دشاوتار ناٹکوں سے سجی رات

سندھو دُرگ ضلع کے وینگُرلا نگر کی جاترا (میلہ) میں لوگ بھگوان مانسیشور سے اپنی مرادیں مانگتے ہیں۔ چڑھاوے کے لیے وہ لالٹین خریدتے ہیں اور انہیں ایک مقامی شیڈ میں لٹکا دیتے ہیں۔ کبھی کبھی یہ پیٹرومیکس لالٹین دشاوتار ناٹکوں کے اسٹیج کو روشن کرنے کے لیے استعمال ہوتی ہے۔ ایک بار میں نے دیکھا کہ پیشکش کے دوران خراب ہو گئی کچھ لالٹینوں کو بدل کر نئی لگائی جا رہی تھیں

یکشنی دشاوتار کمپنی کے ایک تجربہ کار اداکار اوم پرکاش چوہان، جنہوں نے خواتین اداکاروں کا کردار نبھاتے ہوئے اپنا نام کمایا ہے، کہتے ہیں، ’میں نے ہمیشہ اپنی پیشکش اور اداکاری میں خواتین کے وقار کو برقرار رکھا ہے‘

مہاراشٹر – گوا سرحد پر واقع ستاردا گاؤں میں، اداکار ملبوسات پہننے میں ایک دوسرے کی مدد کر رہے ہیں۔ وہ اپنی معمولی آمدنی، جو کہ اوسطاً ۳۰۰ روپے فی شو ہوتی ہے، سے ملبوسات اور میک اپ کا سامان خریدتے ہیں

مانسیشور جاترا میں جوش سے بھرے ناظرین ایک مقامی ڈریسنگ روم میں تیار ہوتے فنکاروں کو جھانک کر دیکھتے ہوئے

ہرمل (ارمبول) گاؤں میں پروگرام شروع ہونے سے پہلے جنگ اور رقص کے مناظر کو تیار کرتے ہوئے جنگجوؤں کا کردار نبھانے والے اداکار

دشاوتار کی زیادہ تر پیشکش آدھی رات کے بعد شروع ہوتی ہے اور صبح تقریباً ۶ بجے تک چلتی ہے۔ اسٹیج پر پیش کی جا رہی کہانیوں سے مسحور ہو کر، یہ چھوٹی لڑکیاں ناٹک دیکھنے کے لیے رات بھر جاگتی رہتی ہیں

سندھو دُرگ ضلع کے ساونت واڑی تعلقہ کے ستاردا گاؤں میں یکشنی دشاوتار کمپنی کے مالک سمیر مہادیشور (بائیں، کرشن کے لباس میں؛ اوپر کے کور فوٹو میں درمیان میں) اور اُدے لاڈ (دائیں، ایک بھوت کی پوشاک میں) مندر کے باہر، اسٹیج پر داخل ہونے کے لیے انتظار کرتے ہوئے

اداکار انہیں پراپس کا استعمال کرتے ہیں جو اُس گاؤں میں آسانی سے دستیاب ہوتے ہیں جہاں جاترا ہوتی ہے۔ یہاں، وہ ناٹک کے الفاظ ادا کرنے کے لیے لکڑی کی میز پر کھڑے ہیں

سندھو دُرگ ضلع کے کوڈال تعلقہ کے پنگولی گاؤں کے ایک میلہ میں، ایک اداکار اسٹیج پر اپنی باری آنے تک ایک عارضی جگہ پر آرام کر رہا ہے

وینگرلا جیسے قصبوں میں، جہاں میلہ بڑی تعداد میں لوگوں کو اپنی جانب راغب کرتا ہے، دشاوتار کی پیشکش مندر کے احاطہ کے باہر ہوتی ہے۔ ایک عارضی اسٹیج بنایا جاتا ہے اور فنکار مائکروفون کا استعمال کرتے ہیں، تاکہ پچھلی قطار میں بیٹھے ناظرین تک بھی آواز پہنچے

چونکہ اداکاروں کی کمائی بہت کم ہے، اس لیے وہ اپنی پوشاک تیار کرنے کے لیے جو کچھ سامان آسانی سے مل جاتا ہے اسی کا استعمال کرتے ہیں – جیسے کہ اس اداکار کے ذریعے پہلے ہونے کینوس کے جوتے (بائیں طرف)

دشاوتار پرفارمنس کا ایک لازمی حصہ ’کہانی کا اخلاقی سبق‘ ہے۔ پرانی مذہبی کہانیوں کے علاوہ، ناٹک کو روزمرہ کی زندگی میں اخلاقیت کی اہمیت کا پیغام دینا چاہیے – اور ساتھ ہی تفریح بھی ہونی چاہیے

تقریباً ۵۰۰ لوگ وینگرلا قصبہ میں دشاوتار پرفارمنس دیکھنے آئے ہیں؛ وہ اسٹیج کے تین جانب بیٹھے ہیں۔ اس طرح کی ڈرامائی پیشکش میں بہت لچیلاپن / کھلاپن ہوتا ہے – پیشکش کے بیچ میں لائٹیں بدلی جا سکتی ہیں، اسٹیج پر بچے گھومتے رہتے ہیں، ایک اداکار ناظرین کے درمیان کھڑا ہو کر مکالمہ ادا کرتا ہے

دشاوتار کی پیشکش کی ایک کامیاب رات کے بعد سورج طلوع ہو رہا ہے اور کنکولی تعلقہ کے شیوڈاؤ گاؤں سے آئے ناظرین اپنے گھروں کو لوٹ رہے ہیں