جالنہ: ’ہم مسلمانوں کی کوئی اہمیت ہی نہیں ہے‘

مہاراشٹر کے دیہی علاقوں میں ایک سے زیادہ بار مسلمانوں نے یہ پایا ہے کہ مقامی پولیس ہندوؤں کے ذریعہ ان پر حملے کے معاملوں کی شکایت درج کرنے میں یا تو پس و پیش سے کام لیتی ہے یا پھر ان کے ساتھ معاندانہ رویہ اختیار کرتی ہے۔ وہ کہتے ہیں کہ مبینہ جرائم کے معاملے میں پولیس مسلمانوں پر کیس درج کرنے میں تاخیر نہیں کرتی، لیکن جب اُن پر حملہ ہوتا ہے اور انہیں دھمکیاں دی جاتی ہیں، تب انہیں اس کے لیے جدوجہد کرنے کے ساتھ ساتھ فریاد بھی کرنی پڑتی ہے