जउन बखत बाकि देस ह 15 अगस्त 1947 मं भारत के अजादी के जसन मनावत रहय, तउन बखत तेलंगाना मं मल्लू स्वराज्यम अऊ ओकर क्रांतिकारी संगी मन अभू घलो हैदराबाद के निजाम के हथियारबंद लड़ाका अऊ पुलिस ले लड़त रहिन. ये वीडियो ह हमन ला ये निडर लड़ाका के एक झलक देखाथे, साल 1946 मं, 16 बछर के उमर मं जेकर मुड़ ऊपर 10,000 के ईनाम रखे गे रहिस. वो जमाना मं ये रकम ले 83,000 किलो चऊर बिसोय जाय सकत रहिस.
ये वीडियो हमन ला 84 बछर के उमर मं अऊ ओकर बाद 92 बछर के उमर मं ले जाथे. हमन ये ला आज, 15 अगस्त 2022 मं ये महान स्वतंत्रता सेनानी ला सम्मान करे सेती लावत हवन, जेन ह ये बछर 19 मार्च के दिन गुजर गे. तुमन पारी के संस्थापक-संपादक पी. साईनाथ के अवेइय्या किताब, द लास्ट हीरोज: फुटसोल्जर्स ऑफ इंडियन फ्रीडम मं मल्लू स्वराज्यम के सरा कहिनी पढ़ सकत हव, जेन ला नवंबर मं पेंगुइन इंडिया डहर ले परकासित करे जाही.