‘புலி! புலி!’ –மிகப்பிரகாசமாகப் பற்றியெரியும் பிரச்சனை.

நாக்பூர் மாவட்டம் ராம்தேக் தாலுக்கா பிந்த்காபார் கிராமத்தில் உள்ள, விஹானின் வீட்டிலிருந்து அவனது  தந்தை பீர்சிங்,  காடுகள் சூழ்ந்த சாலையில் சில கிலோமீட்டர் தூரம் வாகனத்தை ஒட்டிச் சென்றுக் கொண்டிருந்த போது, அங்கு சூழ்ந்திருந்த புதரிலிருந்து தாவிய முழுமையான வளர்ச்சியடைந்த புலியொன்று அவர்கள் வாகனத்தின் மீது பாய்ந்து அதன் கால்களால் தாக்கத்தொடங்கியுள்ளது.

இந்தப் பகுதியானது பென்ச் புலிக் காப்பகத்திற்கு மிகஅருகில் உள்ள பகுதியாகும். இந்நிலையில்,புலியின் தாக்குதலால் கடுமையானக் காயங்களுக்கு உள்ளான தந்தையும் மகனும், நாக்பூர் அரசு மருத்துவமனையில் சேர்க்கப்பட்டு ஒரு வாரகாலம்  சிகிச்சைப் பெற்றுள்ளனர். மேலும், புலியின் தாக்குதலால் காயமுற்ற சிறுவன் விஹானின்  தலையில் எட்டு தையலும் போடப்பட்டுள்ளது.

புலியின் இந்தத் தாக்குதலானது விதர்பாவில் நடந்தேறியுள்ள  பலசம்பவங்களில் ஒன்றாகும். இது இந்தப் பகுதியில் வனவிலங்குகளுக்கான வாழ்விடம் சுருங்கி வருவதன் காரணமாக உயர்ந்து  வருகின்ற, மனிதன்-புலி இடையிலானப் பிரச்சனை மற்றும் அதனால் அதிகரிக்கும் தாக்குதல் சம்பவங்கள் ஆகியவற்றின் அறிகுறியாகும். ‘காண்க:புலிகள் எங்கு போகும்?’