യുവകർഷകർ: അഭ്യസ്തവിദ്യർ, തൊഴിൽരഹിതർ, വിവാഹയോഗ്യരല്ലാത്തവർ

യവത്മാൽ ഉൾപ്പടെ മഹാരാഷ്ട്രയുടെ ഗ്രാമപ്രദേശങ്ങളിലൊന്നാകെതന്നെ, ഒരു വിവാഹ പ്രതിസന്ധി ഉടലെടുത്തിരിക്കുന്നു: വിവാഹപ്രായമെത്തിയ യുവാക്കൾക്ക് വധുക്കളെ കണ്ടെത്താനാകുന്നില്ല എന്നുമാത്രമല്ല ഇവിടെയുള്ള യുവതികൾ കർഷകയുവാക്കളെ തഴഞ്ഞ് സർക്കാർ ജോലിയുള്ള യുവാക്കളെ വരന്മാരായി തിരഞ്ഞെടുക്കുകയുമാണ്. കൃഷിയിൽനിന്നുള്ള വരുമാനം ക്ഷയിക്കുന്നതിന്റെ വളരെ പ്രത്യക്ഷമായ ഒരു പ്രത്യാഘാതമാണിത്. 2024-ലെ പൊതുതിരഞ്ഞെടുപ്പ് അടുക്കവേ, വരുമാനം കുറയുന്നതും യുവാക്കളുടെ വിവാഹസാധ്യത മങ്ങുന്നതുമാണ് ഈ പ്രദേശത്തുള്ളവരെ അലട്ടുന്ന പ്രധാന പ്രശ്നങ്ങൾ