ଉପକୂଳରେ ପରିଚାଳିତ ହେଉଥିବା ଲିଫ୍ଟ ଜାଲଗୁଡିକ, ଯାହା ଲୋକମାନଙ୍କ ମଧ୍ୟରେ ଚାଇନିଜ୍‌ ମାଛ ଧରା ଜାଲ ଭାବେ ପରିଚିତ, ଦୀର୍ଘ ସମୟ ଧରି କେରଳର କୋଚିରେ ରହୁଥିବା ଅନେକ ମତ୍ସ୍ୟଜୀବୀଙ୍କ ପାଇଁ ଜୀବିକା ନିର୍ବାହର ସ୍ରୋତ ହୋଇ ରହିଥିଲା ।

କିନ୍ତୁ ବିଭିନ୍ନ ପ୍ରକାରର ପରିବର୍ତ୍ତନ ଯୋଗୁଁ ବର୍ତ୍ତମାନ ଏହି ଶିଳ୍ପରେ ଅବନତି ହେଉଥିବା ଦେଖାଯାଉଛି, ଉଭୟ ପରିବେଶ ଜନିତ ଓ ଅର୍ଥନୈତିକ। ଟ୍ରଲର୍‌ ସାହାଯ୍ୟରେ ଅତ୍ୟଧିକ ପରିମାଣର ମାଛ ଧରାଯିବା ଓ ଶିଳ୍ପ ଦ୍ୱାରା ପ୍ରଦୂଷଣ ବୃଦ୍ଧି ହେବା ଯୋଗୁଁ କୋଚି ଦୁର୍ଗର ଚାରିପାଖରେ ମାଛ ସଂଖ୍ୟା ହ୍ରାସ ପାଇବାରେ ଲାଗିଛି । ଯେତିକି ମାଛ ଧରାଯାଏ, ସେଥିରୁ ମିଳୁଥିବା ଲାଭ ମଧ୍ୟସ୍ଥିମାନେ ବେନିୟମ ଭାବେ ନିଜ ପାଖରେ ରଖିଦିଅନ୍ତି ଓ ମତ୍ସ୍ୟଜୀବୀ ସମ୍ପ୍ରଦାୟକୁ ସେଥିରୁ ମାତ୍ର କିଛି ଅଂଶ ମିଳିଥାଏ । 

ତ୍ରୁଟି-ପୂର୍ଣ୍ଣ ସରକାରୀ ଯୋଜନାଗୁଡିକ, ସେମାନଙ୍କ ନିର୍ଦ୍ଦିଷ୍ଟ ଆବଶ୍ୟକତାକୁ ଦୃଷ୍ଟିରେ ନରଖି ପ୍ରସ୍ତୁତ କରାଯାଇଥିବାରୁ ମତ୍ସ୍ୟଜୀବୀମାନଙ୍କ ସମସ୍ୟା ଦ୍ୱିଗୁଣିତ ହୋଇଯାଇଛି । ଏହାସହିତ, ଜାଲଗୁଡିକର ରକ୍ଷଣାବେକ୍ଷଣ ପାଇଁ ହେଉଥିବା ବ୍ୟୟ ପରିମାଣ ଦିନକୁ ଦିନ ବୃଦ୍ଧି ପାଉଥିବାରୁ ଏହା ମାଲିକମାନଙ୍କ ପାଇଁ ଅର୍ଥନୈତିକ ଦୃଷ୍ଟିରୁ ଅଫଳପ୍ରଦ ହୋଇଛି ।

ଯୁବକମାନେ ଏହି ବୃତ୍ତିରେ ଆଉ ରହିବାକୁ ଚାହୁଁନାହାନ୍ତି ଓ ଚାଇନିଜ୍‌ ମାଛଧରା ଜାଲଗୁଡିକ କ୍ରମଶଃ କୋଚି ଉପକୂଳ ରେଖାରୁ ଅନ୍ତର୍ଦ୍ଧାନ ହୋଇଯିବ ।

PHOTO • V. Sasikumar
PHOTO • V. Sasikumar

ଅନୁବାଦ: ଓଡ଼ିଶାଲାଇଭ୍‍

ଏହି ଅନୁବାଦ ଓଡ଼ିଶାଲାଇଭର ତତ୍ତ୍ୱାବଧାନରେ କରାଯାଇଛି। ଓଡ଼ିଶାଲାଇଭ୍ ହେଉଛି ଭୁବନେଶ୍ୱରସ୍ଥିତ ଏକ ପ୍ରଗତିଶୀଳ ଡିଜିଟାଲ୍ ପ୍ଲାଟ୍ଫର୍ମ ଏବଂ ସୃଜନଶୀଳ ଗଣମାଧ୍ୟମ ଓ ଯୋଗାଯୋଗ ଏଜେନ୍ସି। ଏଠାରେ ଲୋକାଲାଇଜେସନ, କଣ୍ଟେଣ୍ଟ ପ୍ରସ୍ତୁତି, ଭିଡ଼ିଓ ପ୍ରଡକ୍ସନ ଏବଂ ୱେବ୍ ଓ ସୋସିଆଲ୍ ମିଡ଼ିଆ ପରି ବିଭିନ୍ନ କ୍ଷେତ୍ରରେ ଅଡ଼ିଓ ଭିଜୁଆଲ୍ ବିଷୟବସ୍ତୁ, ନ୍ୟୁଜ୍ ଇତ୍ୟାଦି ସେବା ପ୍ରଦାନ କରୁଛୁ।

V. Sasikumar

ଭି.ଶଶିକୁମାର ହେଉଛନ୍ତି ଜଣେ ୨୦୧୫ ପରୀ ଫେଲୋ ଓ ଥିରୁବନନ୍ତପୂରମ୍‌ରର ଜଣେ ଚଳଚିତ୍ର ନିର୍ମାତା ଯିଏ ଗ୍ରାମାଞ୍ଚଳ, ସାମାଜିକ ଓ ସାଂସ୍କୃତିକ ସମସ୍ୟା ଉପରେ ଧ୍ୟାନ କେନ୍ଦ୍ରୀତ କରିଥାନ୍ତି ।

Other stories by V. Sasikumar