गोहड़ी ले नंदागे रबारी मन के चिन्हारी ऊँट

जीपीएस (मोबाइल फोन के) सिग्नलरोड मं हबरे केपहिलीच चले जाथे.

नागपुर ले दक्खिन डहरगाड़ी मं घंटा भरके रद्दा मं बसे भंसोली (सावंगी) गाँव के बहिर, डामर के रोड धूर्राभरे रद्दा बन जाथे, जेनह कपसा अऊ राहेरके खेत मन केबीच ले होवत लकीरपारे जइसने जाथे.

किरसन जगमल रबारी एकठन फटफटी ला अगोरत हवय. 45 बछर के किरसन जोरदेवत कहिथे के हमन लाअपन चार चक्का केगाड़ी ला इहींचे राखेला परही. ओकर गोहड़ी जेनमं करीबन 2,500 मेढ़ा अऊ छेरीहवंय –सड़क के तरीमं बोहावत एक ठन छिछलीनदिया ला पार करचुके हवय, अऊ उहाँतक ले गाड़ी हनइ जाय सकय.

दूसर डहर, चारपरिवार – किरसन के सरलग चलत-फिरत डेरा – रंगतहवय. बरकस बइला मनले फंदाय लोहा के दूठन गाड़ी मं वोमन के आनि–बानि के जिनिसलदाय हवय- खटिया, स्टीलके बरतन, कपड़ा के गठरी, मटकी, रस्सी, जाल अऊ संदूक. अपन पहिरे के तीन हिस्सावाले करिया कपड़ा – चोली (ब्लाउज़), घाघरा (स्कर्ट) अऊ लुड़की (घूंघट)- पहिरे माईलोगन मन ये गाड़ीमन ला हांकत हवंय. मेढ़ा अऊ छेरी पिलामं मिमियावत हवंय, एक ठन पिलारस्सी ला तिरत हवय, जइसने वो ह गोहड़ीके मुखियागिरी करे के अभियासकरत होय, जेन हएक दिन वोला मिलही.

गोहड़ी निकर परे हवय.

जब वो मनअपन तय जगा मंहबरथें, त उहाँ तीन-चार दिन डेराडारे ला होथे, तमरद अऊ माइलोगन मनअपन समान उतार देथें: बइला मन ला ढीलदे जाथे; गाड़ी ह तंबूबन जाथे; अऊ माइलोगन मनखेत मं बने चुंवाले पानी भरे चलेजाथे.

फेर कुछु तकमी हवय. ये गोहड़ीमं जिनिस-पतर ढोवेइय्या ऊँटनइ ये जेन हचरवाहा समाज के एकठन चिन्हारी आय. ओकर कमीसाफ झलकथे, अऊ किरसन हमनचेहरा देख के हमरमन के बात केगम कर लेथे.

“मंयवो मन ला बीतेबछर बेच दे रहेंय,” वो ह मुचमुचावत कहिथे, ओतकेच बखत ओकर ककाजयमल रबारी ओकर बगल मंआके बइठ जाथे अऊअपन मुड़ी हलाथे. “अबले हमन सिरिफ बइलागाड़ीबऊरबो. इहाँ कोनो घलोऊँट नइ राखही.”

सदियों ले, रबारी –जेनमन मूल रूप लेगुजरात के कच्छ-भुजइलाका चरवाहा आंय – ऊँट मन केसंग विदर्भ के बदलत खेतीके नजारा संग घूमत हवंय. रबारी (जेन मन लारेबारी घलो कहे जाथे) बछर भर मं एकधन दू बेर इहाँके बेपारी मन ला भरोबोकरा अऊ मेढ़ा बचकेकमई करथें. जइसने के किरसन, कच्छीमिंझरे हिंदी मं हँसी ठिठोलीकस कहिथे, “ये बकरियाँ हीहमारी चलती-फिरती संपत्तिहैं, भाई (ये छेरीचमन हमर चलत फिरतसंपत्ति आंय, भाई.”

एक जमाना रहिस, जब ये ऊँट मनन सिरिफ बरतन भाड़ा अऊखटिया सुपेती ढोवत रही , फेरवो नान लइका मनघलो ओकर उपर सवाररहेंय जेन मन लंबादूरिहा रेंगे के लइक नइरहंय. ऊंच होय सेतीवो मन कतको कोसदूरिहा ले नजर आवतरहिन; अऊ ओकर घंटीके अवाज कोनो नबाबस्ती मं हबरे केआरो देवत रहय. सिरतोन, बात तो ये रहिसके वो मन चलत-फिरत, जावत, संगे संग चिन्हारीघलो रहिन.

ऊँट ये समाजबर भारी जरूरी कमेइय्यामवेसी आय – न सिरिफसमान ढोये, फेर चरवाहा मनके सीजन बखत आयजाय भर एक ठनबड़े साधन के रूपमन घलो. महाराष्ट्र मं, रबारी चरवाहा अपन सलाना जायके बखत, रतिहा मंडेरा डारे के घरके जिनिस पत्तर दोहारे बर एंर्रा ऊँटमन ला फांदत रहिन; सैंकड़ोंकोस के अपन येरद्दा मं कपसा केखेत, जंगल तीर लेहोवत चरी-चरागन मनतक हबरत रहिन.

