পলিষ্টাৰৰ শাড়ী এখন ৯০ টকাত পালে কোনে ৩০০ টকা দি কোটপাড় শাৰী কিনিবলৈ আহিব, মধুসূদন তাঁতীয়ে ভাবি আচৰিত হয়।
ওড়িশাৰ ক’ৰাপুট জিলাৰ কোটপাড় টেহচিল দংগ্ৰিগুড়া গাঁৱৰ এইগৰাকী চল্লিশ বছৰীয়া শিপিনীয়ে কেবাদশক ধৰি প্ৰখ্যাত কোটপাড় শাড়ী ব’ই আহিছে। কোটপাড় শাড়ীৰ ফুলবোৰ বৰ সুক্ষ্ম – এই শাড়ীবোৰ ক’লা, ৰঙা আৰু মুগা কপাহী সূতাৰে বোৱা হয়।
“তাঁতশালেই আমাৰ পৰিয়ালৰ প্ৰজন্মৰ পিছত প্ৰজন্ম ধৰি জীৱিকা উপাৰ্জনৰ বাট। মোৰ ককাই, দেউতাই তাঁতশালত বহিছিল, এতিয়া মোৰ ল’ৰাটো বহে,” মধুসূদনে কয়। শিপিনীৰ কামেৰে আঠজনীয়া পৰিয়ালটো পুহিব নোৱাৰা মধুসূদনে আন বেলেগ বেলেগ কামো কৰিবলগীয়া হয়।
আ ৱিভ ইন টাইম – এই চলচ্চিত্ৰখন ২০১৪ চনত নিৰ্মিত। চলচ্চিত্ৰখনত মধুসূদনে পুৰুষানুক্ৰমে আহৰণ কৰা এই হস্ততাঁত শিল্পকলাৰ কৌশল আৰু শিল্পবিধ জীয়াই ৰখাত আহি পৰা বাধাৰ কথা কৈছে।
অনুবাদ: পংকজ দাস
