वायनाड के धान के देसी बीजहा के रखवार

वायनाडके उतरोल मं, जिहां हरियरघाटी मन मं कोहरा/ धुंध छाये रहिथे अऊलेटराइट डोंगरी मन ले नदियामन बोहाथें, माटी के एकठन घर बखत केखिलाफ मजबूती ले ठाढ़े हवय. येकर माटी के भिथिमन घाम मं सीतलहवा देथें, येकर बांस केबल्ली हवा मं धीरे-धीरे चरमरावत हवयअऊ शीशम के खंभा 150 बरसात के भार लासह लेथे. भूंइय्या लाल माटी लेलीपे गे हवय, जेनला हरेक हफ्ता गायके गोबर ले लीपेजाथे.

केरलके मानंदवाडी शहर के तीरकम्मना गांव मं येघर वो जगा आयजिहां धान के बीजहाअपन कतको कहिनी सुनाथे.

येकरजतन करेइय्या रखवार चेरुवायल रामन ह कुरच्यासमाज (राज मं अनुसूचितजनजाति के रूप मंराखे गे) के आंय. ओकर समाज के नांवकभू धान के खेतीमं अपन हुनर सेतीमालाबार मं रहिस.73 बछरके ये सियान हकतको बछर के तंगी, बिगड़त सेहत अऊ सरकारअऊ दीगर संगठन मनके अनदेखी के बाद घलोदेसी बीजहा मन ला जतनले संभाले राखे हवय.

रामन, जउन ला मया अऊमान धरके रामेत्तन कहेजाथे, कहिथे, “ वो मन [बीजहा] जिंदा पुरखा आंय.” वो मन लाकेरल के खेती केपरान के रखवार केरूप मं माने जाथे - एकअइसने जगा जिहां कभूककरो घर के धनदौलत ला ओकर कोठीमं रखाय आनी-बानीके धान ले नापेजावत रहिस.

रामनह अपन पुरखा केखेत मन ला आनी-बानी के लोगनमन के जींयत-जागतम्यूज़ियम मं बदल देहवय. ओकर कोठी मंवायनाड के 50 ठन देसी किसमअऊ केरल के दीगरइलाका मन ले संकेले 14 ठन किसम हवंय. वोह हरेक सीजन मंवोला लगाथें, बीजहा राखथें, अऊ पारंपरिक (देसी) खेती करेइय्या कोनो घलो मइनखे- आदिवासी किसान, अकेल्ला लगेइय्या, शोध करेइय्या अऊसंस्था मन ला बगेररोक–टोक के बताथें. वो ह कहिथें, ”धानके हरेक दाना मंपरान होथे. येह माटी, बरसा, पुरखा के परस लासुरता राखथे. गर ये हनंदा गे, त हमनअपन इतिहास गंवा देबो.”

ओकरआगू के खोली मंढिबरी उजियार मं, धान केदुब्भर किसम, जूट के बोरीएक के उपर एकरखाय हवंय- इतिहास के पहरेदार. हरेकबोरी मं मलयालम मंअइसने नांव लिखाय हवंयजेन ह गीत जइसनेलागथे: चेनेलु, ठोंडी, चेम्बकम, वेलियान, गंधकशाला, कायमा.

रामनह पारी ला बताइसके कइसने गंधकशाला गमक ह हवामं चमेली अऊ चंदन केमहक ले भर देथे. कायमा, जेन ला जीराकशाला घलोकहिथें, हवा मं लेवनाजइसने महक बगर जाथेजेन ह मालाबार केबिरयानी परंपरा ला बताथे, अऊचेम्बकम के सुवाद गुरतुरअऊ हल्का होथे, जेन ह नरियरके दूध मं मिलके पायसम, एक ठन मीठ मिठाईबन जाथें.

बीतेतीस बछर मं केरलके 70 फीसदी ले जियादा धानके खेत लोप होगेहवंय, जेन ला नकदीफसल, घर अऊ खदानमन लील ले हवंय.

