘‘میں بوڑھا ہو رہا ہوں اور مہدی بھی۔ ہماری آنکھیں پہلے جیسی نہیں ہیں۔ بینائی کی کمزوری کی وجہ سے شیشے پر کام کرنا مشکل سے مشکل تر ہوتا جا رہا ہے،‘‘ نذر امام کہتے ہیں۔شیشے کے برادے آنکھوں میں جلن پیدا کرتے ہیں، اور یہ موتیابند کا باعث بھی بنتے ہیں۔ آشوب چشم اور دھندلا نظر آنا بھی آنکھوں کے عام مسائل ہیں۔ ’’آپ شیشے کے ٹکڑے پر کام کرتے وقت بہت زیادہ روشنی بھی استعمال نہیں کرسکتے،‘‘ نذر ماحول کو ہلکا کرنے کے لیے آہستہ سے ہنستے ہیں۔

اظہار ذرا توقف کے بعد کہتے ہیں، ’’مجھے اس پر بہت فخر ہے، لیکن مجھے نہیں معلوم کہ یہ کب تک جاری رہے گا۔‘‘ دوسرے کاریگر آس پاس ہی موجود تھے، کیونکہ چہلم کے جلوس میں محض ایک دن کا وقت باقی تھا۔ نذر امام نے شام میں اپنے سپار کو نمائش کے لیے رکھا تھا۔ یہ ایک سالانہ رسم ہے جو ان کے والد کے زمانے سے چلی آ رہی ہے۔ یہ رسم مغرب (شام) کی نماز کے بعد ادا کی جاتی ہے۔ مقامی لوگ خراج عقیدت پیش کرنے کے لیے سپار کے قریب موم بتیاں روشن کرنے اور اگربتیاں جلانے کے لیے پہنچنا شروع کر دیتے ہیں۔

*****

سپار کو عام طور پر محرم کی دسویں اور گیارہویں تاریخ اور صفر کی بیسویں اور اکیسویں تاریخ کو نمائش کے لیے تیار کیا جاتا ہے۔جب سپار عوام کے بیچ سے گزرتی ہے، تو ہزاروں تماشائی، جن میں ہندو اور مسلمان دونوں شامل ہوتے ہیں، کھانے کے اسٹالوں اور عارضی دکانوں کے درمیان جگہ کے لیے دھکم پیل کرتے ہیں۔ ان دکانوں اور اسٹالوں پر کھلونے، آئس کریم اور دیگر اشیاء فروخت ہو رہی ہوتی ہیں۔ یہ ایک قسم کا میلہ ہے۔ یہ جلوس محرم کے دوران شیعہ جلوس سے مختلف ہوتا ہے جہاں عقیدت مند سینہ کوبی کرتے ہیں، امام حسین کی شہادت کا ماتم کرتے اور سوگ مناتے ہیں۔ امام حسین کی شہادت صدیوں پہلے وقوع پذیر ہوئی تھی۔اسلامی تاریخ کے مطابق تقریباً ۱۳۸۵ سال قبل کربلا (موجودہ عراق) میں نواسہ رسول حسین کو ان کے بھائیوں، دوستوں اور بچوں کے ساتھ محرم کی دسویں تاریخ کو بے دردی سے قتل کر دیا گیا تھا، جسے یوم عاشورہ کے نام سے یاد کیا جاتا ہے اور یہ دن ماتم کا دن ہوتا ہے۔ امام حسین کی شہادت کا چالیسواں دن چہلم یا چالیسواں کے طور پر منایا جاتا ہے، جب حسین کے خاندان کے افراد کو قید سے رہا کیا گیا اور انہیں اپنے امام کی موت پر ماتم کرنے کی اجازت دی گئی تھی۔بہار کے دارالحکومت پٹنہ میں حسین کی قربانی کو مرثیہ خوانی اور ماتم کے ذریعے یاد کیا جاتا ہے، اور شیشے کی سپار جو کربلا کی جنگ کے آثار سے مشابہت رکھتی ہے اس جلوس کا کلیدی حصہ ہوتی ہے۔ سپار اشوک راج پتھ سے شیر شاہ روڈ پر واقع تکیہ شاہ باقر تک کا سفر کرتی ہے۔شہزاد (۲۸)پٹنہ شہر کے ایک پرانے علاقے باغ کالو خان کے رہائشی ہیں۔ وہ چہلم کے موقع پر سنگی دلان میں سپار کو خراج عقیدت پیش کرنے آئے ہیں۔ چہلم امام حسین کی شہادت اور محرم کے ۴۰ دن بعد شیعہ مسلمانوں کے ذریعہ منایا جاتا ہے۔’’وہ فن جس کو کبھی بڑے پیمانے پر سراہا جاتا تھا اور پورے بہار کے سرپرستوں کو اپنی طرف متوجہ کیا کرتا تھا، اب ختم ہوتا جا رہا ہے،‘‘ وہ اس موقع پر موم بتیاں جلاتے ہوئے پاری کو بتاتے ہیں۔

