“ನಮ್ಮ ಇಡೀ ಮೈಗೆ ಬಣ್ಣ ಹಚ್ಚುವುದು ಕಷ್ಟದ ಕೆಲಸ. ರಾತ್ರಿಯಿಡೀ ಎಚ್ಚರವಾಗಿದ್ದು ಅದನ್ನು ಮಾಡಬೇಕು,” ಎಂದು ಆಯುಷ್ ನಾಯಕ್ ಹೇಳುತ್ತಾರೆ. ಅವರು ತಮ್ಮ ದೇಹಕ್ಕೆ ಮೊದಲ ಬಾರಿಗೆ ಆಯಿಲ್‌ ಪೈಂಟ್ ಹಚ್ಚುತ್ತಿದ್ದಾರೆ. “ನನ್ನ ಮೈ ಉರಿವಂತೆ ಫೀಲ್ ಆಗ್ತದೆ. ಆದ್ದರಿಂದ, ಆದಷ್ಟು ಬೇಗ ಬಣ್ಣವನ್ನು ಒಣಗಿಸಬೇಕು,” ಎಂದು 17 ವರ್ಷ ವಯಸ್ಸಿನ ಆಯುಷ್ ಹೇಳುತ್ತಾರೆ.
ದಸರಾ ಮತ್ತು ಕೃಷ್ಣ ಜನ್ಮಾಷ್ಟಮಿಯಲ್ಲಿ ಕುಣಿಯುವ ಜಾನಪದ ಕುಣಿತವಾದ ಪಿಲಿ ವೇಷ (ಹುಲಿ ವೇಷ ಎಂದೂ ಕರೆಯುತ್ತಾರೆ) ಕುಣಿಯಲು ತಮ್ಮ ಶರೀರದ ಮೇಲೆ ಗಾಢ ಬಣ್ಣದ ಪಟ್ಟೆಗಳನ್ನು ಬಿಡಿಸುವ ಕರಾವಳಿ ಕರ್ನಾಟಕದ ಅನೇಕ ಯುವಕ-ಯುವತಿಯರಲ್ಲಿ ಆಯುಷ್ ಕೂಡ ಒಬ್ಬರು. ಕುಣಿಯುವಾಗ ಅವರು ಹುಲಿಯ ಮುಖವಾಡಗಳನ್ನು ಧರಿಸಿ ಗೊಣಗುತ್ತಾ, ಸುತ್ತಲೂ ಜೋರಾಗಿ ಭಾರಿಸುವ ತಾಸೆಯ ಬಡಿತಕ್ಕೆ ಕುಣಿಯುತ್ತಾರೆ.
ಪಿಲಿ ಎಂದರೆ ಹುಲಿ. ಕರಾವಳಿ ಕರ್ನಾಟಕದ ಜನನುಡಿ ತುಳುವಿನಲ್ಲಿ ವೇಷ ಎಂದರೆ ಮೇಕಪ್. “ನೀವು ಯಾರಿಂದಲೂ ಇದನ್ನು ಕಲಿಯಬೇಕಾಗಿಲ್ಲ. ಇದು ನಮ್ಮ ಆತ್ಮದಲ್ಲಿಯೇ ಇದೆ,” ಎನ್ನುತ್ತಾರೆ ಕಳೆದ 22 ವರ್ಷಗಳಿಂದ ಪಿಲಿ ವೇಷ ಹಾಕುತ್ತಿರುವ ವೀರೇಂದ್ರ ಶೆಟ್ಟಿಗಾರ್. "ತಾಸೆಯ ಶಬ್ದ ಮತ್ತು ಸುತ್ತ ಇರುವ ಶಕ್ತಿ ನಿಮ್ಮನ್ನು ಬೀಟ್‌ಗೆ ಕುಣಿಯುವಂತೆ ಮಾಡುತ್ತದೆ," ಎಂದು ಅವರು ಹೇಳುತ್ತಾರೆ. ಅಮೆಜಾನ್‌ನಲ್ಲಿ ಡಿಸ್ಟ್ರಿಬ್ಯೂಟರ್‌ ಆಗಿ ಕೆಲಸ ಮಾಡುವ 30 ವರ್ಷ ವಯಸ್ಸಿನ ವೀರೇಂದ್ರ ಊರಿನ ಯುವಕರನ್ನು ಪಿಲಿ ಕುಣಿಯುವಂತೆ ಪ್ರೋತ್ಸಾಹಿಸುತ್ತಾರೆ.