वायनाडजिला अधिकतर खेती वाले इलाकाआय, जेन ह केरलके उत्तर-पूर्वी दिग मं हवय. बरसाती पानी सेती, कभूयेकर घाटी मन मं 30,000 हेक्टेयर ले जियादा इलाकामं धान के खेतीहोवत रहिस, जेन ह जंगलवाले कतको डोंगरी लेघिरे रहिस. अकेल्ला ये इलाका मंकभू धान के आठकोरी (160 ठन) देसी किसमलगाय जावत रहिस; अबकुछेक बांचे हवंय.

चेरुवायलरामन येला खतम होवतदेख, कलेचुप फेर मजबूत ढंगले विरोध करथें.

अप्पुकुट्टनकहिथें, “वो ह अड़हाआय. हमन कभू-कभूवोला हंसथन, फेर हमन ओकरइज्जत घलो करथन. ओकरबगेर, हमन ला येनांव सुरता घलो नइ रहय.” 70 बछर के सियान अप्पुकुट्टनह अपन धान केखेत ला बेच दीसअऊ ओकर जगा सुपारीबगीचा लगाइस.

दीगरलोगन मन घलो सब्बोबेच दे हवंय, अऊआज वायनाड मं मुस्किल ले 20,000 हेक्टेयर धान के खेतहवय, जेन ह अधिकतरबगरे हवय. ओकर बादघलो, केरल मं कोनोआने जगा के बनिस्बतये इलाका मं अभू घलोदेसी धान जियादा लगायजाथे. एम.एस. स्वामीनाथनरिसर्च फाउंडेशन के कलपेट्टा मंकम्युनिटी एग्रोबायोडायवर्सिटी सेंटर, केरल एग्रीकल्चरल यूनिवर्सिटी, अऊ सीड केयर जइसनेकिसान मंडली ये देसी किसमके दस्तावेजीकरन करथें अऊ येला बचाथें. सब्बो मिलके, वो मन वायनाडके धान ला जींयत-जगत जेनेटिक खजानाबताथें - सूखासहे , कीरा के मारला झेले के गुनवाले ये धान जेनह किसान मन ला बदलतमऊसम के बिपत लेजूझे मं मदद करसकथे.

चेनेलु, कुरच्या अऊ पनिया किसानमन के बीट लालअनाज आय, जेन हआयरन से भरपूर ऊँचजमीन मं लगाय जाथे. ये मं ओद्दा माटीअऊ आयरन के महकहोथे, येकर अखरोट, मिनरलवाले सुवाद ह जीभ मंबनेच बखत तक लेरहिथे. ठोंडी, जेन ह हरूअऊ हल्का गुरतुर, चूरे के बादअतक कोंवर हो जाथे केये रोज के चोरू (भात) के संग मछरीझोर बर एकदम बढ़ियाआय. वेलियान भात के सुवादहरू, माटी जइसने होथेअऊ ये ह आसानीले पचे सेती पसंदकरे जाथे, अक्सर सियान अऊ दुब्बर लोगनमन बर येला तातेतात कांजी (दलिया) बनाय जाथे. न्जावारा, अपन अखरोट कसैला अऊ गाढ़ा सुवादके संग,केरल केअकेल्ला दवई गुन वालेचऊर आय, जेन लासिरिफ तीज-तिहारेच मंनइ, इलाज बर घलोलगाय जाथे. हरेक किसिम केअपन काम, अपन मतलबअऊ अपन कहिनी हवय.

ये कम खरचा वालेफसल आंय जेन हसूखा मं घलो बांचजाथें, कीरा के मारझेल लेथें, अऊ बगेर रसायनिकखातू धन दवई (कीटनाशक) के बढ़िया जामथें. जब ये बखतके हाइब्रिड फसल मन बेबखतके बरसा मं अइलाजाथें, त ये जुन्नाकिसम मन खेत मंठाढ़े रहिथें, ओरम जाथें फेरटूटय नइ.

चमकदारभूरुवा धान के एकमुट्ठी दाना अपन हथेलीमं राखत चेरुवायल रामनधीरे ले कहिथे: “येह बाढ़/ पुर लाघलो झेल सकत हे. ये ह सूक्खा लेजूझ सकथे. येला रांधे मंये ह जीरा कसमहकथे.”

