ദെഹ്‌വാലി ഭിലി ഭാഷയിൽ കവിതകളെഴുതുന്ന ജിതേന്ദ്ര വാസവി ഗുജറാത്തിലെ നർമ്മദ ജില്ലയിലെ മഹുപാദ സ്വദേശിയാണ്. ആദിവാസി സാഹിത്യ അക്കാദമിയുടെ സ്ഥാപക പ്രസിഡന്റും (2014), ഗോത്രസമൂഹങ്ങളുടെ ശബ്ദത്തിനായി സമർപ്പിച്ച ലഖാര എന്ന കവിതാ മാസികയുടെ പത്രാധിപരുമാണ് അദ്ദേഹം. ആദിവാസി വായ്മൊഴി സാഹിത്യത്തെക്കുറിച്ച് നാല് പുസ്തകങ്ങൾ രചിച്ചിട്ടുണ്ട് ജിതേന്ദ്ര വാസവി. നർമ്മദ ജില്ലയിലെ ഭിൽ സമൂഹത്തിന്റെ വായ്മൊഴിയിലുള്ള നാടോടിക്കഥകളുടെ സാംസ്കാരികവും ഇതിഹാസപരവുമായ ഘടകങ്ങളെ കേന്ദ്രീകരിച്ചായിരുന്നു അദ്ദേഹത്തിന്റെ ഗവേഷണം. പാരി പ്രസിദ്ധീകരിച്ച അദ്ദേഹത്തിന്റെ കവിതകൾ, അടുത്തുതന്നെ പ്രസിദ്ധീകരിക്കാൻ പോകുന്ന അദ്ദേഹത്തിന്റെ ആദ്യത്തെ കവിതാസമാഹാരത്തിൽനിന്നുള്ളവയാണ്.