ಹುಲಿಗಳು, ಚಿರತೆಗಳು ಮತ್ತು ಕರಿ ಚಿರತೆಗಳಂತೆ ಅಕ್ರಿಲಿಕ್ ಪೈಂಟ್‌ನಿಂದ ಹಳದಿ ಮತ್ತು ಕಂದು ಬಣ್ಣದ ಪಟ್ಟೆಗಳನ್ನು ಕುಣಿಯುವವರು ಶರೀರದ ತುಂಬಾ ಚಿತ್ರಿಸಿಕೊಳ್ಳುತ್ತಾರೆ. ಹಿಂದೆ ಪಿಲಿ ಕುಣಿಯುವವರು ಇದ್ದಿಲು, ಮಣ್ಣು, ಬೇರುಗಳು ಮತ್ತು ಫಂಗಸ್‌ಗಳನ್ನು ಬಳಸಿ ಆಕರ್ಷಕ ಬಣ್ಣಗಳನ್ನು ತಯಾರಿಸುತ್ತಿದ್ದರು.
ವರ್ಷಗಳು ಕಳೆದಂತೆ, ಈ ಕುಣಿತದ ಸಾಂಪ್ರದಾಯಿಕ ಹೆಜ್ಜೆಗಾರಿಕೆ ಅಕ್ರೋಬಾಟಿಕ್‌ ಆಗಿ ಬದಲಾಗಿದೆ, ಉದಾಹರಣೆಗೆ ಹಿಂದಕ್ಕೆ – ಮುಂದಕ್ಕೆ ಜಿಗಿಯುವುದು, ತಲೆಯಿಂದ ತೆಂಗಿನಕಾಯಿ ಒಡೆಯುವುದು, ಬಾಯಿಯಿಂದ ಬೆಂಕಿಯುಗುಳುವುದು ಮುಂತಾದ ಸಾಹಸಮಯ ಕಸರತ್ತುಗಳಿಗೆ ಹೆಚ್ಚು ಒತ್ತು ನೀಡಲಾಗುತ್ತಿದೆ. ನೃತ್ಯ ಸಂಯೋಜನೆಗೂ ಹೆಚ್ಚು ದೈಹಿಕ ಶ್ರಮ ಅಗತ್ಯ. ವಯಸ್ಸಾದವರು ಈ ಸಾಂಪ್ರದಾಯಿಕ ಕುಣಿತವನ್ನು ಮುಂದುವರಿಸಿಕೊಂಡು ಹೋಗಲು ಯುವಕರನ್ನು ಬಿಟ್ಟು ಬಿಟ್ಟಿದ್ದಾರೆ.
