ಅಗರ್ತಲಾ: ಸಾವಿನ ಬಾವಿಯೊಳಗೆ ಘೀಳಿಡುವ ಕಾರು, ಬೈಕುಗಳು!

ಭಾರತದಲ್ಲಿ ನಡೆಯುವ ಜಾತ್ರಗಳಲ್ಲಿ ಕಂಡು ಬರುವ ಮನರಂಜನೆಯ ಆಟಗಳಲ್ಲಿ ಮೌತ್‌ ಕಾ ಕುಂವಾ ಅಥವಾ ಸಾವಿನ ಬಾವಿಯೂ ಒಂದು. ಈ ಪ್ರದರ್ಶನವನ್ನು ನೀಡುವ ಯುವಕರು ಗುರುತ್ವಾಕರ್ಷಣೆಯನ್ನು ಧಿಕ್ಕರಿಸಿ ಮಿಂಚಿನ ವೇಗದಲ್ಲಿ ಬಾವಿಯೊಳಗೆ ಚಲಿಸುತ್ತಾ, ಸಾವಿರಾರು ಕಣ್ಣುಗಳು ತಮ್ಮನ್ನ ಎವೆಯಿಕ್ಕದೆ ನೋಡುವಂತೆ ಮಾಡುತ್ತಾರೆ. ತ್ರಿಪುರಾದಲ್ಲಿ ನಡೆದ ದುರ್ಗಾ ಪೂಜಾ ಜಾತ್ರೆಯಲ್ಲಿನ ಪ್ರದರ್ಶನದ ಒಂದು ಸಣ್ಣ ಝಲಕ್‌ ಇಲ್ಲಿದೆ. ಇಲ್ಲಿ ಈ ಪ್ರದರ್ಶನ ಎಷ್ಟು ಜನ-ಮನ ಸೆಳೆಯಿತೆಂದರೆ ಆಯೋಜಕರು ಇದನ್ನು ಎರಡು ದಿನಗಳ ಕಾಲ ವಿಸ್ತರಿಸುವಷ್ಟು!