Qamar Siddique

large_01-01_Husn_Ara_Khatoon_with_two_days_old_kids-QT-Husn_Aras_goats.jpg

medium_01-01_Husn_Ara_Khatoon_with_two_days_old_kids-QT-Husn_Aras_goats.jpg

small_01-01_Husn_Ara_Khatoon_with_two_days_old_kids-QT-Husn_Aras_goats.jpg

thumbnail_01-01_Husn_Ara_Khatoon_with_two_days_old_kids-QT-Husn_Aras_goats.jpg

01-01_Husn_Ara_Khatoon_with_two_days_old_kids-QT-Husn_Aras_goats.jpg

حسن آرا کافی خوش ہیں کہ ان کی تین بکریوں میں
سے ہر ایک نے ۳ بچے دیے ہیں – چھ بچے تو اس سال ۳۰ اکتوبر کو پیدا ہوئے تھے، جب کہ
باقی تین اس سے ایک دن پہلے دنیا میں آئے تھے۔ بکری کے ان ننھے منے بچوں کو ابھی
ٹھیک سے دودھ پینا بھی نہیں آتا، اس لیے حسن آرا اپنے ہاتھوں سے ان کی مدد کرتی
ہیں تاکہ وہ زیادہ سے زیادہ دودھ پی سکیں۔ وہ جانتی ہیں کہ یہ جب بڑے ہوں گے، تو بکریاں
ان کی آمدنی کا ذریعہ بنیں گی۔

حسن آرا بہار کے سیتا مڑھی ضلع کے باجپٹی بلاک کے
برّی پھلوریہ گاؤں میں رہتی ہیں۔ تقریباً ۵۷۰۰ کی آبادی والی اس پنچایت میں بہت سے
لوگ غریب اور معمولی کسان ہیں، یا بے زمین زرعی مزدور ہیں۔ حسن آرا بھی انہی میں
سے ایک ہیں۔

ان کی شادی ماں باپ نے چھوٹی عمر میں ہی چیچرے
بھائی، محمد شبیر، سے کر دی تھی۔ وہ پانچ سال قبل حیدرآباد چلے گئے جہاں وہ چمڑے
کا بیگ بنانے کی ایک اکائی میں کام کرتے ہیں؛ اس سے پہلے وہ بھی زرعی مزدوری کیا
کرتے تھے۔ ’’وہ ہر مہینے ۵۰۰۰ روپے کماتے ہیں، جس میں سے کبھی کبھار ۲۰۰۰ روپے گھر
بھیج دیتے ہیں۔ چونکہ اسی پیسے میں سے انھیں اپنا بھی خرچ چلانا پڑتا ہے، اس لیے
گھر پر ہر مہینے نہیں بھیج پاتے،‘‘ حسن آرا بتاتی ہیں۔

گاؤں کے بہت
سے مرد احمدآباد، دہلی، جے پور، کولکاتا اور ممبئی جیسے شہروں میں کام کرتے ہیں۔
وہ زیادہ تر کپڑا فیکٹریوں، بیگ بنانے کے کارخانوں میں سلائی وغیرہ کا کام کرتے
ہیں یا پھر سڑک کنارے ہوٹلوں میں کھانا بنانے اور برتن وغیرہ دھونے کا کام کرتے
ہیں۔ وہ اپنے گھر پر جو پیسے بھیجتے ہیں اس سے گاؤں میں کچھ تبدیلی آئی ہے۔ چند
دہائیوں قبل پانی کے لیے گاؤں میں جہاں صرف ۳-۴ ہی ہینڈ پمپ ہوا کرتے تھے، اب
تقریباً ہر گھر میں ہینڈ پمپ موجود ہے۔ اسی طرح مٹی اور بانس سے بنے پرانے مکانوں
کی جگہ اب اینٹ اور سیمنٹ کے مکانوں نے لے لی ہے۔ البتہ، حسن آرا کے گھر کی طرح ہی،
کئی گھروں میں بیت الخلاء اب بھی نہیں ہے، جب کہ وزیر اعظم کے منصوبہ کے تحت ۲۰۲۲
تک پورے ملک کو ’کھلے میں رفع حاجت سے پاک‘ بنانا ہے۔ یہاں کے گاؤوں میں بجلی ۲۰۰۸
میں پہنچی جب کہ پختہ سڑکوں کی تعمیر ۲۰۱۶ میں ہوئی۔