ದಸರಾ ಮತ್ತು ಜನ್ಮಾಷ್ಟಮಿಯಲ್ಲಿ ಕುಣಿಯುವ ಜಾನಪದ ಕುಣಿತವಾದ ಪಿಲಿ ವೇಷ (ಹುಲಿ ವೇಷ ಎಂದೂ ಕರೆಯುತ್ತಾರೆ) ಕುಣಿಯಲು ತಮ್ಮ ಮೈ ಮೇಲೆ ಗಾಢ ಬಣ್ಣದ ಪಟ್ಟೆಗಳನ್ನು ಬಿಡಿಸುವ ಕರಾವಳಿ ಕರ್ನಾಟಕದ ಅನೇಕ ಯುವಕ -ಯುವತಿಯರಲ್ಲಿ ಆಯುಷ್ ಕೂಡ ಒಬ್ಬರು
ಈ ಕುಣಿತದ ತಯಾರಿ ಪ್ರದರ್ಶನಕ್ಕೆ ಒಂದು ದಿನ ಮೊದಲೇ ಆರಂಭವಾಗುತ್ತದೆ. ಮೈ ಮತ್ತು ಮುಖಕ್ಕೆ ಬಣ್ಣ ಹಚ್ಚಲು ಗಂಟೆಗಟ್ಟಲೆ ಕೆಲಸ ಮಾಡಬೇಕು. ಹಬ್ಬಗಳು ಮುಗಿಯುವವರೆಗೆ ಒಂದೆರಡು ದಿನಗಳ ವರೆಗೆ ಹಾಗೆಯೇ ಇರಬೇಕಾಗುತ್ತದೆ. "ಮೊದಮೊದಲು ಇದು ಕಷ್ಟವೆನಿಸುತ್ತದೆ. ಆದರೆ ತಾಸೆಯ ಶಬ್ದ ಕೇಳಿದ ನಂತರ, ನಿಮಗೆ ಬೀಟ್‌ಗೆ ಕುಣಿಯಬೇಕೆಂದು ಅನಿಸುತ್ತದೆ,” ಎಂದು 12 ನೇ ತರಗತಿಯನ್ನು ಮುಗಿಸಿರುವ ಆಯುಷ್ ಹೇಳುತ್ತಾರೆ.
ತಾಸೆಯ ಬೀಟ್‌ಗಳಿಗೆ ಸರಿಯಾಗಿ ಪಿಲಿಯಂತೆ ವೇಷ ಧರಿಸಿರುವ ಜನರು ಗೌರವಾರ್ಥವಾಗಿ ಹಾಗೂ ಜನರನ್ನು ರಂಜಿಸಲು ಕುಣಿಯುತ್ತಾರೆ. ಹುಲಿಯಂತೆ ಅಭಿನಯಿಸಲು ಹುಡುಗರು ತಮ್ಮ ಇಡೀ ಶರೀರಕ್ಕೆ ಬಣ್ಣ ಹಚ್ಚಿದರೆ, ಹುಡುಗಿಯರು ಮಾತ್ರ ತಮ್ಮ ಮುಖಕ್ಕೆ ಬಣ್ಣ ಬಳಿದುಕೊಂಡು, ಹತ್ತಿಯಿಂದ ಮಾಡಿದ ಹುಲಿ ವೇಷಭೂಷಣವನ್ನು ಧರಿಸಿಕೊಳ್ಳುತ್ತಾರೆ. ಇತ್ತೀಚಿನ ದಿನಗಳಲ್ಲಿ ಹೆಣ್ಣು ಮಕ್ಕಳೂ ಪಿಲಿ ಕುಣಿಯುವುದು ಹೆಚ್ಚಾಗಿದೆ.
ಹಿಂದೆಲ್ಲಾ ಪ್ರದರ್ಶನವನ್ನು ಮೆಚ್ಚಿದವರು ಕುಣಿತದ ತಂಡಕ್ಕೆ ಕರಾವಳಿ ಕರ್ನಾಟಕದಲ್ಲಿ ಸಾಮಾನ್ಯವಾಗಿ ಬೆಳೆಯುವ ಅಕ್ಕಿ ಮತ್ತು ಭತ್ತವನ್ನು ನೀಡುತ್ತಿದ್ದರು. ಈಗ ಆಹಾರ ಧಾನ್ಯದ ಬದಲಿಗೆ ಹಣ ನೀಡುತ್ತಾರೆ. ಕುಣಿಯುವ ಪ್ರತಿಯೊಬ್ಬನೂ ಎರಡು ದಿನಕ್ಕೆ ಸುಮಾರು 2,500 ರುಪಾಯಿ ಪಡೆಯುತ್ತಾನೆ. ಕಸರತ್ತು ಮಾಡುವವನು ಹೆಚ್ಚುವರಿಯಾಗಿ ಎರಡೂ ದಿನಗಳಿಗೆ 6,000 ರುಪಾಯಿ ಸಂಪಾದಿಸುತ್ತಾನೆ. "ತುಂಬಾ ಜನ ಕುಣಿಯುವುದನ್ನು ನೋಡಿ ನಿಮಗೂ ಕೂಡ ನೀವು ಪಿಲಿ ವೇಷ ಕುಣಿಯುತ್ತಿರುವಂತೆ ಫೀಲ್ ಆಗುತ್ತದೆ," ಎಂದು ಆಯುಷ್ ಹೇಳುತ್ತಾರೆ.
