ଅନନ୍ତପୁରର ରାସ୍ତା କଡ଼ରେ ରେକ୍ଜିନ୍ ଉତ୍ପାଦ ବିକ୍ରୟ କରୁଥିବା ଦୋକାନଗୁଡ଼ିକ ସାଧାରଣତଃ ଅନେକ ନ୍ୟୁଜ୍ ରୁମ୍ ପଣ୍ଡିତମାନଙ୍କ ଅପେକ୍ଷା ଆନ୍ଧ୍ରପ୍ରଦେଶର ରାଜନୀତି ବିଷୟରେ ଅଧିକ ସୂଚନା ଦେଇଥାନ୍ତି। ଗତ ନିର୍ବାଚନରେ ​​ଜଗନମୋହନ ରେଡ୍ଡୀଙ୍କୁ ନିର୍ବାଚନରେ ବିପୁଳ ବିଜୟ ଲାଭ କରିବାର ଦେଖି ଅନନ୍ତପୁରର ଅନେକ ବୁଦ୍ଧିଜୀବୀ ଆଶ୍ଚର୍ଯ୍ୟ ହୋଇଯାଇଥିଲେ, ରେକ୍ଜିନ୍ ଦୋକାନ ଅଞ୍ଚଳରେ ପୂର୍ବରୁ ଜଣାଥିଲା କି’ଏ ବିଜୟ ଲାଭ କରିବ। ଏଠାରେ ଥିବା ଏକ ରେକ୍ଜିନ୍ ଦୋକାନର ମାଲିକ ଡି. ନାରାୟଣସ୍ୱାମୀ କୁହନ୍ତି, "ଏଠାରେ ମତଦାନର କିଛି ମାସ ପୂର୍ବରୁ ଆମେ ଅଧିକରୁ ଅଧିକ YSR କଂଗ୍ରେସ ପାର୍ଟି (ମୋଟରସାଇକେଲ) ସାଡଲ ବ୍ୟାଗ ସିଲେଇ କରିବା ଆରମ୍ଭ କରିଥିଲୁ।

ସାଡଲବ୍ୟାଗ ସର୍କିଟ ଚକ ଉପରେ ଲେଖାକୁ ସଠିକ୍ ଭାବରେ ପଢୁଥିଲା​​। YSR କଂଗ୍ରେସ ପାର୍ଟି ବ୍ୟାଗଗୁଡ଼ିକର ବିପୁଳ ଚାହିଦା ଏଠାରେ ୨୦୧୯ ବିଧାନସଭା ନିର୍ବାଚନର ଫଳାଫଳ ବିଷୟରେ ଭବିଷ୍ୟବାଣୀ କରୁଥିଲା।

୧୯୯୦ ଦଶକରେ ଏହି ଦୋକାନଗୁଡ଼ିକ ମୁଖ୍ୟତଃ ଶସ୍ତା ଓ ମଜବୁତ ସ୍କୁଲ୍ ବ୍ୟାଗ୍ ସିଲେଇ କରୁଥିଲେ। ମୁଁ ନିଜେ ସେଗୁଡ଼ିକ ମଧ୍ୟରୁ କେତୋଟି କିଣିଥିଲି । ପରବର୍ତ୍ତୀ ଦଶନ୍ଧିରେ, ସ୍କୁଲ ବ୍ୟାଗ କିଣିବା ପାଇଁ ଜୋତା ଦୋକାନଗୁଡ଼ିକର ଚାହିଦା ବଢିଯାଇଥିଲା। ଏବଂ ରେକ୍ଜିନ୍ ଦୋକାନଗୁଡିକ ଚଳଚ୍ଚିତ୍ର ତାରକା ତଥା ରାଜନେତାଙ୍କ ଚିତ୍ର ସହିତ ମୋଟରବାଇକ୍ ସାଡଲବ୍ୟାଗ୍ ବିକ୍ରୟ କରିବା ଆରମ୍ଭ କରିଥିଲେ, ଅନ୍ୟପାର୍ଶ୍ୱରେ ନିଜେ ପ୍ରସ୍ତୁତ କରିଥିବା ସିଟ୍ କଭର, ଅଟୋରିକ୍ସା ଏବଂ ସୋଫା ଏବଂ କାରର କଭର ମଧ୍ୟ ବିକ୍ରି କରୁଥିଲେ। ୨୦୧୯ ନିର୍ବାଚନରେ ରାଜନୈତିକ ଡିଜାଇନ ଥିବା ବ୍ୟାଗ୍ ବିକ୍ରି ସମ୍ଭବତଃ ବୃଦ୍ଧି ପାଇଥିଲା। ତେଲୁଗୁ ଦେଶମ ପାର୍ଟିର ଜଣେ ଭୋଟର ଯିଏକି ପୂର୍ବ ସରକାରଙ୍କ ସମୟରେ  ଅନେକ ସୁବିଧାସୁଯୋଗ  ଲାଭ କରିଥିଲେ ମୋତେ ୨୦୧୯ ମସିହାରେ କହିଥିଲେ “ଆମେ ହୁଏତ ଭୋକିଲା ରହିପାରୁ, କିନ୍ତୁ ତଥାପି ଆମେ ଆମର ପାର୍ଟି ପତାକା ଧରି ବୁଲିବୁ। ଆମେ ନିଶ୍ଚୟ ଯିବୁ। ଆମ ପାଖରେ କୌଣସି ବିକଳ୍ପ ନାହିଁ। ” ମୋର ମନେପଡୁଛି ଯେ ସେ ଏକ ଟିଡିପି ସାଡଲବ୍ୟାଗ ଲଗିଥିବା ମୋଟରସାଇକେଲ୍‍ ଚଲାଉଥିବାର ମୁଁ ତାଙ୍କୁ ଦେଖିଛି।