73 बछरके ये सियान केबोली मं वैज्ञानिक केगरब अऊ दाई-ददाके दया-मया हवय. “बीजहा मोर लइका आंय. मंय वो मन लाअवेइय्या पीढ़ी बर बचाकेराखत हों.”

रामनके घर के आगू 40 एकड़ खेत हवंय, बिनबन-कांदी के चकोना, अऊहरेक खेत मं अलग-अलग हरियर रंगके चमकत हवंय. कुछेकके नर्रा/ नरवा लंबा अऊसोनहा हवंय, कुछेक छोटे अऊ बैंगनीरंग के हवंय, अऊकुछु मं दाना भरायहवय. फुर्फुन्दी धन बनिया, मेचकाअऊ चिरई-चिरगुन केगुनगुन हवा मं समायेहवय – अइसने जीव जउन मनवायनाड के अधिकतर खेतले लुका/ लोप होगे रहिन, जब 1970 के दसक मंखेती मं रसायन (सरकारीखातू) पहिली बेर खुसरगे रहिस.

रामनसुरता करथें, “ मंय साल 1978 मंसरकारी खातू (फर्टिलाइज़र) छिंचे बंद कर देंय. माटी मं रस नइरहिस. न मछरी, नगेंगरवा. फेर जब मंयनेचुरल (देसी) खेती करे लगेंय, माटी रसहा हो गीस. इही मोर सबले बड़ेसीख रहिस: खेती ले माटीला सही रस मिलेला चाही, वोला खतम नइकरे चाही.”

चालीसबछर ले जियादा बखतले, ओकर खेत ओकरप्रयोगशाला बने हवय. माड़ीतक पानी भरे एकखेत कोती दिखावत वोह कहिथे, “ इहाँ चेनेलु हवय, जेन ह 500 बछर ले घलोजियादा जुन्ना हवय.बगल मंजीराकासला हवय, अऊ उहाँकायम हवय, जेन हबगेर कोनो दवई छिंचेकीरा मन ला खतमकर देथे.” वो ह बताथेके हरेक धान अपनजमीन के हिसाब लेहवय: गंधकासला अऊ कायमा बाहराला पसंद करथें, जिहांसीत, सुन्ना रतिहा ओकर महक लाअऊ बढ़ा देथें. चेनेलुअऊ वेलियान अपन ताकत बरबरसा पानी वाले ढलानअऊ ऊँच भूंइय्या केजैविक माटी के रसहाके भरोसे रहिथें.”

ये अनाज मन डोंगरीतीर रहेइय्या लोगन मन केखान-पान के जगाला घलो उजागर करथे. आदिवासी घर मन मं, चेनेलु अऊ वेलियान खायके माई जिनिस आय, जेन ला माटी केहांड़ी मं धीरे-धीरेचुरोय जाथे अऊ जंगलीसाग, भुने गोस धनकटहर के संग खायजाथे. ऊंच घाटी अऊछोटे बजार वाले कस्बामन मं, गंधकशाला अऊकायमा तिहार के चऊर आंय, जेन ला बर-बिहावधन तीज तिहार मंरांधे जाथे. चेम्बकम कोनो ला खवायअऊ नेग बर होथे, फेर न्जावरा आयुर्वेद (दवई) अऊ मंदिरमन मं परसाद केरूप मं बिराजथे.

कुरच्यासमाज, जेन ह रमनके आय, ओकर नांवकुरी (चिन्हा) अऊ चियुका (पारे/ खिंचे) ले लेय गेहवय, जेन ह पजहस्सीराजा के जमाना मंखेत अऊ जंगल केरखवार तीर-धनुसधारी केरूप मं वो मनके चिन्हारी के सुरता कराथे. आज, तीर-धनुसधारी नंदागे हवंय, अऊ धान केअधिकतर खेत घलो.

रामनके परोसी 55 बछर के सियानकृष्णकुट्टी सवाल करत कहिथें, “अब धानेच मं कोन जियेसकथे? धानले मोर मुस्किल लेअपन घर के पेटभरत रहिस. मरीच अऊ काफीले तुरते नगदी मिल जाथे. सरकार धान के मददके कोनो दाम नइदेवय. ते पायके हमनयेला छोड़ देन.”