ಪ್ರದರ್ಶನಗಳನ್ನು ಸಾಮಾನ್ಯವಾಗಿ ಕೇರಿಯ ಕಮಿಟಿಗಳು ಆಯೋಜಿಸುತ್ತವೆ. ಆಯುಷ್ ಮತ್ತು ಸಂಗಡಿಗರು ಯುವ ಟೈಗರ್ಸ್ ಮಂಚಿ ಎಂಬ ತಂಡಕ್ಕೆ ಸೇರಿದವರು. ಈ ಸಂಘ ಉಡುಪಿಯ ಮಣಿಪಾಲದಲ್ಲಿ ವರ್ಷಾವರ್ಷ ಪಿಲಿ ವೇಷ ಕುಣಿಯಲು ಫಂಡ್ ನೀಡುತ್ತದೆ. ಪ್ರದರ್ಶನಗಳನ್ನು ಆಯೋಜಿಸಲು ಎರಡು ಲಕ್ಷ ರೂಪಾಯಿಗಳು ಬೇಕಾಗುತ್ತವೆ. ಇದರಲ್ಲಿ ಬಣ್ಣ ಹಚ್ಚುವವರಿಗೆ ಮತ್ತು ಕುಣಿಯುವವರಿಗೆ ಕೊಡಬೇಕು. ಪ್ರಯಾಣ, ಊಟ, ಪೈಂಟ್ ಮತ್ತು ವೇಷಭೂಷಣಗಳ ವೆಚ್ಚವನ್ನು ಕೂಡ ಇದೇ ಫಂಡ್‌ನಿಂದ ಭರಿಸಬೇಕು.
ಕುಣಿಯುವವರಿಗೆ ಸಾರ್ವಜನಿಕರನ್ನು ರಂಜಿಸುವುದು ಮುಖ್ಯವಾದರೂ, ಈ ಪ್ರದರ್ಶನದಲ್ಲಿ ಶತಮಾನದಷ್ಟು-ಹಳೆಯ ಸಾಂಪ್ರದಾಯಿಕ ಶಿಸ್ತನ್ನು ಉಳಿಸಿಕೊಳ್ಳಲು ಹಲವಾರು ಕಟ್ಟುಕಟ್ಟಳೆಯನ್ನು ಅನುಸರಿಸಬೇಕಾಗುತ್ತದೆ. ದಿನದ ಕೊನೆಯಲ್ಲಿ, "ನಮ್ಮ ಇಡೀ ಮೈ ತುಂಬಾ ನೋಯುತ್ತದೆ, ಆದರೆ ಜನರನ್ನು ರಂಜಿಸಲು ಮತ್ತು ಈ ಸಂಪ್ರದಾಯವನ್ನು ಕಾಪಾಡಲು ನಾವು ಇದನ್ನು ಮಾಡುತ್ತೇವೆ," ಎಂದು ಆಯುಷ್ ಹೇಳುತ್ತಾರೆ.
