نیامگیری میں شادی کی ایک تقریب

مغربی اوڈیشہ کے باکسائٹ سے مالا مال نیامگیری پہاڑوں کا علاقہ ریاست کے ڈونگریا کوندھ آدیواسیوں کا واحد مسکن ہے

شادیوں کا اہتمام سادگی اور دوستانہ طریقے سے کیا جاتا ہے، جہاں برادریوں کے لوگ سارے کام مل جل کر کرتے ہیں۔ یہاں، پڑوسی گاؤوں کے  نوجوان لڑکے شادی کی ایک تقریب میں (سال ۲۰۰۹ میں) ڈھپ بجانے کے لیے جا رہے ہیں، جو کہ اس علاقے کا ایک مقبول ساز ہے

بینڈ کے لوگ گانے باجے کے ساتھ تقریب کی جگہ پر پہنچ چکے ہیں

کئی برادریوں میں شادی کے لیے عام طور پر عورتوں کی رضامندی حاصل کی جاتی ہے، لیکن ڈونگریا کوندھ برادری کے لوگ دلہن کی رضامندی پر زیادہ زور دیتے ہیں۔ اپنی شادی کے لیے، تیلیڈی نے لوڈو سیکاکا کو دولہا تسلیم کر لیا ہے

کمیونٹی کی عورتیں اپنے سروں پر پیتل کا گھڑا اٹھائے تیلیڈی کے ساتھ پہاڑ سے لگاتار بہنے والے ایک جھرنے سے پانی بھرنے جا رہی ہیں۔ اس پانی سے چاول پکایا جاتا ہے، اور پھر دلہن کے ذریعے وہ چاول دھرنی پینو (زمین کی دیوی) کو چڑھایا جائے گا

دلہن کی سہیلیاں ڈانس کرتے ہوئے دولہے کے گاؤں لکھ پڈر جا رہی ہیں؛ راستے میں گاؤں کے دوسرے لوگ انہیں حیرانی سے دیکھ رہے ہیں

دھپ کی تھاپ پر رقص شروع ہو چکا ہے

اور رقص کا سماں بندھنے لگتا ہے

دریں اثنا، گاؤں کے دوسرے لوگ کھانے کی تیاری میں مصروف ہو چکے ہیں – شادیوں میں عموماً لکڑی کی آگ پر چاول، دال اور گوشت پکایا جاتا ہے، جس میں تیل اور مسالے کا بہت کم استعمال ہوتا ہے، پھر اسے پتوں کی پلیٹوں میں پیش کیا جاتا ہے

دعوت کا انتظار کرتے کمیونٹی کے بچے

اور چھوٹی سی یہ لڑکی آج کی اس تقریب سے بہت خوش ہے