କୋଶୀ ନେପାଳଠାରୁ ବିହାରକୁ ପ୍ରବାହିତ ହେଉଛି । ଏହା ଏକ ଅଶାନ୍ତ ନଦୀ, ଯାହା ନିରନ୍ତର ନିଜ ଗତିପଥ ବଦଳାଇଥାଏ । କିଛି ବର୍ଷ ଧରି ଏହାକୁ ବଳପୂର୍ବକ ଦୁଇ ପାର୍ଶ୍ୱର ବନ୍ଧ ମଧ୍ୟରେ ପ୍ରବାହିତ କରାଯାଉଛି । ଯଦିଓ କୌଣସି ନଦୀକୁ ଚାରିକାନ୍ଥ ମଧ୍ୟରେ ଆବଦ୍ଧ କରି ରଖିବା ସମ୍ଭବ ନୁହେଁ, ତଥାପି ରାଜ୍ୟ ସରକାର କିଲୋମିଟର କିଲୋମିଟର ବ୍ୟାପୀ କାଦୁଅ କାନ୍ଥ ନିର୍ମାଣ କରିବା ଉପରେ ଜୋର୍‌ ଦେଉଛନ୍ତି । ଯେତେବେଳେ ନଦୀର ଜଳପତ୍ତନ ବୃଦ୍ଧି ପାଏ, ସେତେବେଳେ ବନ୍ୟା ଜଳ ବାହାର ଆଡକୁ ବୁହାଇବା ପାଇଁ  ଲୋକମାନେ ବିଭିନ୍ନ ସ୍ଥାନରେ ଏହି ବନ୍ଧଗୁଡିକ ଭାଙ୍ଗି ଦିଅନ୍ତି, ନଚେତ୍‌ ସେମାନେ ଏଥିରେ ବୁଡିଯିବା ସମ୍ଭାବନା ରହିଛି । ପ୍ରତିବର୍ଷ ସରକାର ଏହି ବନ୍ଧଗୁଡିକର ପୁନଃନିର୍ମାଣ କରନ୍ତି । ଏହି କାରଣରୁ ଅବିରତ ସଂଘର୍ଷର ସୂତ୍ରପାତ ହୋଇଛି ।

ଲୋକମାନଙ୍କ ସୁରକ୍ଷା ପାଇଁ ନଦୀ ପାର୍ଶ୍ୱରେ ନିର୍ମାଣ କରାଯାଇଥିବା ବନ୍ଧରେ ବାରମ୍ବାର ଫାଟ ସୃଷ୍ଟି ହେଉଛି । ୧୯୮୪ ରେ କୋଶିରେ ସୃଷ୍ଟି ହୋଇଥିବା ଫାଟ ଯୋଗୁଁ ଭୟଙ୍କର ପରିସ୍ଥିତ ଉପୁଜିଥିଲା, ଏଥିରେ ଅନେକ ଗ୍ରାମ ଧୋଇ ହୋଇଯାଇଥିଲା, ବହୁ ଲୋକ ବୁଡି ଯାଇଥିଲେ ଓ ଲକ୍ଷ ଲକ୍ଷ ବାସହୀନ ହୋଇ ଯାଇଥିଲେ । ୧୯୮୭ ରେ କୋଶିରେ ଆସିଥିବା ବନ୍ୟା ଯୋଗୁଁ ବନ୍ଧରେ ଏକାଧିକ ଫାଟ ସୃଷ୍ଟି ହୋଇଥିଲା ।

ଏଠାର ଲୋକମାନେ ସବୁ ସମୟରେ ବନ୍ୟା ବିଷୟରେ ଆଲୋଚନା କରନ୍ତି – ଯାହା ପୁରୁଣା ଓ ନବନିର୍ମିତ ବନ୍ଧ ମଧ୍ୟରେ, ଆହୁରି ଅଧିକ ପ୍ରଳୟଙ୍କାରୀ ହୋଇଯାଇଛି ।

ଏଠାରେ ପ୍ରଦର୍ଶିତ ହୋଇଥିବା ଫିଲ୍ମର ସୁଟିଂ ଅଗଷ୍ଟ ୨୦୧୫ରେ କରାଯାଇଥିଲା । ଏହା ସୟାନ୍ତୋନି ପାଳଚୌଧୁରୀଙ୍କ ୨୦୧୫ ପରୀ ଫୋଲୋସିପ୍‌ର ଏକ ଅଂଶ ଭାବେ ପ୍ରସ୍ତୁତି କରାଯାଇଥିଲା ।

କ୍ୟାମେରା ଓ ସମ୍ପାଦନା କାର୍ଯ୍ୟ କରିଛନ୍ତି ସମ୍ବିତ୍‌ ଦତ୍ତଚୌଧୁରୀ, ଜଣେ ସିନେମାଟୋଗ୍ରାଫର୍‌ ଓ ଏଡିଟର୍‌ । ଗତ ଦୁଇ ବର୍ଷରୁ ଅଧିକ ସମୟ ହେବ ସେ କୃଷି, ଜନ ସ୍ୱାସ୍ଥ୍ୟ ଓ ଶିକ୍ଷା ଭିତ୍ତିକ କାହାଣୀ ଉପରେ କାମ କରୁଛନ୍ତି ତଥା ସହଯୋଗ କରୁଛ୍ତି ।

ଅନୁବାଦ: ଓଡ଼ିଶାଲାଇଭ୍‍

ଏହି ଅନୁବାଦ ଓଡ଼ିଶାଲାଇଭର ତତ୍ତ୍ୱାବଧାନରେ କରାଯାଇଛି। ଓଡ଼ିଶାଲାଇଭ୍ ହେଉଛି ଭୁବନେଶ୍ୱରସ୍ଥିତ ଏକ ପ୍ରଗତିଶୀଳ ଡିଜିଟାଲ୍ ପ୍ଲାଟ୍ଫର୍ମ ଏବଂ ସୃଜନଶୀଳ ଗଣମାଧ୍ୟମ ଓ ଯୋଗାଯୋଗ ଏଜେନ୍ସି। ଏଠାରେ ଲୋକାଲାଇଜେସନ, କଣ୍ଟେଣ୍ଟ ପ୍ରସ୍ତୁତି, ଭିଡ଼ିଓ ପ୍ରଡକ୍ସନ ଏବଂ ୱେବ୍ ଓ ସୋସିଆଲ୍ ମିଡ଼ିଆ ପରି ବିଭିନ୍ନ କ୍ଷେତ୍ରରେ ଅଡ଼ିଓ ଭିଜୁଆଲ୍ବିଷୟବସ୍ତୁ, ନ୍ୟୁଜ୍ ଇତ୍ୟାଦି ସେବା ପ୍ରଦାନ କରୁଛୁ।

Sayantoni Palchoudhuri

ସାୟାନ୍ତନି ପାଲଚୌଧୁରୀ ଜଣେ ସ୍ୱାଧୀନ ଫଟୋଗ୍ରାଫର ଏବଂ ୨୦୧୫ ପରି ଫେଲୋ। ତାଙ୍କର କାର୍ଯ୍ୟ ସାରା ଭାରତରେ ବିକାଶ, ସ୍ୱାସ୍ଥ୍ୟ ଏବଂ ପରିବେଶ ପ୍ରସଙ୍ଗର ଏକ ବୃହତଶୃଙ୍ଖଳର ଦସ୍ତାବିଜକରଣ ଉପରେ କେନ୍ଦ୍ରିତ।

Other stories by Sayantoni Palchoudhuri