![](/media/images/dsc_1979.width-1440.jpg)
ওড়িশাৰ বক্সাইট সমৃদ্ধ নিয়মগিৰি পৰ্বতমালা ৰাজ্যখনৰ ডংগ্ৰিয়া কন্ধ নামৰ আদিবাসী জনগোষ্ঠীটোৰ একমাত্ৰ বাসস্থান
![](/media/images/dsc_0170.width-1440.jpg)
জাতি-জনগোষ্ঠীবোৰে একলগ হৈ কৰা কামৰ আনন্দ উপভোগৰ বাবে বিয়াবোৰেই হৈছে আটাইতকৈ সৰল আৰু অন্তৰংগ অনুষ্ঠান। ২০০৯ চনত তোলা এই ছবিত চুবুৰীয়া গাঁৱৰ যুৱক-যুৱতীসকলে স্থানীয় জনপ্ৰিয় বাদ্যযন্ত্ৰ ঢাপ বজাবলৈ বিয়াৰ অনুষ্ঠানলৈ গৈ আছে
![](/media/images/dsc_0529.width-1440.jpg)
গান-বাজনাৰ মাজেৰে বেণ্ডপাৰ্টিৰ সদস্যসকল ৰভাতলি গৈ পালে
![](/media/images/dsc_0024.width-1440.jpg)
আন বহু সম্প্ৰদায়ৰ লোকে যিদৰে বিয়াৰ ক্ষেত্ৰত কইনাৰ সন্মতি লোৱাৰ কথা নাভাৱে, ডংগ্ৰিয়াসকল এইক্ষেত্ৰত পৃথক। এই জনগোষ্ঠীটোৱে বিবাহোপযুক্তা যুৱতীসকলৰ ইচ্ছাক সততে গুৰুত্ব দি আহিছে। বিয়াৰ বাবে তেলিডি নামৰ এই কইনাজনীয়ে লোডো ছিকাকাক দৰা হিচাপে গ্ৰহণ কৰিছে
![](/media/images/dscn8122.width-1440.jpg)
মহিলাসকলে মূৰত পিতলৰ কলহ লৈ তেলিডিৰ লগত গৈ চিৰপ্ৰবাহী পাহাৰীয়া নিজৰাৰ পৰা পানী তোলে। এই পানীৰে ৰন্ধা ভাত কইনাই ধৰণী পেনু (পৃথিৱী দেৱী)ক অৰ্পণ কৰে
![](/media/images/dsc_0196.width-1440.jpg)
দৰাঘৰীয়া গাঁও লাখপদৰলৈ কইনাৰ গাভৰু বান্ধৱীৰ দল নাচি-বাগি ওলাইছে, আন গাঁৱৰ গঞাই জুমপাতি চাই ৰৈছে
![](/media/images/01-DSC_0179-PST-A-wedding-in-Niyamgiri.width-1440.jpg)
খোজৰ তালে তালে নাচোনৰ চেও
![](/media/images/dsc_0243.width-1440.jpg)
ঢাপৰ ছেৱত নাচনিয়ে খৰকৈ নাচিছে
![](/media/images/dsc_0833.width-1440.jpg)
গাঁৱৰ লোকসকলে লাগি-ভাগি ৰন্ধা বিয়াৰ ভোজ-ভাত; মচুৰ দাইল আৰু তাকৰীয়াকৈ তেল-মছলা দিয়া মাংসৰ আঞ্জা গছৰ পাতেৰে সজা থালত পৰিবেশন কৰা হয়
![](/media/images/dsc_0605.width-1440.jpg)
ল’ৰা-ছোৱালীহঁতে ভোজলৈ বাট চাই আছে
![](/media/images/dsc_0615.width-1440.jpg)
বিয়া খাবলৈ পাই এই অকমানিজনীৰ মনত ৰং
অনুবাদ: নিভা ৰাণী ৰায়