لیکن دوسرے اس سے متفق نہیں ہیں۔ کم از کم ایک اکھاڑے (کمیٹی جو ان تیاریوں کی نگرانی اور جلوس کا اہتمام کرتی ہے) کے نوجوان روایت کو آگے لے جانے میں پیش پیش ہیں۔ پٹنہ کے حمام میں سپار کی نمائش کرنے والے اکھاڑے کے سربراہ نے تبدیلی دیکھی ہے کیونکہ خلیفہ (اکھاڑے کے منتخب رہنما اور سپار کمیٹی کے صدر) اپنے عہدے سے سبکدوش ہو رہے ہیں، اور نوجوان کاریگر، نوشاد، بھانو، راہل، ساحل، نہال، شاہد، امان اور آصف نے ان کی ذمہ داریوں کو آپس میں بانٹ لیا ہے۔پٹنہ کے پرانے شہر کے زیادہ تر علاقوں کے اپنے اپنے اکھاڑے اور اپنے اپنے سپار ہیں۔ ہر اکھاڑہ اپنے سپار کے ساتھ جلوس میں شامل ہوتا ہے، اور ہر گروپ اپنے میوزک سسٹم سے نوحہ خوانی کی دھنیں بجاتا ہے۔ گلیوں میں نوجوان سپار کو اپنے کندھوں پر اٹھانے کے لیے اس وقت تک ایک دوسرے سے مقابلہ کرتے ہیں جب تک کہ یہ مین روڈ تک نہ پہنچ جائے۔پٹنہ میں مسلمان اور ہندو دونوں ہی سپار بنانے اور اس کی نمائش میں شامل ہوتے ہیں، جو شہر کی گنگا جمنی تہذیب (ثقافتوں کے امتزاج) کی ایک جھلک ہے۔راجیو رنجن کا کہنا ہے کہ ان کے جد امجد کاشی لال جی کسیرا پٹنہ میں سپار کے بہترین کاریگروں میں سے ایک کے طور پر مشہور تھے۔ ان کا خاندان۱۸۴۰ سے شہر کے گزری بازار میں اپنے گھر پر ہر سال چہلم کے موقع پر ایک سپار کی نمائش کرتا ہے۔ راجیو کہتے ہیں، ’’ان کی [کاشی لال جی کسیرا] میراث، سپار&nbsp; بنانا اور اس کی نمائش کرنا، اب ہماری ذمہ داری ہے، اور ہر سال ان کے پوتے اور نواسے شہدائے کربلا کو خراج عقیدت پیش کرنے کے لیے جمع ہوتے ہیں،‘‘ راجیو کہتے ہیں۔کاشی لال جی کسیرا کی بنائی ہوئی سپار کو ہر سال ایک ایسے کمرے میں رکھا جاتا ہے جس میں ہنومان کی مورتی بھی رکھی جاتی ہے۔ دو مذہبی روایات کو ایک ساتھ جاری رکھنے کے بارے میں بات کرتے ہوئے، خاندان کے ایک رکن نریش کمار نے مزید کہا، ’’جیسے وہ عظیم آباد میں تھیں، اسی طرح وہ پٹنہ میں ہیں،‘‘ وہ ۱۸۵۷ سے پہلے کے پٹنہ کے نام کا استعمال کرتے ہیں۔ اس نام کو شہر کے پرانے لوگ اپنے شاندار ماضی کا حوالہ دیتے ہوئے استعمال کرنے کو ترجیح دیتے ہیں۔یہ اسٹوری مرنالنی مکھرجی فاؤنڈیشن (ایم ایم ایف) کی طرف سے حاصل کردہ فیلوشپ کی مدد سے لکھی گئی ہے۔ترجمہ نگار: شفیق عالم