ಕುಣಿತಕ್ಕೆ ಅಣಿಯಾಗುತ್ತಿರುವ ಅಶ್ವಿತ್ ಪೂಜಾರಿಯವರಿಗೆ ಬಣ್ಣ ಹಚ್ಚುತ್ತಿರುವ ರಂಜಾನ್. ವೃತ್ತಿಯಲ್ಲಿ ಮಣ್ಣಿನ ಕಲಾಕೃತಿಗಳನ್ನು ತಯಾರಿಸುವ ಕಲಾವಿದರಾಗಿರುವ ರಂಜಾನ್, ಸೀಸನ್‌ನಲ್ಲಿ ಪ್ರದರ್ಶನದ ಜೊತೆಗೆ ಕೈ ಜೋಡಿಸುತ್ತಾರೆ
(ಎಡದಿಂದ ಬಲಕ್ಕೆ) ತಮ್ಮ ಮೈತುಂಬಾ ಹುಲಿ ಪಟ್ಟೆಗಳನ್ನು ಬಿಡಿಸಿಕೊಳ್ಳುತ್ತಿರುವ ಜಯಕರ್ ಪೂಜಾರಿಯವರ ನಂತರ ತಮ್ಮ ಸರದಿಗಾಗಿ ಕಾಯುತ್ತಿರುವ ನಿಖಿಲ್, ಕೃಷ್ಣ, ಭುವನ್ ಅಮೀನ್ ಮತ್ತು ಸಾಗರ್ ಪೂಜಾರಿ
( ಎಡದಿಂದ ಬಲಕ್ಕೆ ) ತಮ್ಮಮೊದಲ ಕೋಟ್ ಪೇಂಟ್ ಒಣಗಲು ಕಾಯುತ್ತಿರುವ ಶ್ರೇಯಾನ್ ಶೆಟ್ಟಿ , ಆಶ್ಲೇಷ್ ರಾಜ್ ಮತ್ತು ಕಾರ್ತಿಕ್ ಆಚಾರ್ಯ . ಶರೀರ ಮತ್ತು ಮುಖಕ್ಕೆ ವರ್ಣಿಕೆ ಮಾಡಲು ಗಂಟೆಗಳ ಕಾಲ ಶ್ರಮಪಡಬೇಕು
ಕುಣಿಯುವವರು ಹುಲಿಗಳು , ಚಿರತೆಗಳು ಮತ್ತು ಕರಿ ಚಿರತೆಗಳಂತೆ ಅಕ್ರಿಲಿಕ್ ಪೈಂಟ್‌ನಿಂದ ಹಳದಿ ಮತ್ತು ಕಂದು ಬಣ್ಣದ ಪಟ್ಟೆಗಳನ್ನು ಮೈ ತುಂಬಾ ಚಿತ್ರಿಸಿಕೊಳ್ಳುತ್ತಾರೆ . ಹಿಂದೆ ಪಿಲಿ ಕುಣಿಯುವವರು ಇದ್ದಿಲ ಮಸಿ , ಮಣ್ಣು , ಬೇರುಗಳು ಮತ್ತು ಫಂಗಸ್‌ಗಳನ್ನು ಬಳಸಿ ಆಕರ್ಷಕ ಬಣ್ಣಗಳನ್ನು ತಯಾರಿಸುತ್ತಿದ್ದರು
ಪ್ರದರ್ಶನದಲ್ಲಿ ಪಿಲಿ ಕುಣಿಯುವವರು ಕೈಯಿಂದ ಪೈಂಟ್ ಮಾಡಲಾದ ಹುಲಿಯ ಮುಖವಾಡಗಳನ್ನು ಧರಿಸಿ ಗೊಣಗುತ್ತಾ ಕುಣಿಯುತ್ತಾರೆ
ಹುಲಿಯಂತೆ ಕಾಣಲು ಕುರಿಗಳ ಉಣ್ಣೆಯನ್ನು ಪೈಂಟ್ ಮಾಡಲಾದ ಮೈಮೇಲೆ ಚಿಮುಕಿಸಲಾಗುತ್ತದೆ