वायनाडमं, मरीच के बनिस्बतधान के खेती लेबनेच कम पइसा मिलथे. एक हेक्टेयर धान के करीबन 1.5 टन उपज होथे, जेकरएमएसपी (न्यूनतम समर्थन मूल्य) के तहत करीबन 23 रूपिया किलो अऊ थोकनसरकारी बोनस मिलथे, जेकरले किसान मन ला एकसीजन मं 50,000 रूपिया ले घलो कममिलथे. यह खेती मंहोय खरचा 75,000 ले एक लाखले घलो कम होथे.

दूसरकोती, मरीच, ओतकेच जगा के खेतीमं करीबन 1.5 ले 1.7 टन सूक्खा मरीचउपज सकथे, जेन ह येबखत करीबन 650 ले 700 रूपिया किलो मं बिकतहवय, जेकर बछर भरमं आमदनी 10 लाख रूपिया लेजियादा होथे, किसान के हाथ मंखरचा काटके 6 ले 7 लाख रूपियाआथे.

त जिहां धान खाद्य सुरच्छाअऊ पर्यावरन तंत्र के भार संभालके रखथे, उहिचे मरीच ह वायनाडके बड़े इलाका केकिसान मन के आर्थिकजीवन रेखा बने हवय, अऊ दुनिया के मसाला बजारअऊ बरसात के मिजाज संगयेकर किस्मत उपर-तरी होवतरहिथे.

राधामणिकहिथे, “ मंय नान कनखेत रखे ला चाहतरहेंय, फेर मोर लइकामन जोर दीन केहमन आदा अऊ मिर्चालगाबो. वो मन कहिनके धान के कोनोभविष्य नइ ये.” अब 62 बछर के सियान राधामणिला वो जमाना सुरताहवय जब ओकर घरके खेत गंधकशाला धानले चमकत रहेंय. वोह आगू कहिथे, “अबये ह सिरिफ रामनके खेतेच मं होथे.”

रामनके माटी के घरके भीतरी, बीजहा के बोरी सीतलअंधियार मं रखाय हवंय. कोनो पंखा नइ ये, गरमी ला काबू करेके कोनो बेवस्था नइये, बस माटी केभिथि मन ले हल्काहवा अऊ तेल केढिबरी के उजियार हवय. वो ह कहिथे, “हरेकबछर मंय ये बीजहामन ला जतन करकेराखे मं 70,000 रूपिया खरचा कर देथों. अवार्ड (सम्मान) मिलथे, फेर कोनो मोरबर जम्मो दिन बर कोनोसुविधा नइ देवय. सिरिफभासन देय ले कामनइ चलय, बीजहा कोनोभासन ला नइ अगोरय.”

ये कइसने अजीब बात आय. वो ह साल 20 23 मंपद्म श्री, साल 2016 मं जीनोम सेवियरअवॉर्ड अऊ साल 2012 मंकेरल के ग्रीन अवार्डजितिस. कतको यूनिवर्सिटी वोलाभासन देय बर बलाथें. केरल एग्रीकल्चरल यूनिवर्सिटी ह वोला प्रैक्टिसके प्रोफेसर बनाइस. राहुल गांधी ले लेके मुख्यमंत्रीपिनाराई विजयन तक, बड़े बड़ेनेता ओकर खेत मनला देख चुके हवंय.

ओकरबाद घलो रामन अपनपरिवार के पेट भरेबर अभू घलो सरकारीरासन दूकान ले मिलेइय्या चऊरके भरोसे हवय.

“हमनरासन के चऊर खाथन,” ओकर घरवाली गीता कहिथे, जबवो ह दुवार मंमिंजे के बाद लायधान ला सूखाय बरबगरावत रहिस. “हमर खेत प्रयोगकरे बर काम मंलाय जाथे. हमन अपन पेटला बिसोर देथन.”