Outside a rexine shop, motorbike saddlebags with pictures of film stars and politicians
PHOTO • Rahul M.
Outside a rexine shop, motorbike saddlebags with pictures of film stars and politicians
PHOTO • Rahul M.

ଏକ ରେକ୍ଜିନ୍ ଦୋକାନ ବାହାରେ , ଚଳଚ୍ଚିତ୍ର ତାରକା ଏବଂ ରାଜନେତାଙ୍କ ଚିତ୍ର ସହିତ ମୋଟରସାଇକେଲ୍ ସାଡଲବ୍ୟାଗ୍

ମହାମାରୀ ବୃଦ୍ଧି ପାଇବା ପରେ ଲୋକମାନେ ନିଜ ବାଇକ୍‌ରେ ନିଜର ରାଜନୈତିକ ଦଳ (ଏବଂ ରାଜନେତା) ଙ୍କ ଫଟୋ ଲଗାଇବାକୁ ଆଗ୍ରହ ପ୍ରକାଶ କଲେ ନାହିଁ। ଏହାପୂର୍ବରୁ, ରେକ୍ଜିନ୍ ଦୋକାନଗୁଡିକ ସାଧାରଣତଃ ରାଜନୈତିକ ବାର୍ତ୍ତା ଏବଂ ଚେହେରା ଥିବା ସାଡଲବ୍ୟାଗ୍ ଦେଖାଉଥିଲେ। ବର୍ତ୍ତମାନ ସେମାନେ ଜେନେରିକ୍ ଡିଜାଇନ୍ ସହିତ ସଜ୍ଜିତ, କିମ୍ବା ଜଣାଶୁଣା କମ୍ପାନୀର ଲୋଗୋ ସହିତ ବ୍ୟାଗ୍ ପ୍ରଦର୍ଶନ କରୁଛନ୍ତି। ଏହି ଅବଧିରେ ରୋଜଗାର ହରାଇଥିବା ଏବଂ ଆର୍ଥିକ ସମସ୍ୟାର ସମ୍ମୁଖୀନ  ହୋଇଥିବା ଲୋକମାନଙ୍କର  ଉତ୍ପାଦ ପାଇଁ କମ୍ ଚାହିଦା ଏହି ସାଧାରଣ ଘଟଣାର ଏକ ଅଂଶ ହୋଇପାରେ।

ଲକଡାଉନ୍ ଆରମ୍ଭ ହେବା ଦିନଠାରୁ ସର୍ବସାଧାରଣରେ ପୋଲିସର ଉପସ୍ଥିତି ବଢିବା ପରେ, ଲୋକମାନଙ୍କ ଆଗ୍ରହ କମିବାର ଅନ୍ୟ ଏକ କାରଣ ହୋଇପାରେ। ନାରାୟଣସ୍ୱାମୀ କୁହନ୍ତି, “ଯେତେବେଳେ ପୋଲିସ ଆପଣଙ୍କ ବାଇକକୁ କୌଣସି କାରଣରୁ ଧରିଥାଏ ଏବଂ ଆପଣ ଏକ ଭିନ୍ନ ପାର୍ଟିର ହୋଇଥାଆନ୍ତି [ପୋଲିସର ବିପକ୍ଷ ଦଳର], ତେବେ ଆପଣ ଅସୁବିଧାର ସମ୍ମୁଖୀନ ହୋଇପାରନ୍ତି।

ଅନୁବାଦ: ଓଡ଼ିଶାଲାଇଭ୍‍

Rahul M.

Rahul M. is an independent journalist based in Anantapur, Andhra Pradesh, and a 2017 PARI Fellow.

Other stories by Rahul M.
Translator : OdishaLIVE

This translation was coordinated by OdishaLIVE– a dynamic digital platform and creative media and communication agency based out of Bhubaneswar. It handles news, audio-visual content and extends services in the areas of localization, video production and web & social media.

Other stories by OdishaLIVE