जात्यावरची ओवीः गीत, संगीत आणि बरंच काही

महाराष्ट्राच्या कानाकोपऱ्यातल्या शेकडो गावातल्या ३००० हून अधिक बायांनी गायलेल्या एक लाखाहून जास्त ओव्यांचा हा प्रकल्प म्हणजे साध्यासुध्या बायांचा आवाज ऐकण्याचा, टिपण्याचा अचाट प्रयत्न आहे. शेती, मजुरी, मासेमारी आणि इतरही किती तरी कामं करणाऱ्या या बाया आई, बहीण, बायको आणि सुना बनून जात्यापाशी गाणी गात आल्या आहेत. त्यांचं हे गाणं म्हणजे जात्यावरची ओवी. या प्रकल्पाची सुरुवात, उगम आणि या काव्यमय ठेव्याचा प्रवास उलगडून दाखवणारी पारीची ही फिल्म जरूर पहा