پھلوریہ گاؤں کی دیگر کئی مسلم عورتوں کی طرح ہی،
۵۶ سالہ حسن آرا بھی بچپن سے ہی کھیتوں پر مزدوری کرتی ہیں۔ ان کی والدہ، سمیل، جن
کا ۹ سال قبل انتقال ہو گیا، جب زندہ تھیں تو یہی کام کرتی تھیں۔ غریبی کی وجہ سے حسن
آرا یا ان کے پانچوں بچوں کو اسکول یا مدرسے جانے کا موقع نہیں ملا۔ بری پھلوریہ
میں شرحِ خواندگی صرف ۸۱ء۳۸ فیصد  ہے (مردم
شماری ۲۰۱۱)، اور عورتوں میں خواندگی کی یہ شرح صرف ۰۹ء۳۵ فیصد ہے۔

حسن آرا کے والد، محمد ظہور، یومیہ اجرت کے لیے اب بھی کام کرنے کی کوشش کرتے
ہیں – وہ ۱۰۰ سال کے ہو چکے ہیں، وہ بتاتے ہیں۔ بڑھاپے کی وجہ سے اب وہ دن
بھر کھیت میں کُدال یا ہل نہیں چلا سکتے، لیکن بیج اور کھاد ڈالتے اور تیار ہونے پر
فصل کاٹتے ہیں۔ ’’میں بٹائی پر کھیتی کرتا ہوں،‘‘ وہ بتاتے ہیں۔ اب کھیتی کا کوئی
بھروسہ نہیں رہا، اور دھان اور گیہوں کی فصل کبھی ہوتی ہے کبھی نہیں ہوتی، وہ مزید
کہتے ہیں۔ ’’کھیتی کے روایتی طریقے ختم ہوتے جا رہے ہیں، کسان ٹریکٹر کا استعمال
کر رہے ہیں، جس سے یومیہ مزدوروں کا کام کم ہو گیا ہے۔ جنہیں کام مل جاتا ہے، وہ
بھی ایک دن میں ۳۰۰-۳۵۰ روپے سے زیادہ نہیں کما سکتے۔‘‘

ویسے پھلوریہ گاؤں کے ارد گرد کھیتی کے لیے جتنی
بھی زمینیں ہیں، وہ سب زرخیز ہیں، مسئلہ صرف پانی کی کمی کا ہے۔ گاؤں سے تقریباً ایک
کلومیٹر دور مغرب میں ادھوارہ ندی بہہ رہی ہے، لیکن اس میں صرف بارش کے موسم میں
ہی پانی بھرا رہتا ہے، سال کے باقی دنوں میں اتنا پانی نہیں ہوتا کہ اس سے کھیتوں
کی سینچائی کی جا سکے۔ گزشتہ تین سال سے اس علاقے میں بھرپور بارش نہ ہونے سے
کسانوں کو خشک سالی جیسی حالت کا سامنا کرنا پڑ رہا ہے۔

حسن آرا کے پانچ بچے ہیں۔ سب سے بڑا لڑکا، محمد
علی (عمر ۳۲ سال)، اپنی والدہ کے گھر میں ہی اپنی بیوی شاہدہ اور دو بچوں کے ساتھ
ایک الگ کمرے میں رہتا ہے۔ وہ گھر چلانے میں فیملی کی کوئی مدد نہیں کرتا۔ دوسرا
بیٹا بھی کوئی کام نہیں کرتا۔ بڑی بیٹی کی شادی حسن آرا نے کچھ سال پہلے بری پھلوریہ
سے تقریباً ۴۰ کلومیٹر دور، نیپال کے شمسی گاؤں میں کر دی تھی۔ تیسرا بیٹا اور ۱۸
سال کی ایک بیٹی کی شادی کرنی ابھی باقی ہے۔

