‘கோபத்தால்தான் இங்கு வந்திருக்கிறோம்’

”முகமூடிகளுக்கு பின் முகங்களை நாங்கள் மறைத்திருப்பதற்கு காரணம் என்னட் தெரியுமா? எங்களின் வலியை அவற்றின் பின்னால் மறைத்துக் கொள்கிறோம்,” என்கிறார் ஷியாமல் மன்னா, வடக்கு 24 பர்கானாஸிலுள்ள தத்தாபுகூருக்கு அருகே உள்ள கிராமத்திலிருந்து வந்திருக்கும் ஷியாமல் மன்னா. “கோபத்தால்தான் இங்கு நாங்கள் வந்திருக்கிறோம்.”

காக்ரோச் ஜனதா கட்சியின் அழைப்பில் ஒன்று கூடிய கூட்டம் நாடு முழுக்க வேகம் பெற்றிருக்கிறது. கொல்கத்தா போராட்டத்தில் வழக்கமான மீம்கள் மற்றும் போஸ்டர்களை தாண்டி பல இளைஞர்கள் ஐயன் மேன், சூப்பர் மேன் மற்றும் பல சினிமா சூப்பர்ஹீரோக்களின் முகமூடிகளை அணிந்து வந்திருந்தார்கள்.

ஜூலை 24 அன்று பிற்பகல் 2.45 மணிக்கு கொல்கத்தா பேரணி சீல்தா ரயில் நிலையத்தில் தொடங்கி எஸ்பலனேடை நோக்கி சென்றது. லட்சக்கணக்கானோர் திரண்டதாக உள்ளூர் செய்தித்தாள்கள் குறிப்பிட்டன. மாலை 6 மணிக்கு, போராட்டக்காரர்களுக்கும் கொல்கத்தா காவல்துறைக்கும் சிறு மோதல் ஏற்பட்டு நீர் பீய்ச்சி அடிக்கப்பட்டது.

சபினா காதுன், கொல்கத்தா போராட்டத்தில் பங்குபெற்ற பெண்களில் ஒருவர். ஆதரவு தருவதற்காக 100 கிலோமீட்டர் தூரம் பயணித்து வந்திருக்கிறார். “என் அக்காவுக்காக வந்திருக்கிறேன். அவர்தான் எங்களின் முதல் நம்பிக்கை. நீட் தேர்வு ரத்து செய்யப்பட்டதும் அவர் பெரும் அதிர்ச்சியடைந்தார்,” என்கிறார் 24 வயதாகும் அவர்.

“மீண்டும் தேர்வு அவர் எழுதியபோதும் போதுமான மதிப்பெண் கிடைக்கவில்லை. அடுத்து என்ன செய்வதென எங்களுக்கு தெரியவில்லை,” என்கிறார் மேற்கு வங்கத்தின் பங்காவோன் டவுனை சேர்ந்த இந்த இளம்பெண். “அவருக்கு உடல்நிலை சரியில்லாததால் அவரின் சார்பாக இங்கு நான் கலந்து கொண்டாலும் என்னுடைய எதிர்காலமும் இதில் இருக்கிறது.”

கிராமப்புற பகுதிகளிலிருந்து வந்திருந்த பல இளைஞர்களுடன் பேசினோம். செளரவ் தாஸ், பியாலி என்கிற கிராமத்தில் வாழ்கிறார். அவரும் அவரின் நண்பர்களும் போஸ்டர்களுடன் பல மீம்களையும் பிடித்து காட்டுகின்றனர். “எங்களின் (கிராமப்) பகுதியில் மீம்கள் மிகவும் பிரபலம். கோபத்தையும் அன்பையும் காட்ட இது எளிய வழி. எனவே நிறைய கொண்டு வந்திருக்கிறோம்.”

10 வயது ருகி பேசுகிறார்: “டெல்லி காவல்துறை மாணவர்களை நடத்திய விதம் மோசமானது. மருத்துவராவேனா எனத் தெரியாது. ஆனால் மாணவர்களுக்கு ஆதரவாக இருப்பேன். எனவே நான் நண்பர்களுடன் வந்திருக்கிறேன்.”

ரிஷப் போமிக்குக்கு 21 வயது. வினாத்தாள் கசிவால் நீட் எழுதும் வாய்ப்பு தவறிப் போனது. மீண்டும் எழுத அவர் அடுத்த வருடம் வரை காத்திருக்க வேண்டும். “முந்தைய அரசு செய்த ஊழலால் என்னுடைய அண்ணனின் ஆரம்பப் பள்ளி ஆசிரியர் வேலை பறிபோனது. இப்போது என் வாய்ப்பும் பறிபோய்விட்டது. மீண்டும் அடுத்த வருடம்தான் நான் தேர்வு எழுத முடியும்.”

நண்பர்களுடன் நடந்தபடி அவர் சொல்கிறார்: “என் குடும்பத்தின் கனவை மாநில, ஒன்றிய அரசுகள் உடைத்து விட்டன.”