ৰাজু ডুমৰগঁয়িয়ে টাৰ্পি (টাৰ্পা বুলিও কোৱা হয়) বজাবলৈ আৰম্ভ কৰাৰ লগে লগে তেওঁৰ গালদুখন ফুলি উঠে৷ বাঁহ আৰু শুকান পানীলাওৰ খোলাৰে নিৰ্মিত এই পাঁচফুট দীঘল বাদ্যযন্ত্ৰবিধে যেন হঠাতে প্ৰাণ পাই উঠে আৰু বতাহত সুমধুৰ ধ্বনিৰ অনুৰণন তোলে৷
২০২০ চনৰ ২৭-২৯ ডিচেম্বৰলৈ ছত্তীশগড়ৰ ৰায়পুৰৰ প্ৰদৰ্শনী খেলপথাৰত ৰাজ্য চৰকাৰৰ উদ্যোগত অনুষ্ঠিত হোৱা ৰাষ্ট্ৰীয় জনজাতীয় নৃত্য মহোৎসৱত এই সংগীতজ্ঞজন আৰু তেওঁৰ অদ্ভুত আকৃতিৰ বাদ্যযন্ত্ৰটোৱে উপস্থিত আটাইৰে দৃষ্টি আকৰ্ষণ কৰিছিল।
কা ঠাকুৰ সম্প্ৰদায়ৰ সংগীতজ্ঞ ৰাজুৱে কয় যে তেওঁ মহাৰাষ্ট্ৰৰ পালঘৰৰ গুণ্ডাচা পাৰা নামে চুবুৰীত থকা নিজ ঘৰত দশেৰা আৰু নৱৰাত্ৰীৰ লগতে আন আন উৎসৱত টাৰ্পি বজায়।
এয়াও পঢ়ক: ‘টাৰ্পাখনেই মোৰ ঈশ্বৰ’