ବଙ୍ଗୋପସାଗର ଉପକୂଳରେ ଅବସ୍ଥିତ ମହାବଳିପୂରମ୍ରେ, ମତ୍ସ୍ୟଜୀବୀମାନେ ଗୋଟିଏ ଶନିବାରରେ ଅପରାହ୍ନ ପ୍ରାୟ ୪ ଟା ବେଳେ କିଛି ସମୟ ପାଇଁ ସମୂଦ୍ର କଥା ଭୁଲିଯାଇ ତାସ୍ଖେଳ ଖେଳୁଛନ୍ତି । ସୂର୍ଯ୍ୟ ଉଦୟ ହେବା ପୂର୍ବରୁ ସେମାନଙ୍କ ଦିନ ଅତି ଶୀଘ୍ର ଆରମ୍ଭ ହୋଇଥାଏ, ଯେତେବେଳେ ସେମାନେ ସମୁଦ୍ର ଭିତରକୁ ଯିବା ପାଇଁ ବାହାରନ୍ତି । ସେମାନେ କିଛି ଘଣ୍ଟା ପର୍ଯ୍ୟନ୍ତ ମାଛ ଧରନ୍ତି ( ଯାହା ଋତୁ ଉପରେ ନିର୍ଭର କରିଥାଏ), ଓ ସାଧାରଣତଃ ରାତି ନ ପାହୁଣୁ ସେମାନେ ପୁଣି କୂଳକୁ ଫେରି ଯାଆନ୍ତି, ଯେଉଁଠାରେ ବ୍ୟାପାରୀମାନଙ୍କ ଦ୍ୱାରା ସେମାନେ ଧରିଥିବା ମାଛ ନିଲାମ ହୋଇଥାଏ । ତାପରେ ମତ୍ସ୍ୟଜୀବୀମାନେ ଘରକୁ ଫେରନ୍ତି, ଭୋଜନ କରନ୍ତି ଓ କ୍ଳାନ୍ତି ଯୋଗୁଁ ଶୋଇ ପଡନ୍ତି । ପରେ, ସେମାନେ ଜାଲର ଛିଣ୍ଡି ଯାଇଥିବା, କଟି ଯାଇଥିବା ବା ଅନ୍ୟ କ୍ଷୟକ୍ଷତି ହୋଇଥିବା ସ୍ଥାନଗୁଡିକ ମରାମତି କରିବା ପାଇଁ ପୁଣିଥରେ କୂଳକୁ ଫେରନ୍ତି । ସେହି ଦିନର କାମସବୁ ସରିଗଲା ପରେ ସେମାନେ ତାସ୍ଖେଳ ଖେଳି ଆରାମ କରନ୍ତି ।


ଅନୁବାଦ: ଓଡ଼ିଶାଲାଇଭ୍

ଏହି ଅନୁବାଦ ଓଡ଼ିଶାଲାଇଭର ତତ୍ତ୍ୱାବଧାନରେ କରାଯାଇଛି। ଓଡ଼ିଶାଲାଇଭ୍ ହେଉଛି ଭୁବନେଶ୍ୱରସ୍ଥିତ ଏକ ପ୍ରଗତିଶୀଳ ଡିଜିଟାଲ୍ ପ୍ଲାଟ୍ଫର୍ମ ଏବଂ ସୃଜନଶୀଳ ଗଣମାଧ୍ୟମ ଓ ଯୋଗାଯୋଗ ଏଜେନ୍ସି। ଏଠାରେ ଲୋକାଲାଇଜେସନ, କଣ୍ଟେଣ୍ଟ ପ୍ରସ୍ତୁତି, ଭିଡ଼ିଓ ପ୍ରଡକ୍ସନ ଏବଂ ୱେବ୍ ଓ ସୋସିଆଲ୍ ମିଡ଼ିଆ ପରି ବିଭିନ୍ନ କ୍ଷେତ୍ରରେ ଅଡ଼ିଓ ଭିଜୁଆଲ୍ ବିଷୟବସ୍ତୁ, ନ୍ୟୁଜ୍ ଇତ୍ୟାଦି ସେବା ପ୍ରଦାନ କରୁଛୁ।

Rahul M.

ରାହୁଲ ଏମ, ଆନ୍ଧ୍ର ପ୍ରଦେଶ ଅନନ୍ତପୁରର ଜଣେ ନିରପେକ୍ଷ ସାମ୍ବାଦିକ ଏବଂ ଜଣେ ୨୦୧୭ ପରୀ ଫେଲୋ ।

Other stories by Rahul M.