ମାତ୍ର ୯୦ ଟଙ୍କାରେ ପଲିଷ୍ଟର ଶାଢ଼ୀ ମିଳୁଥିବା ବେଳେ ମଧୁସୂଦନ ତନ୍ତୀ ବୁଣିଥିବା ୩୦୦ ଟଙ୍କାର କୋଟପାଡ଼ ଶାଢ଼ୀକୁ ଏବେ କିଏ କିଣିବ ସେହି ପ୍ରଶ୍ନ ତାଙ୍କ ମନରେ ଉଙ୍କି ମାରୁଛି।
ଓଡ଼ିଶାର କୋରାପୁଟ ଜିଲ୍ଲା କୋଟପାଡ଼ ତହସିଲରେ ଥିବା ଡୋଙ୍ଗରିଗୁଡ଼ା ଗ୍ରାମର ଏହି ୪୦ ବର୍ଷ ବୟସ୍କ ବୁଣାକାର ବହୁ ଦଶନ୍ଧି ଧରି ପ୍ରସିଦ୍ଧ କୋଟପାଡ଼ ଶାଢ଼ୀ ବୁଣି ଆସୁଛନ୍ତି । କୋଟପାଡ଼ ଶାଢ଼ୀରେ ଜଟିଳ କାରୁକାର୍ଯ୍ୟ ଦେଖିବାକୁ ମିଳିଥାଏ ଏବଂ ଏହାକୁ ଉଜ୍ଜ୍ୱଳ କଳା, ଲାଲ ଓ ବାଦାମୀ ରଙ୍ଗରେ ବୁଣାଯାଇଥାଏ।
‘‘ବୁଣାକାମ ଆମ ପାରିବାରିକ ବେଉସା। ମୋ ଜେଜେ ବାପା ବୁଣୁଥିଲେ, ମୋ ବାପା ବୁଣୁଥିଲେ ଆଉ ଏବେ ମୁଁ ଓ ମୋ ପୁଅ ବୁଣାକାମ ଜାରି ରଖିଛୁ,’’ ମଧୁସୂଦନ କହିଥାନ୍ତି । ସେ ନିଜର ଆଠ ଜଣିଆ ପରିବାର ଚଳାଇବା ପାଇଁ ଅନ୍ୟାନ୍ୟ କାମ ମଧ୍ୟ କରିଥାନ୍ତି।
ଏ ୱିଭ୍ ଇନ୍ ଟାଇମ୍ ଶୀର୍ଷକ ଏହି ଚଳଚ୍ଚିତ୍ର ୨୦୧୪ରେ ପ୍ରସ୍ତୁତ ହୋଇଥିଲା । ଏଥିରେ ମଧୁସୂଦନଙ୍କ ବଂଶଗତ କାରିଗରୀ ଏବଂ ଏହାକୁ ବଞ୍ଚେଇ ରଖିବା ଲାଗି ଦେଖା ଦେଉଥିବା ସମସ୍ୟା ବିଷୟରେ ବର୍ଣ୍ଣନା କରାଯାଇଛି ।
ଅନୁବାଦ: ଓଡ଼ିଶାଲାଇଭ୍