ಅಶ್ವಿತ್ ಪೂಜಾರಿಯವರಿಗೆ ಬಣ್ಣ ಹಚ್ಚುತ್ತಿರುವ ಸಂದೇಶ್ ಶೆಟ್ಟಿ. ಉಡುಪಿಯ ಮಣಿಪಾಲದಲ್ಲಿ ವರ್ಷವಿಡೀ ಪಿಲಿ ವೇಷ ಆಚರಣೆಗೆ ದೇಣಿಗೆ ನೀಡುವ ಯುವ ಟೈಗರ್ಸ್ ಮಂಚಿಯ ಅಶ್ವಿತ್ ಮತ್ತು ಅವರ ತಂಡದವರು
ತುಳುವಿನಲ್ಲಿ ವೇಷ ಎಂದು ಕರೆಯುವ ಮೇಕಪ್, ಈ ಜಾನಪದ ಕುಣಿತದ ಅವಿಭಾಜ್ಯ ಅಂಗ . ಹಬ್ಬಗಳು ಮುಗಿಯುವವರೆಗೆ ಒಂದೆರಡು ದಿನ ವೇಷವನ್ನು ಹೀಗೆಯೇ ಇಡಲಾಗುತ್ತದೆ
ಫ್ಯಾನ್ ಅಡಿಯಲ್ಲಿ ಬಣ್ಣವನ್ನು ಒಣಗಿಸುತ್ತಿರುವ ಭುವನ್ ಅಮೀನ್ . ' ಇದು ನನ್ನ ಎಂಟನೇ ಪಿಲಿ ವೇಷ ಪ್ರದರ್ಶನ ' ಎಂದು ಹೇಳುವ 11 ರ ಹರೆಯದ ಈ ಬಾಲಕ ತನ್ನ ಮೂರನೆ ವಯಸ್ಸಿನಿಂದಲೂ ಕುಣಿಯುತ್ತಿದ್ದಾನೆ
ತುಳುವಿನಲ್ಲಿ ಜಟ್ಟಿ ಎಂದು ಕರೆಯುವ ಉದ್ದನೆಯ ಬಿಳಿ ಬಟ್ಟೆಯನ್ನು ಸುದೀರ್ಘ ಪ್ರದರ್ಶನದ ಉದ್ದಕ್ಕೂ ಸಮತೋಲನವನ್ನು ಕಾಯ್ದುಕೊಳ್ಳಲು ಮತ್ತು ಸಪೋರ್ಟ್‌ಗಾಗಿ ಸೊಂಟಕ್ಕೆ ಕಟ್ಟಲಾಗುತ್ತದೆ . ಈ ಜಟ್ಟಿಯು ಕಸರತ್ತು ಮಾಡುವಾಗ ವೇಷ ಹಾಗೆಯೇ ಇರುವಂತೆ ಕಾಪಾಡುತ್ತದೆ
ಅಭಿನವ್ ಶೆಟ್ಟಿ ಮೊದಲ ಬಾರಿಗೆ ಪಿಲಿ ಕುಣಿಯುತ್ತಿದ್ದಾನೆ . ಕುಣಿತ ಆರಂಭವಾಗುವ ಮೊದಲು 10 ವರ್ಷದ ಈ ಮಗುವಿಗೆ ತಾಯಿ ಊಟ ಮಾಡಿಸುತ್ತಿದ್ದಾರೆ
ಕುಣಿತ ಪ್ರದರ್ಶನಕ್ಕೆ ಮೊದಲು ತನ್ನ ಸಹೋದರಿಯೊಂದಿಗೆ ಫೋಟೋಗೆ ಪೋಸ್ ನೀಡುತ್ತಿರುವ ಅಭಿನವ್
( ಎಡದಿಂದ ಬಲಕ್ಕೆ ) ಕುಣಿತಕ್ಕೆ ಸಿದ್ಧವಾಗುತ್ತಿರುವ ಸಾಗರ್ ಪೂಜಾರಿ , ರಂಜಿತ್ ಹರಿಹರಪುರ , ವಿಶಾಲ್ ಮತ್ತು ನವೀನ್ ನಿಟ್ಟೂರು
