پرندوں کے پروں پر کس کی پرواز؟

اردو

مجھے بہت دور جانا ہے
اپنے وطن سے دور
مجھے پردیس جانا ہے
او پیارے کُنج پرندے،
یہ راہ بہت لمبی ہے
مجھے اس پر چلتے جانا ہے
مجھے دور بہت دور جانا ہے۔

میرے لیے کڈالا لاؤ
میرے پاؤں کو سجاؤ
میری دادی وداع کرنے آئیں گی
پیارے، میں یہاں سے دور بہت جاؤں گی
او پیارے کُنج پرندے،
یہ راہ بہت لمبی ہے
مجھے اس پر چلتے جانا ہے
مجھے دور بہت دور جانا ہے۔

میرے لیے بنگڑی لاؤ
میری سونی کلائی کو سجاؤ
مجھے بابا سے ملنے دو
بابا سے مل کر ہی مجھے جانا ہے
میری ماں مجھے وداع کرنے آئیں گی
پیارے، میں یہاں سے دور بہت جاؤں گی
او پیارے کُنج پرندے،
یہ راہ بہت لمبی ہے،
مجھے اس پر چلتے جانا ہے
مجھے دور بہت دور جانا ہے۔

میرے لیے ہالرو لاؤ
میرے گلے کو سجاؤ
مجھے چچا سے ملنے دو
چچا سے مل کر ہی مجھے جانا ہے
میری چچی مجھے وداع کرنے آئیں گی
پیارے، میں یہاں سے دور بہت جاؤں گی
او پیارے کُنج پرندے،
یہ راہ بہت لمبی ہے
مجھے اس پر چلتے جانا ہے
مجھے دور بہت دور جانا ہے۔

میرے لیے نتھنی لاؤ
میرے چہرے کو سجاؤ
مجھے ماموں سے ملنے دو
ماموں سے مل کر ہی مجھے جانا ہے
میری ممانی مجھے وداع کرنے آئیں گی
پیارے، میں یہاں سے دور بہت جاؤں گی
او پیارے کُنج پرندے،
یہ راہ بہت لمبی ہے
مجھے اس پر چلتے جانا ہے
مجھے دور بہت دور جانا ہے۔