रामनला चिंता हवय के ओकरगुजर जाय के बादकाय होही. कुरच्या लोगन मन मातृवंशीयविरासत ला मानथें. ओकरगुजर जाय के बाद, खेत ओकर लइका मनला नइ फेर दूरिहाके रिस्तेदार मन ला मिलही, जेन मन मं कतकोला खेती मं कोनोरूचि नइ ये. वोह कहिथे, तब सब्बो कुछुनंदा जाही.” वो ह सार्वजनिकबिजहा बैंक के सपनादेखत हवंय. “कांच के जारमं नइ, फेर माटीमं. बीजहा तभे बांचे रहिथेजब वोला लगाय जाथे. यूनिवर्सिटी, रिसर्च सेंटर, एनजीओ – कोनो घलो येलागहिर ले सोचके अपनाय सकथें. नइ त, 10 बछर मं येबोरी मन सिरिफ सुरताबनके रहि जाहीं.”

वो ह कहिथे, “मोलाहीरो झन कहो. बेवस्थाकरो के बीजहा बांचेरहेय. बस अतकेच भरपूरहवय.”

रामनला जेन मान –सम्मान, नेवता-बुलावा मिलथे, ओकर ले वोह अक्सर चिंता मं पर जाथे. वो ह कहिथे, “हरेकहफ्ता, वो मन मोलाकोनो न कोनो चीजके उद्घाटन करे बर बलाथें. वो मन मोर संगबड़े मइनखे जइसने बेवहार करथें. फेर बीजहा, मालाअऊ फोटो के सहारेबांचे नइ रहय, खेतमन मं मोर बखतखप जाथे.” बीमारी ह घलो ओलारोके नइ सके हवय. साल 2019 मं दुबई मं हार्टअटेक, ओकर बाद घेरी-बेरी दिलके बीमारीअऊ कोविड -19 के बाद ले, वो ह अपन आपला दुरबर मसूस करत बूताकरत रहिथें.

हरेकबिहनिया, जुच्छा गोड़, वो हचिखला मं जावत, नरइमन ला देखथे, अनाजला चखथे, पाना के सरसराहटला सुनथे.

जब बात नीति-नियमके आथे त ओकरगुस्सा बहिर निकर परथे. वो ह कहिथे, “किसानपर्यावरन के बैरी नोहें. सिरिफ किसान मन के संगहमन येला बचाय सकथन. सरकार ला अवार्ड देयबंद करके सही दामदेय सुरु करे चाही. किसान मन ला इज्जतचाही, खैरात नइ.”

इहाँके इतिहासकार ओ. के. जॉनीके मानना आय के रामन “वायनाड के आदिवासी मनके आखिरी पीढ़ी आय जेनह धान ला मुनाफाबर नइ, फेर लोगनमन बर बचाय हवय. वो ह सिरिफ किसानभर ले कहूँ जियादाबढ़के हवय – वो ह अइसनेरानीतिक हस्ती आय, जेन हपर्यावरन ला नुकसान पहुंचायके खिलाफ ठाढ़े हवय.” फेररामन अइसने सराहना कोती धियान नइदेवय.

गीताअऊ ओकर लइका मनअभू घलो नान-नानखेत मं हरेक किसमला उगाय मं ओकरहाथ बटाथें, कभू-कभू तहरेक बीजहा सेती कुछु डिसमिलके जगा होथे. कामभारी जतन के आय; कुछेक बीजा ला बोयबखत भारी देखरेख केजरूरत परथे, त कुछु लालुये बखत. गीता कहिथे, “हमर सियान मन के सेहतबढ़िया राहत रहिस काबरके वो मन येअनाज खावत रहिन. अब, अधिकतर कुरच्या लोगन मन कॉफ़ीधन मरीच कमाथें. सिरिफरामन ह धान कमाथे.”

जइसने- जइसने संझा ढरत जाथे, खेत मं उड़त फुर्फुन्दी/बनिया के पांख चमकउठथे. रंधनी मं चुरत चऊरके महक बगर जाथे, माटी जइसने अऊ महमहावत. माटीके घर भीतरी, कतकोबोरी कलेचुप अगोरत हवंय, सदियों ले मजबूती लाधरे, वो जमीन मंजेन ला कभू वायलनाडु कहे जावत रहिस, धान के खेत केभूंइय्या.

ये ह एक ठनजींयत-जागत म्यूजियम आय – एक ठन अइसने कोठीजिहां हरेक दाना केअपन नांव हवय, अपनकहिनी अऊ अपन गुनहवय.

अनुवाद: निर्मल कुमार साहू