حسن آرا کے لیے اپنی فیملی کو چلانا مشکل ہے اور
گھر کے لیے ضروری سامان لانے میں انھیں کافی محنت کرنی پڑتی ہے۔ فیملی کے راشن
کارڈ پر وہ ہر مہینے ۲ روپے فی کلو کے حساب سے ۱۴ کلو چاول، اور ۳ روپے فی کلو کے
حساب سے ۲۱ کلو گیہوں، اور دیگر سامان لے آتی ہیں۔ ’’آج کل کھیتی کا بہت زیادہ کام
دستیاب نہیں ہے،‘‘ وہ کہتی ہیں۔ ’’میری صحت بھی اب ٹھیک نہیں رہتی۔ ہماری فیملی کے
ممبران کی تعداد تو بڑھی ہے لیکن آمدنی نہیں بڑھی۔ مجھے اپنے پوتے پوتیوں کو بھی
کھلانا پڑ رہا ہے۔ میں نہیں جانتی کہ یہ سب مجھے کب تک کرنا پڑے گا۔‘‘

04-03_Husn_Ara_inside_her_house-QT-Husn_Aras_goats.jpg

اپنی معمولی آمدنی میں اضافہ کرنے کے لیے، حسن
آرا نے مرغیاں اور بکریاں پالنی شروع کر دیں – جو کہ ان کے گاؤں کے کئی گھروں کے
لیے آمدنی کا ایک ذریعہ ہے۔ انڈوں سے وہ ہر ماہ کچھ سو روپے کما لیتی ہیں یا پھر
یہ فیملی کے کھانے کا حصہ بنتے ہیں۔ اور بکریاں ہر دو تین سال میں بچے دیتی ہیں۔
بچوں کو کھلا پلا کر وہ بڑا کرتی ہیں اور پھر کسی مویشی تاجر کو بیچ دیتی ہیں۔
لیکن، ان بکرے/بکریوں سے انھیں وہ قیمت نہیں ملتی جو دوسروں کو مل جاتی ہے۔ ’’جو
لوگ پیسے والے ہیں، وہ اپنے مویشیوں کو اچھا چارہ کھلاتے ہیں۔ میں غریب ہوں، اس
لیے اپنی بکریوں کو صرف گھاس کھلا پاتی ہوں۔ اسی لیے یہ کمزور ہیں...،‘‘ وہ کہتی
ہیں۔

اچھا چارہ کھانے والے بکرے چار مہینے بعد ۸-۱۰
کلو کے ہو جاتے ہیں، جنہیں مویشی تاجروں کو ۴۰۰۰ روپے میں بیچا جا سکتا ہے۔ لیکن،
حسن آرا کے بکرے بڑے ہونے کے بعد ۵ کلو سے زیادہ وزن کے نہیں ہو پاتے، اسی لیے ان
کی قیمت چار ماہ بعد انھیں صرف ۲۰۰۰ روپے ہی مل پاتی ہے۔ اگر وہ ان بکروں کو اپنے
پاس سال بھر رکھیں، تو آس پاس کے گاؤں کے خوشحال مسلمانوں سے فی بکرا ۱۰۰۰۰ روپے
کما سکتی ہیں، جو عیدالاضحیٰ یا بقرعید کے موقع پر قربانی کے لیے انھیں خریدتے
ہیں۔

حسن آرا نے
اپنے پانچ بچوں سے امید لگا رکھی تھی – کہ جب وہ بڑے ہوں گے، تو فیملی کی آمدنی
میں ہاٹھ بٹائیں گے اور زندگی میں خوشحالی لائیں گے۔ وہ نہ صرف اب بڑے ہو چکے ہیں،
بلکہ ان میں سے زیادہ تر کے خود اپنے بچے بھی ہیں۔ باوجود اس کے حسن آرا کی زندگی
سے خوشیاں کوسوں دور ہیں۔

بکریاں اور امیدوں سے بھری حُسن آرا کی چھوٹی دنیا

ஹசன் அராவின் ஆடுகளின் சிறு உலகமும் நம்பிக்கைகளும்

Husn Ara's small world of goats and hopes

ছাগল আর আশা নিয়ে ঘর করেন হুস্‌ন আরা

ହୁସନ ଆରାଙ୍କ ଛେଳି ଓ ସ୍ୱପ୍ନର ଛୋଟ ଦୁନିଆ

बकऱ्यांचं आणि उमेदीचं हुस्न आराचं छोटंसं जग

बकरियां और आशाओं से भरी हुस्न-आरा की छोटी दुनिया

Buri Phulwaria

At present, we can only accept donations in Indian rupees by Indian citizens. All donations made to the CounterMedia Trust are eligible for exemption under Section 80G of the Income Tax Act, 1961. Here is a copy of our exemption certificate.


