نفرتوں کے دور میں بھائیچارہ کی مثال

کولہا پور کو (पुरोगामी) ترقی پذیر شہر کے طور پر جانا جاتا ہے۔ یہ شہر شاہو، پھُلے اور امبیڈکر جیسے دانشوروں اور عظیم شخصیات کی وراثت اور روایت کی آماجگاہ ہے۔ مختلف ذات اور مذاہب کے لوگ آج بھی ان ترقی پذیر نظریات کی وراثت کو بچائے رکھنے اور مختلف ثقافتوں کے درمیان باہمی احترام اور ہم آہنگی کو برقرار رکھنے کے لیے کوشاں ہیں۔

حالانکہ، حالیہ دنوں ان برادریوں کے درمیان نفرت پیدا کرنے کی منظم کوششیں بھی ہوئی ہیں۔ نظریات کے خلاف لڑائی نظریات سے ہی لڑی جا سکتی ہے۔ شرف الدین دیسائی اور سنیل مالی جیسے لوگ سماج میں ہم آہنگی برقرار رکھنے کے لیے کوشاں ہیں۔

شرف الدین دیسائی اور سنیل مالی، مہاراشٹر کے کولہا پور ضلع کے تردل گاؤں کے رہنے والے ہیں۔ شرف الدین دیسائی ایک ہندو گرو (استاد) کے پیروکار ہیں، جب کہ سنیل مالی نے ایک مسلمان استاد کی شاگردی حاصل کی ہے۔

مترجم: قمر صدیقی