দেশৰ ঘাই ভূ-ভাগেৰে গৃহাভিমুখী যাত্ৰা

পিতৃয়ে যেতিয়া ঘৰৰ বয়-বস্তু কান্ধত লৈছিল, তেতিয়া ডেকা মাতৃগৰাকীয়ে তেওঁলোকৰ নিদ্ৰাৰত সন্তানক কোলাত লৈ খৰখেদাকৈ খোজ কাঢ়িছিল, সেইদৰে তেওঁলোকে হায়দৰাবাদৰ পৰা নাগপুৰলৈ যাত্ৰা কৰিছিল

হায়দৰাবাদৰ পৰা অহা এখন ট্ৰাকৰ পৰা নামি এদল শ্ৰমিকে নাগপুৰৰ উপকণ্ঠ অঞ্চলৰ খাদ্য শিবিৰ এটালৈ খোজ দিছে

নিজৰ বয়বস্তু লগত লৈ এদল প্ৰব্ৰজিত শ্ৰমিকে ঘৰলৈ উভতা বাটত- মে’ মাহৰ প্ৰচণ্ড উত্তাপত মূৰত বহু কিলোগ্ৰাম বোজা লৈ খোজকাঢ়িয়ে বহু কিলোমিটাৰ পথ। তলাবন্ধ ঘোষণা কৰাৰ পিছত প্ৰত্যেক দিনে লানি নিছিগাকৈ অগণন মানুহে দলে দলে গৃহাভিমুখে বিভিন্ন স্থানলৈ যাবলৈ খোজ কাঢ়ি অহা নাগপুৰত পৰিলক্ষিত হৈছে

নাগপুৰৰ উপকণ্ঠ এলেকাৰ পাঞ্জাৰিত থকা এখন খাদ্য শিবিৰলৈ এদল ডেকা শ্ৰমিক খোজ কাঢ়ি আহিছে, কাম কৰিবলৈ প্ৰব্ৰজিত হোৱা হায়দৰাবাদৰ পৰা তেওঁলোক খোজকাঢ়ি আহিছে

নাগপুৰ চহৰৰ উপকণ্ঠ অঞ্চলত থকা পাঞ্জাৰি গাঁৱলৈ প্ৰতিদিনে অগনন প্ৰব্ৰজনকাৰী আহিছে। তাৰপৰা দেশৰ বিভিন্ন প্ৰান্তত থকা দূৰ-দূৰণিৰ গাঁৱলৈ তেওঁলোকে খোজকাঢ়ি গৈছে

নিজৰ গাওঁ আৰু পৰিয়ালৰ কাষলৈ যাবলৈ উদগ্ৰীৱ হৈ পৰা এদল ক্লান্ত-শ্ৰান্ত প্ৰব্ৰজনকাৰী শ্ৰমিকক ভৰ্তি কৰি এখন ট্ৰাকে যাত্ৰা আৰম্ভ কৰিবলৈ সাজু হৈছে

এই ট্ৰাকত যিয়ে অলপমান ভৰি থোৱা ঠাই উলিয়াব পাৰিছে, তেওঁলোকে যাত্ৰা কৰিব পাৰিছে

আনহাতে গৃহাভিমুখী বহু শ্ৰমিকে আন এখন ট্ৰাকত উঠি যাত্ৰা কৰিবলৈ চেষ্টা কৰিছে। ৬ আৰু ৭ নং ৰাষ্ট্ৰীয় ঘাইপথ সংযোগী নাগপুৰৰ উপকণ্ঠ ৰিং ৰোডৰ ট’ল প্লাজাৰ ওচৰত এইসকল শ্ৰমিকে ট্ৰাকত উঠিব ধৰিছে

এয়া গ্ৰীষ্মৰ উত্তাপ, পাৰা ৪০ ডিগ্ৰী চেলছিয়াছ অতিক্ৰম কৰিছে

নিজৰ পৰিয়ালক দেখা পোৱাৰ প্ৰৱল প্ৰত্যাশাই প্ৰচণ্ড উত্তাপ, ক্ষুধা, অগণন লোকৰ শ্বাসৰুদ্ধকৰ হেঁচা-ঠেলা আৰু ক্লান্তিকো যেন অধিক সহনীয় কৰি তুলিছে

নতুনকৈ ক্ৰয় কৰা চাইকেলেৰে তিনিজন মানুহে মুম্বাইৰ পৰা উৰিষ্যালৈ যাত্ৰা কৰিছে, আন কোনো উপায় নোহোৱাৰ বাবে তেওঁলোকে এই কল্পনাতীত কষ্টকৰ যাত্ৰা কৰিবলগীয়া হৈছে বুলি কয়

প্ৰব্ৰজনকাৰীসকলে প্ৰায়ে ঘাইপথ বা মূল পথৰ বিপৰীতে পথাৰ আৰু বনাঞ্চলৰ পথেৰে খোজ কাঢ়িছিল

যেতিয়া সংকট আৰম্ভ হ’ল, নিজে গঢ় দিয়া চহৰখন, য’ত সামান্য সকাহ পাইছিল, সেয়া এৰি নিজৰ গাঁৱৰ গৃহাভিমুখে তেওঁলোকে যাত্ৰা কৰিবলগা হ’ল