India is bigger than New Delhi. And people need to know more about the rest of this vast nation.


Younger, media-saturated generations are growing up knowing little about their country, but a lot about the elites of a few metros and towns. For a narrowly-owned, commercially-driven media, the dumbing down of a nation is part of standard operating procedure. The last available data of the Centre for Media Studies (CMS, Delhi) show us that reports from New Delhi account for 66 per cent of news on the front pages of major dailies. The CMS data also found that just about 0.24 per cent of front page news came out of rural India. The TV channels are not much better.PARI exists to change that.We are a non-profit organisation. We publish under creative commons, and do not charge readers a subscription fee or put-up advertisements. Nothing is behind a paywall and we are completely free-to-access by anyone. We guard our independence and receive no direct grants from governments and corporations, nor any funding that could dictate our content. So, we are dependent on volunteer labour, donations from individuals, foundations and institutions that see value in independent and free media.PARI is changing the way Indian journalism reports and documents the rural.India is more than the elite of a few metros and towns. We report on rural lives and livelihoods, languages, communities, migrants and more. We need your help to pull off this most ambitious of Indian journalistic endeavours. The scale of this effort costs money. Donate generously - and spread the word about PARI.&nbsp;

Donate FAQs


আমাদের সম্বন্ধে জানুন

পারি’র দুনিয়ায় স্বাগত

আমাদের যাবতীয় লেখাপত্তর নিখরচায় ব্যবহার করা যায়, আর আগামীদিনেও এই নিয়মই বজায় থাকবে। আমাদের কাজকর্ম ভালো লাগলে আপনি স্বেচ্ছাশ্রম দিয়ে অথবা অর্থ সাহায্য করে এই কাজে সহায়ক হতে পারেন।

Want to republish this article? Please write to <a href="mailto:zahra@ruralindiaonline.org" target="_blank" rel="noopener noreferrer">zahra@ruralindiaonline.org</a> with a cc to <a href="mailto:namita@ruralindiaonline.org" target="_blank" rel="noopener noreferrer">namita@ruralindiaonline.org</a>

بکریاں اور امیدوں سے بھری حُسن آرا کی چھوٹی دنیا

Related stories

بسواس اور ان کی سائیکل پر لدا بانس

گوڈا میں سائیکل سے سینکڑوں کلو کوئلے کی ڈھلائی

گوا کے بھدیل

صبح کی چہل پہل سے بھرا چنئی کا پھول بازار

دیہی ہندوستان کی ’جُگاڑ‘ سے بنی ’چھکڑا‘ گاڑی

کالی: ڈانسر اور ان کے خواب

کسانوں کی قسمت میں ایک مجرم سے بھی بدتر کھانا

یَوَت مال میں، زندگی جاری ہے

خودکشی زندوں کے لیے ہے، مردوں کے لیے نہیں

ایک بڑھئی کی موت

خواتین کسان ۔ اننتا پور میں زندگی کو بُنتے ہوئے

ڈھنکیا میں نافرمانی

کیرالہ کی گرین آرمی

کُڈمباشری کی اسمبلی یونٹ میں پیمانہ بندی

گنا کاٹنے والے مزدوروں کی خستہ حالی

دھاگے سے لٹکا ہوا

دیہی خواتین: میل کے پتھر، چکّی کے پاٹ اور کروڑ پتی

کام ہی کام، عورتیں گمنام: آن لائن تصاویر پر مبنی نمائش

سماج میں قابل احترام بھانگڑ ڈیہہ کی عورتیں

کپاس کے کھیتوں سے پیرالمپکس تک

اکیلی، خود اپنے سایہ میں

آنگن واڑی میں دن گزارتی کِنجا

ممبئی کے’پوم-پوم‘ والے اڈلی فروش

ٹوبری مقابلہ

سمندری موجوں سے آئی تبدیلی