علی راج پور کے بھیل

بائیں: مدھیہ پردیش کے علی راج پور ضلع کا چھوٹا اَمبا گاؤں (محکمہ محصولات کے ریکارڈز میں یہ اَمبا چھوٹا کے نام سے درج ہے)۔ دائیں: پُجارا کی چوکی گاؤں کے گھنے جنگل کا ایک خوبصورت نظارہ، جو اُن چند گاؤوں میں سے ایک ہے جہاں اب بھی سبزہ زار بچا ہے۔ سامنے بیچ میں ایک بھیل کسان، اُرسیا پُنیا کا کھیت ہے

بائیں: اَٹھّا گاؤں کی ایک آدیواسی فیملی جوار کی بھوسی الگ کرتے ہوئے۔ سورغم، باجرا اور مکئی وہ اناج ہیں، جنہیں آدیواسی اس علاقے میں اُگاتے ہیں۔ پیداوار اتنی ہو جاتی ہے کہ وہ سال بھر اسی پر گزارہ کرتے ہیں؛ وہ اس میں سے کچھ بھی بیچتے نہیں ہیں۔ دائیں: اَٹھّا میں باجرا کے اپنے کھیت میں کھڑا ایک آدیواسی کسان۔ یہاں پر خریف فصل کی پیداوار کافی ہوتی ہے، جس میں صرف جانوروں کے گوبر سے بنائی ہوئی کھاد استعمال کی جاتی ہے۔ لیکن، لوگوں کے پاس کھیت اتنے چھوٹے چھوٹے ہیں کہ ان میں پیدا ہونے والی کل فصل سے گاؤں کے ہر آدمی کا پیٹ نہیں بھر سکتا

بائیں: بھیلوں کے لیے پیسے کا سب سے بڑا ذریعہ مویشی ہیں۔ گھر کے تمام لوگ مویشیوں کی دیکھ بھال میں مدد کرتے ہیں۔ لیکن جنگلات سے خالی ہو چکی پہاڑیوں میں چارے کی کمی کے سبب، یہ مویشی زیادہ دودھ نہیں دیتے۔ دائیں: یہاں پر اَٹھّا گاؤں کی عورتیں پتھروں سے بنائے گئے کھیت کے ایک بند کی مرمت کر رہی ہیں۔ بھیل غریب مزدور ہیں، جو ایک دوسرے کے کھیتوں پر مالی اجرت بچانے کے لیے کام کرتے ہیں۔ اس روایت کو ’ڈھاس‘ کہتے ہیں

بائیں: علی راج پور کے ولپور گاؤں کے ہاٹ (ہفتہ واری بازار) میں اپنے کھیتوں پر اُگائی گئی شکر قند بیچتی عورتیں۔ آدیواسی لوگ ان ہاٹوں میں جوار، باجرا، مکئی، تل، مونگ پھلی، پیاز اور آلو جیسی مقامی سطح پر پیدا کی جانے والی بہت سی چیزیں بیچتے ہیں۔ وہ یہاں سے بہت سے گھریلو اور کھیتی کے سامان بھی خریدتے ہیں، جیسے نمک، چینی، کھانا پکانے کا تیل، صابن، ہل اور کلہاڑی۔ دائیں: بھیل کے گھر میں بنا ایک باورچی خانہ۔ برتنوں کو لکڑیوں سے بنے اسٹینڈ پر رکھا جاتا ہے، تاکہ انھیں کتے اور بلیوں سے بچایا جا سکے

بائیں: آکڑیا گاؤں میں مکئی کے آٹے سے روٹی بناتی ایک عورت۔ یہاں پر کھانے میں گیہوں کا نہیں، بلکہ سورغم اور مکئی کا استعمال ہوتا ہے، جب کہ ہندوستان میں دیگر جگہوں پر گیہوں کی ہی روٹیاں پکائی جاتی ہیں۔ یہاں کے لوگوں کے پاس اتنا پیسہ نہیں ہے کہ وہ بازار سے دوسرے اناج خرید سکیں۔ دائیں: اَٹھّا گاؤں کی ۶ سالہ اماشیا بڈلا، اور اس کی چھوٹی بہن، ریٹلی پچھلے دن بنائی گئی روٹی کھا رہی ہیں۔ گاؤں کے زیادہ تر لوگ باسی روٹی کو اگلے دن سرخ مرچ کی چٹنی اور تیل کے ساتھ کھاتے ہیں

بائیں: چیلگدا گاؤں میں تاڑ کے پیڑ پر چڑھے ہوئے موٹلا تھونا۔ وہ تاڑی نکالنے کے لیے اس کی چھالوں کو چھیل رہے ہیں۔ تاڑی بنانے کے لیے گاؤں والے درخت کے پھولوں کے ارد گرد گھڑے لٹکا دیتے ہیں، تاکہ اس میں اس کا رس جمع ہو جائے۔ یہ کام شام میں کیا جاتا ہے، اور گھڑا رات بھر میں بھر جاتا ہے۔ صبح سویرے اس کا ذائقہ میٹھے رس جیسا ہو جاتا ہے، لیکن دھوپ میں رکھنے پر تاڑی میں خمیر آ جاتا ہے، اور اس طرح وہ شراب بن جاتی ہے۔ دائیں: اُمرلی گاؤں کے بازار میں خمیر والی تاڑی بیچتی عورتیں۔ تاڑی کی فروخت آمدنی کا ایک بڑا ذریعہ بن چکا ہے۔ جب اس کا سیزن اپنے عروج پر ہوتا ہے (نومبر سے فروری تک)، تو یہ عورتیں ایک دن میں ۲۰ لیٹر تاڑی بیچ لیتی ہیں، تب ایک لیٹر تاڑی ۳۰ روپے میں فروخت ہوتی ہے۔ اب یہ سلسلہ ختم ہو رہا ہے، کیوں کہ تاڑی اتارنے والے اب نہیں رہے، جس کی وجہ سے اس کی سپلائی کم ہونے لگی ہے

بائیں: شادی، خوشی کا ایک موقع ہوتا ہے اور جوان دولہے کو ڈانس کرنے والا اس کا ایک رشتہ دار اپنے کندھوں پر اٹھائے ہوئے۔ دائیں: شادی کی تیاری میں روایتی چاندی کا زیور پہنے ہوئے ایک آدیواسی دلہن

بائیں: فینسی ڈریس میں ایک بڈلیا – یہ مارچ میں ہولی کے تہوار کے فوراً بعد ہونے والے گروپ ڈانس، گوتھ، کا ایک کردار ہے۔ دائیں: بکھت گڑھ گاؤں کے آدیواسی مختلف رنگوں سے مزین بھگوریا تہوار کے موقع پر ڈانس کر رہے ہیں، جو موسم بہار میں ہولی سے ٹھیک پہلے خریف کی فصل کے دوران منایا جاتا ہے