ಇದು ಮೊದಲ ಪ್ರದರ್ಶನವಾಗಿರುವುದರಿಂದ ಎಣ್ಣೆಯೊಂದಿಗೆ ಬಣ್ಣ ಹಚ್ಚಿಕೊಳ್ಳುತ್ತಿರುವ ಅಮೀನ್ . ಪ್ರದರ್ಶನ ಶುರುವಾಗುವ ಕೆಲವು ನಿಮಿಷಗಳ ಮೊದಲು ಅಮೀನ್‌ಗೆ ಸಲಹೆಗಳನ್ನು ನೀಡುತ್ತಿರುವ ಇತರ ಅನುಭವಿ ಯುವ ಕಲಾವಿದರು
ಪಿಲಿ ಕುಣಿತಕ್ಕೆ ಸಿದ್ಧವಾಗಿ ಫೋಟೋಗೆ ಪೋಸ್ ನೀಡುತ್ತಿರುವ ಯುವ ಟೈಗರ್ಸ್ ಮಂಚಿ ತಂಡ
ಕಪ್ಪು ಹುಲಿಯಂತೆ ಬಣ್ಣ ಹಚ್ಚಿ ಕಸರತ್ತು ಪ್ರದರ್ಶಿಸುತ್ತಿರುವ ಪ್ರಜ್ವಲ್ ಆಚಾರ್ಯ . ಈ ಕುಣಿತದ ಸಾಂಪ್ರದಾಯಿಕ ಹೆಜ್ಜೆಗಾರಿಕೆ ಅಕ್ರೋಬಾಟಿಕ್‌ ಆಗಿ ಬದಲಾಗಿದ್ದು, ಅನೇಕ ಕಸರತ್ತುಗಳಿಗೆ ಒತ್ತುನೀಡಲಾಗುತ್ತಿದೆ
ಈ ಕುಣಿತ ಪ್ರದರ್ಶನದಲ್ಲಿ ಮುಂದಕ್ಕೆ - ಹಿಂದಕ್ಕೆ ಜಿಗಿಯುವುದು , ತಲೆಯಿಂದ ತೆಂಗಿನಕಾಯಿ ಒಡೆಯುವುದು , ಬಾಯಿಯಿಂದ ಬೆಂಕಿಯುಗುಳುವುದು ಮೊದಲಾದ ಕಸರತ್ತುಗಳನ್ನು ಮಾಡಲಾಗುತ್ತದೆ
ನೃತ್ಯ ಸಂಯೋಜನೆಗೂ ಹೆಚ್ಚಿನ ದೈಹಿಕ ಶ್ರಮ ಅಗತ್ಯ. ವಯಸ್ಸಾದವರು ಈ ಸಾಂಪ್ರದಾಯಿಕ ಕುಣಿತವನ್ನು ಮುಂದುವರಿಸುವಂತೆ ಯುವಕರಿಗೆ ಬಿಟ್ಟು ಬಿಟ್ಟಿದ್ದಾರೆ
ತಾಸೆಯ ಬೀಟ್‌ಗಳಿಗೆ ಸರಿಯಾಗಿ ಪಿಲಿಯಂತೆ ವೇಷ ಧರಿಸಿರುವ ಜನರು ಗೌರವವಾರ್ಥವಾಗಿ ಹಾಗೂ ಜನರನ್ನು ರಂಜಿಸಲು ಕುಣಿಯುತ್ತಾರೆ
ಹಿಂದೆಲ್ಲಾ ಪ್ರದರ್ಶನವನ್ನು ಮೆಚ್ಚಿದವರು
ಕುಣಿತದ ತಂಡಕ್ಕೆ ಕರಾವಳಿ ಕರ್ನಾಟಕದಲ್ಲಿ ಸಾಮಾನ್ಯವಾಗಿ ಬೆಳೆಯುವ
ಅಕ್ಕಿ
ಮತ್ತು
ಭತ್ತವನ್ನು
ನೀಡುತ್ತಿದ್ದರು
.
