ممبئی کو بنانے والے محبوب نگر کے مہاجر مزدور

محبوب نگر کے لوگ مانسون اور فصلوں کی کٹائی کے سیزن میں اپنے آبائی ضلع اور اس کے ارد گرد کے علاقوں میں زرعی مزدوری کرتے ہیں۔ لیکن بقیہ دنوں میں، یا جب فصل خراب ہونے لگتی ہے، تو یہ لوگ عمارتوں کی تعمیر کے مقامات پر کام کی تلاش میں عموماً شہروں کی طرف چلے جاتے ہیں

وہ اپنے گھر اور گاؤں کو چھوڑ کر ایک نئے اور انجان شہر میں آ جاتے ہیں

ممبئی میں سڑک کے کنارے ٹن اور پلاسٹک کی چادروں سے بنی عارضی جھونپڑی ہی ان کا ٹھکانہ ہوتی ہے، جہاں وہ تعمیر کا کام مکمل ہونے تک رہتے ہیں، حالانکہ ان جھونپڑیوں میں بنیادی سہولیات کا کوئی انتظام نہیں ہوتا

یہاں پر وہ گڑھا کھودنے، ڈرلنگ کرنے، ملبہ صاف کرنے اور ۳۰ فٹ گہرے گڑھے سے مٹی ڈھونے کا کام کرتے ہیں۔ یہ سبھی کام وہ کسی بیمہ یا حادثہ کی صورت میں مالی مدد کی گارنٹی کے بغیر کرتے ہیں

مزدوروں کو یہ کام ۳۰۰ روپے یومیہ یا اس سے بھی کم کی اجرت پر کرنا پڑتا ہے۔ تیلگو بولنے والا مکدّم یا سپروائزر انہیں دہاڑی (مزدوری) دیتا ہے اور بچولیے کا رول ادا کرتے ہوئے، شہر میں کسی جگہ پر کام دلواتا ہے

ان جگہوں پر محنت مزدوری کرنے والی عورتیں اکثر جنسی ہراسانی کی شکایت کرتی ہیں

چھوٹے بچوں کو گھر پر اکیلا نہیں چھوڑا جا سکتا، اس لیے مجبوری میں ان عورتیں کو انہیں اپنے ساتھ لانا پڑتا ہے۔ سیمنٹ اور کنکریٹ کے خطرناک ڈھیر پر ہی یہ بچے کھیلتے کودتے ہیں۔ کئی بار، کام کرنے کی جگہ پر یا فلائی اوور کے نیچے پارکنگ کے مقام پر ایک دو کتے ان کے ساتھی بن جاتے ہیں۔ اور جب یہ بچے دھول مٹی اور ملبے میں کھیلتے کھیلتے تھک جاتے ہیں، تو وہیں سڑک کے کنارے سو جاتے ہیں

ان مزدوروں کو ان کی عارضی رہائش گاہوں میں پینے کا صاف پانی، بیت الخلاء یا بجلی جیسی بنیادی سہولیات فراہم نہیں کی جاتی ہیں

ان تمام پریشانیوں کے باوجود، یہ مزدور جتنا بھی کماتے ہیں وہ گھر پر ہونے والی ان کی آمدنی کے مقابلے کہیں بہتر ہوتی ہے، اسی لیے وہ شہر آنے کو مجبور ہیں