’’یہاں نہیں ہے کوئی نوکر... ہم بچے ہیں اس زمین کے۔ اس زمین کے خوش قسمت بچے۔‘‘
یہ الفاظ ہیں ان بچوں کے جو گاؤں کے اسکول میں گا رہے ہیں۔ ایک سطح پر، صورتحال نہایت خستہ ہے۔ گاؤں دیہات کے ان اسکولوں کو وہ سہولیات، رقم اور مواقع کبھی نہیں فراہم کیے جاتے جو شہر کے اسکولوں کو میسر ہیں۔ ان اسکولوں میں نہایت کم تنخواہ پر ایڈہاک ٹیچر مقرر کیے جاتے ہیں۔ ان اسکولوں کے استاد پوری طرح سے بے صلاحیت ہوتے ہیں – کچھ ریاستوں نے ٹیچرس ایبلٹی ٹیسٹ (ٹی ای ٹی) کی لازمیت ختم کر دی ہے، تاکہ وہ پوری طرح سے ناقابل، کم تر تنخواہ والے ٹیچروں کی بھرتی کر سکیں۔ بہت سارے اسکول ایسے بھی ہیں جن میں ٹیچر کبھی رکھے ہی نہیں گئے اور وہ بغیر کسی ٹیچر کے زمانے سے یونہی چل رہے ہیں۔
