ଆଧାର: ବ୍ୟବସ୍ଥାର ବିଜୟ, ଲୋକଙ୍କ ପରାଜୟ

କୁଷ୍ଠରେ ପାର୍ବତୀ ଦେବୀଙ୍କ ଆଙ୍ଗୁଠି ସବୁ ନଷ୍ଟ ହୋଇଯାଇଥିଲା। ତାଙ୍କ ଭଳି ଅକର୍ମଣ୍ୟ ହୋଇ ଯାଇଥିବା ଜହାର ସଂଖ୍ୟାର ଲୋକ ଲକ୍ଷ୍ନୌରେ ଅଛନ୍ତି। ଏମାନେ ଆଧାର କାର୍ଡ ପାଇପାରି ନାହାନ୍ତି। ଫଳରେ ଭିନ୍ନକ୍ଷମ ଭତ୍ତା ଏବଂ ରାସନ କାର୍ଡରୁ ଏମାନେ ବଞ୍ଚିତ।

ମିଶୁନଥିବା ସଂଖ୍ୟା, ଭୁଲ ଫଟୋ, ଲିଭିଯାଉଥିବା ନାଁ, ଟିପଚିହ୍ନରେ ଭୁଲ-ଆନ୍ଧ୍ର ପ୍ରଦେଶର ଅନନ୍ତପୁର ଜିଲ୍ଳାରେ ଆଧାରରେ ଏହା ସବୁ ଦେଖିବାକୁ ମିଳୁଛି। ଏହା ଯୋଗୁ ବିପିଏଲ କାର୍ଡଧାରୀମାନଙ୍କୁ ମାସ ମାସ ଧରି ରାସନ୍ ମିଳୁନାହିଁ।

ନିଜ କଷ୍ଟ ଅର୍ଜିତ ମଜୁରି ହାତକୁ ନଆସିବା ଯୋଗୁଁ ଅନ୍ଧ୍ରପ୍ରଦେଶର ବିଶାଖାପଟ୍ଟନମ୍ ଜିଲ୍ଲାର ମନରେଗା ଶ୍ରମିକମାନେ ବୁଝିଗଲେଣି କେବଳ ଧନର ଦେବୀ ଲକ୍ଷ୍ମୀଙ୍କ ନାମ ଥିଲେ ଜଣେ ଆଧାର ଜନିତ ସମସ୍ୟାରୁ ମୁକ୍ତି ପାଇ ପାରିବନି ।

ଉତ୍ତରାଖଣ୍ଡର ପାହାଡିଆ ଅଞ୍ଚଳରେ ଆଧାର କେନ୍ଦ୍ରକୁ ଯିବା ପାଇଁ ବହୁ ଖର୍ଚ୍ଚାନ୍ତ ହେବା, ନା ଭୁଲ ଥିବା ଏବଂ ଅନ୍ୟାନ୍ୟ କାରଣ ଫଳରେ ଚମ୍ପାୱତ ଜିଲ୍ଲାର ବହୁ ବିଧବା, ଭିନ୍ନକ୍ଷମ ଏବଂ ବୟସ୍କମାନେ ମାସ ମାସ ଧରି ସେମାନଙ୍କର ପେନସନ ପାଇନାହାନ୍ତି।

ବୟସ୍କ , ଦିନ ମଜୁରିଆ , ପରଦେଶୀ ଏପରିକି ବେଙ୍ଗାଲୁରୁ ବସ୍ତିଗୁଡିକରେ ଥିବା ଛୋଟ ପିଲାମାନେ ମଧ୍ୟ ଫିଙ୍ଗରପ୍ରିଣ୍ଟ ମେଳକ ନହେବା କାରଣରୁ ସେମାନଙ୍କ ମାସିକ ରାସନରୁ ବଞ୍ଚିତ ହେଉଛନ୍ତି। ଆଧାର ସହ ସେମାନଙ୍କ ଯୁଦ୍ଧରେ ଅଧାର ସବୁବେଳେ ଜିତୁଛି।

ଆନ୍ଧ୍ରପ୍ରଦେଶ ଅନନ୍ତପୁରରେ କେମିତି ଆଧାରରେ ଭୁଲ ଯୋଗୁଁ ଅନେକ ଯୁବ ଦଳିତ ଏବଂ ମୁସଲମାନ ସ୍କୁଲ ପିଲାଙ୍କ ଜୀବନ ପ୍ରଭାବିତ ହୋଇଛି, ଏହା ଉପରେ ଆଧାରିତ ପରୀର କାହାଣୀ ଗୁଡିକୁ ପ୍ରାରମ୍ଭିକ ଭାବେ ସ୍ୱାଗତ କରାଯାଇଥିଲା।