گنگا جمنی تہذیب کے پاسدار، پٹنہ کے سِپار ساز

గంగా-జమునీ సంస్కృతికి అద్దంపట్టే పట్నాలోని సిపార్ శిల్పులు 

The skilled sipar-makers of Patna 

गंगा-जमुनी तहज़ीब की मिसाल हैं पटना के सिपार-शिल्पी 

मेल-मिलाप के मिसाल पटना के सिपार कारीगर 

ପାଟନାର କୁଶଳୀ ସିପାର୍‌ ନିର୍ମାତା

પટનાના કુશળ સિપર સિપર બનાવનારા

ਪਟਨਾ ਦੇ ਕੁਸ਼ਲ ਸਿਪਰ ਕਾਰੀਗਰ

പാറ്റ്നയിലെ വിദഗ്ദ്ധരായ സിപാർ നിർമ്മാതാക്കൾ

ಪಾಟ್ನಾ ನಗರದ ನಿಪುಣ ಸಿಪಾರ್‌ ತಯಾರಕರು

பாட்னாவின் திறன் வாய்ந்த கேடய தயாரிப்பாளர்கள்

पटना के गुनी सीपर कलाकार

পাটনার ওস্তাদ সিপার কারিগরেরা 

পাটনাৰ ওস্তাদ চিপাৰ নিৰ্মাতাসকল 

Patna

medium_MOBILE-COVER-IMAGE-AFR-The skilled sipar-makers of Patna.jpg

small_MOBILE-COVER-IMAGE-AFR-The skilled sipar-makers of Patna.jpg

thumbnail_MOBILE-COVER-IMAGE-AFR-The skilled sipar-makers of Patna.jpg

MOBILE-COVER-IMAGE-AFR-The skilled sipar-makers of Patna.jpg

At present, we can only accept donations in Indian rupees by Indian citizens. All donations made to the CounterMedia Trust are eligible for exemption under Section 80G of the Income Tax Act, 1961. Here is a copy of our exemption certificate.


India is bigger than New Delhi. And people need to know more about the rest of this vast nation.


Younger, media-saturated generations are growing up knowing little about their country, but a lot about the elites of a few metros and towns. For a narrowly-owned, commercially-driven media, the dumbing down of a nation is part of standard operating procedure. The last available data of the Centre for Media Studies (CMS, Delhi) show us that reports from New Delhi account for 66 per cent of news on the front pages of major dailies. The CMS data also found that just about 0.24 per cent of front page news came out of rural India. The TV channels are not much better.PARI exists to change that.We are a non-profit organisation. We publish under creative commons, and do not charge readers a subscription fee or put-up advertisements. Nothing is behind a paywall and we are completely free-to-access by anyone. We guard our independence and receive no direct grants from governments and corporations, nor any funding that could dictate our content. So, we are dependent on volunteer labour, donations from individuals, foundations and institutions that see value in independent and free media.PARI is changing the way Indian journalism reports and documents the rural.India is more than the elite of a few metros and towns. We report on rural lives and livelihoods, languages, communities, migrants and more. We need your help to pull off this most ambitious of Indian journalistic endeavours. The scale of this effort costs money. Donate generously - and spread the word about PARI.&nbsp;

Donate FAQs


ہمارے بارے میں جانیں

پاری میں آپ کا خیرمقدم ہے

گے۔ اگر آپ کو ہمارا کام پسند ہے، تو آپ ہمارے رضاکار بن کر ہمارا تعاون کر سکتے ہیں یا ہماری مالی مدد کر سکتے ہیں، تاکہ ہم اپنا کام جاری رکھ سکیں۔

Want to republish this article? Please write to <a href="mailto:zahra@ruralindiaonline.org" target="_blank" rel="noopener noreferrer">zahra@ruralindiaonline.org</a> with a cc to <a href="mailto:namita@ruralindiaonline.org" target="_blank" rel="noopener noreferrer">namita@ruralindiaonline.org</a>

گنگا جمنی تہذیب کے پاسدار، پٹنہ کے سِپار ساز

Related stories