હોડીઓ, માછલીઓ, વાઘ અને પ્રવાસન

રોજનું કામ શરૂ થાય છે: સુંદરવનના પાણીથી ભરેલા, અટપટા માર્ગો પર માલસામાન, લોકો, પ્રાણીઓ અને પ્રવાસીઓની હેરફેર કરવા માટે હોડીઓ તૈયાર કરાઈ રહી છે.

માણસો અને વન્યજીવોને એકબીજાથી બચાવવા માટે મેન્ગ્રોવ્સના આવા લાંબા પટને ક્યારેક વાડ કરવામાં આવે છે, જેથી બંને માટે રોજિંદુ જીવન સરળ અને સુરક્ષિત બને છે

બાલી ટાપુની ગોદી એ ગામના ચાર રસ્તા જેવી છે; બધી આવ- જા અહીં થાય છે. રોજેરોજ માણસો, માલસામાન, બકરાં, વાછરડાં અને માછલીઓ આ સ્થળેથી પસાર થાય છે

મત્સ્યઉછેર: ટાપુની ભૂમિ પર ફેલાયેલા જમીનના નાના અને મોટા ટુકડાઓ પર પાળા બાંધવામાં આવે છે અને વેચાણ અને વપરાશ માટે મત્સ્યઉછેર કરવા માટે તેને પાણીથી ભરી દેવામાં આવે છે

નેટ- વર્કિંગ: સુંદરવનમાં ઘણા લોકો માટે કામનો એક- એક દિવસ સાવ જુદા જ પ્રકારની મુશ્કેલીઓથી ભરેલો હોય છે

ભરવાડ અને ઘેટાં ( ડાબે): બાલી ટાપુની વાંકીચૂંકી શેરીઓ સાંકડી પણ સ્વચ્છ છે. જોકે, પ્લાસ્ટિકની કચરાપેટીઓ સારી દેખાતી નથી ( જમણે), પરંતુ સ્થાનિક લોકો તેમની શેરીઓ સ્વચ્છ રાખવા માટે તેનો ઉપયોગ કરે છે

એક ઝવેરી ગામના બજારમાં કંઈક ધંધો થાય એની રાહ જુએ છે

વાઘ એ સામાન્યરીતે જોવા મળતા નથી. સર્કસ દ્વારા ગામમાં લાવવામાં આવેલી વાઘણને મળવા અને તેની સાથે સંવનન કરવા માટે પાંચથી વધુ કિલોમીટરના પંથકમાં તરીને આવેલા એક વાઘ વિષેની વાત મુલાકાતીઓને ઘણી વાર સાંભળવા મળે છે. પરંતુ સમયાંતરે વાઘની વસ્તીમાં ઘટાડો થયો છે

મોનિટર લિઝર્ડ, હરણ, જંગલી ડુક્કર, મગર અને કિંગફિશર અહીં સામાન્યરીતે જોવા મળે છે

હેલ્પ ફાઉન્ડેશને સ્થાનિક થિયેટર જૂથને પુનર્જીવિત કર્યું છે. આ જૂથ દેવી બોનબીબીની વાર્તા ભજવે છે. દંતકથા છે કે મધ અને લાકડાના બદલામાં દુખે નામનો એક યુવાન છોકરો વાઘને ખવડાવવાનો હતો, પરંતુ દેવીએ એ છોકરાની અરજ સાંભળીને દરમિયાનગીરી કરીને તેનો જીવ બચાવ્યો હતો

બીજા બધા વાઘની જેમ જ સુંદરવનના વાઘ બિનસાંપ્રદાયિક છે અને કોઈપણ ભેદભાવ વિના તમામ સમુદાયોના લોકોને આડેધડ ખાઈ જાય છે. આથી હિન્દુ અને મુસ્લિમ બંને સમુદાયના સભ્યો બોનબીબી પાસે પોતાની સુરક્ષાની માંગ કરે છે. અહીં દેવીએ વાઘ પર વિજય મેળવ્યો છે

પુરુષો, મહિલાઓ અને બાળકોની સતત અવરજવર ગોદીને પ્રવૃત્તિથી ધમધમતી રાખે છે. કેટલાક લોકો વહેલી સવારે દાંત સાફ કરવા અને સૂર્યને નમસ્કાર કરવા નીચે ઊતરે છે, જ્યારે બીજા કેટલાક ગપસપ કરવા, બેસીને વિચાર કરવા, પત્તા રમવા અને હોડીઓને પસાર થતી જોવા માટે ભેગા થાય છે

દિવસનું કામ પૂરું થઈ ગયું છે અને ઘેર જવાનો સમય થઈ ગયો છે