جیسے ہی راجو ڈومرگوئیں تارپی (یا تارپا) بجانا شروع کرتے ہیں، پھونک مارنے سے ان کے گال پھول جاتے ہیں۔ بانس اور سوکھی لوکی سے بنا پانچ فٹ لمبا یہ آلہ موسیقی (ساز) فوراً زندہ ہو اٹھتا ہے اور ہوا کے سہارے بُنی اس ساز کی دھن گونجنے لگتی ہے۔
چھتیس گڑھ کے رائے پور کے نمائش میدان میں اس موسیقار اور ان کے انوکھے ساز نے ہر کسی کی توجہ اپنی جانب مبذول کی۔ موقع تھا ریاستی حکومت کے ذریعہ ۲۷ سے ۲۹ دسمبر، ۲۰۲۰ کو منعقد کیے گئے قومی آدیواسی رقص فیسٹیول کا۔
موسیقار راجو نے بتایا کہ وہ دسہرہ، نوراتری اور دیگر تہواروں کے دوران، مہاراشٹر کے پالگھر کے ایک گاؤں موکھوڈا گنڈاجا پاڑہ میں اپنے گھر پر تارپی بجاتے ہیں۔
پڑھیں: ’میرا تارپا میرا دیوتا ہے‘