নিৰাপত্তাৰ পৰা শতযোজন আঁতৰত মুম্বাইৰ সেই ছিকিউৰিটি গাৰ্ডজন

মহানগৰখনৰ মাজমজিয়াত অৱস্থিত গগনচুম্বী অট্টালিকাটোৰ নিশ্চিদ্ৰ নিৰাপত্তাৰ দায়িত্বত থকা ছিকিউৰিটি গাৰ্ডজনে কৰ্তব্যৰ তাগিদাত নিজৰ গাঁৱৰ ঘৰখনলৈ যাব পৰা নাছিল, সদ্যোজাত কেঁচুৱাটো আৰু মৰমৰ পত্নীৰ মুখখনো বহুদিন দেখা পোৱা নাছিল৷ তেওঁ উপযুক্ত মুহূৰ্তলৈ অপেক্ষা কৰিছিল, আবেদন দাখিল কৰিছিল, বিভিন্ন পৰিকল্পনা কৰিছিল, চেষ্টাও কৰিছিল- কিন্তু সকলো প্ৰচেষ্টা ব্যৰ্থ হ’ল৷