ಈಗ
ಆಹಾರ
ಧಾನ್ಯದ
ಬದಲಿಗೆ
ಹಣ
ನೀಡುತ್ತಾರೆ
ಕುಣಿಯುವ ಪ್ರತಿಯೊಬ್ಬನೂ ಎರಡು ದಿನಕ್ಕೆ ಸುಮಾರು 2,500 ರುಪಾಯಿ ಪಡೆಯುತ್ತಾನೆ. ಕಸರತ್ತು ಮಾಡುವವನು ಹೆಚ್ಚುವರಿಯಾಗಿ ಎರಡೂ ದಿನಗಳಿಗೆ 6,000 ರುಪಾಯಿ ಸಂಪಾದಿಸುತ್ತಾನೆ
ಪಿಲಿ ಕುಣಿಯುತ್ತಿರುವ ಸಂದೇಶ್ ಅವರನ್ನು ಹುರಿದುಂಬಿಸುತ್ತಿರುವ ಅಜ್ಜಿ ಕಮಲಾ ಶೆಟ್ಟಿ ಮತ್ತು ತಾಯಿ ವಿಜಯಾ ಶೆಟ್ಟಿ . ಸಂದೇಶ್ ಓರ್ವ ಛಾಯಾಗ್ರಾಹಕ ಮತ್ತು ವರ್ಣಚಿತ್ರಕಾರ . ' ಕಳೆದ ನಾಲ್ಕು ವರ್ಷಗಳಿಂದ ನಾನು ಪಿಲಿ ವೇಷ ಹಾಕುತ್ತಿದ್ದೇನೆ ಮತ್ತು ಮುಂದೆಯೂ ಭವಿಷ್ಯದಲ್ಲಿ ಕುಣಿಯುತ್ತೇನೆ, ' ಎಂದು 21 ವರ್ಷ ವಯಸ್ಸಿನ ಸಂದೇಶ್ ಹೇಳುತ್ತಾರೆ
ಹುಲಿ ಮುಖವಾಡ ಹಾಕುತ್ತಿರುವ ವೀರೇಂದ್ರ ಶೆಟ್ಟಿಗಾರ್ . ಮುಖವಾಡವನ್ನು ಧರಿಸಿದವನು ಸಾಮಾನ್ಯವಾಗಿ ಗುಂಪಿನ ಪ್ರಮುಖ ಹುಲಿ
ಕಳೆದ 22 ವರ್ಷಗಳಿಂದ ಪಿಲಿ ವೇಷ ಹಾಕುತ್ತಿರುವ ವೀರೇಂದ್ರ ಶೆಟ್ಟಿಗಾರ್ . ' ತಾಸೆಯ ಶಬ್ದ ಮತ್ತು ಸುತ್ತ ಇರುವ ಶಕ್ತಿ ನಿಮ್ಮನ್ನು ಬೀಟ್‌ಗೆ ಕುಣಿಯುವಂತೆ ಮಾಡುತ್ತದೆ,' ಎಂದು ಅವರು ಹೇಳುತ್ತಾರೆ
ಗ್ರಾಮಸ್ಥರು ಸಣ್ಣ ಪ್ರಾಯದ ಪಿಲಿಯನ್ನು ಎತ್ತಿಕೊಂಡು ತಾಸೆಯ ಪೆಟ್ಟಿಗೆ ಕುಣಿಯುತ್ತಾರೆ
ಮೊದಲ ಪ್ರದರ್ಶನದ ನಂತರ ರಂಗಪರಿಕರಗಳನ್ನು ಬದಲಾಯಿಸುತ್ತಿರುವ ವೀರೇಂದ್ರ . ಅಮೆಜಾನ್‌ನಲ್ಲಿ ಡಿಸ್ಟ್ರಿಬ್ಯೂಟರ್‌ ಆಗಿ ಕೆಲಸ ಮಾಡುವ 30 ವರ್ಷ ವಯಸ್ಸಿನ ವೀರೇಂದ್ರ, ಊರಿನ ಯುವಕರನ್ನು ಪಿಲಿ ಕುಣಿಯುವಂತೆ ಪ್ರೋತ್ಸಾಹಿಸುತ್ತಾರೆ
ಕುಣಿಯುವವರಿಗೆ ಸಾರ್ವಜನಿಕರನ್ನು ರಂಜಿಸುವುದು ಮುಖ್ಯವಾದರೂ , ಈ ಪ್ರದರ್ಶನದಲ್ಲಿ ಶತಮಾನದಷ್ಟು - ಹಳೆಯ ಸಾಂಪ್ರದಾಯಿಕ ಶಿಸ್ತನ್ನು ಉಳಿಸಿಕೊಳ್ಳಲು ಹಲವಾರು ಕಟ್ಟುಕಟ್ಟಳೆಯನ್ನು ಅನುಸರಿಸಬೇಕಾಗುತ್ತದೆ
ಅನುವಾದ: ಚರಣ್‌ ಐವರ್ನಾಡು