अब वो मनयेकर बगेर जाय लासीखत हवंय. हलच के बछरमं महाराष्ट्र भर मं रबारीचरवाहा मन के खिलाफघेरी बेरी पुलिस मंमामला दरज करेगे हवय, जेकर कारन ऊँट मनके जब्ती करे गिस अऊवो मन ला खदेड़ेगे हवय. अफसर अऊकार्यकर्ता मन कतको बेरआरोप लगाय हवंय केढोवेइय्या ऊँट मन लाकतल करे धन गलतकाम बर भेजे जावतरहिस – फेर चरवाहा मनये मन ला अपनपरिवार धन गोहड़ी केआय जाय बर बऊरथें.

इहाँ ले थोकनदूरिहा मं एक ठनमामला मं, रबारी समाजके 50 ले जियादा ऊँटके जब्ती करे गे रहिस. वो मन के उपरआरोप लगे रहिस केऊँट मन ला गैरकानूनी तरीका ले जाए जावतरहिस- फेर रबारी मनकरा अपन मालिकाना हकके सबूत के कागजातरहिस, अऊ वो मनये घलो साबित करसकत रहिन के वोमन के मंसूबा सिरिफपलायन करे रहिस. पढ़व: पुलिस के हिरासतमं कच्छ के ऊंट

अभिचे हालेच मं, दिसंबर 2025 मं, उत्तरी महाराष्ट्र के धुले जिलामं 30 ठन ले जियादाजब्ती करेगे रहिस: वो मन अभूघलो पुलिस के हिरासत मंपरे हवंय, अऊ ओकर मालिकमन ये बात लालेके चिंता मं परे हवंयके चारा नइ मिलेसेती, वो मन लेकुछु मर जाहीं.

विदर्भ के रबारी नेताधुले कोती भागिन, जइसनेके वो मन हरेकपईंत करथें जब पुलिस वोमन के ऊँट मनके जब्ती कर लेथे. किरसनके कहना आय केऊँट मालिक ये बेबात केहलाकान होय अऊ ऊँटनइ लहूटाय ले चिंता मंहवंय. वो ह कहिथे, “उसमें पैसा भी जाएगाऔर समय भी, औरपरेशानी होगी वो अलग (येमं पइसा घलो खइताहोही अऊ बखत घलोअऊ हलाकान होय ला परहीसो अलग .”

तो ये बखतविदर्भ अऊ जम्मो मध्यभारत मं अधिकतर रबारीचरवाहा अपन ऊँट लेनिजात चाहत हवंय.

“ऊँटमन ला पोसे भारीमुस्किल अऊ महंगा होगेहवय,” किरसन बतावत जाथे.

बीते बछर (2025) तकले, किरसन के डेरा मंतीन ठन ऊँट रहिस. अब ओकर करा एकोघलो नइ ये. किरसनके अंताजा हवय, “नागपुर अऊ वर्धा मं, हो सकथे अभू घलोपांच ठन परिवार ऊँटराखत हवंय. पहिली कम से कम 2,00 रहिन. अब हाथ केगिनती भर बांचे हवंय.” वो ह हमर लेकपसा के वो बड़ेअकनखेत मं गोठियावत हवय, जिहां ओकर डेरा अभिचेअभिचे डरे हवय: वोह बताथे के ओकर मेढ़ा–छेरीके गोहड़ी बहिर कोनो जगाचरत हवय.

नागपुर के ‘सेंटर फॉरपीपल्स कलेक्टिव’ के सजल कुलकर्णीकहिथें, “विदर्भ मं रहेइय्या रबारीसमाज के धिकतरऊँट मन ला वोमंन के महाराष्ट्र केबहिर के अपन लोगनमन करा भेज देगे हवय, जिहां वोमन ला कोनो किसमके दिक्कत झेले ला नइपरय.” अब बनेच कमलोगन मन ऊँट लाबिसोय बर राजी होथें. जेन जिनिस कभू संपत्ति होवतरहिस, अब वो हएक एक ठन बोझाबन गे हवय. किरसनह अपन ऊंट मनला छत्तीसगढ़ मं रहेइय्या अपनरबारी संगवारी मन ला 30,000 ले 35,000 रूपिया मं बेच दीस. एक ठन बइला केदाम येकर ले जियादाकरीबन 50,000 रूपिया होथे, येकरे सेती ये कोनोफायदा वाला तरीका नोहे, सिरिफ एक ठन कामआय के साधन भरआय.

ऊँट मन केदेह उहाँ के इलाकाके हिसाब ले होथे – होवो मन सूक्खा भूंइय्याके मुताबिक होथें अऊ बगेर चाराखाये घलो भारी बोझाढो सकथें. वो मन लीम, बमरी, पीपल अऊ दीगरकतको किसम के रुखके पाना खाथें – येवो समाज बर जिनगीकस आय जेन मनमऊसम के हिसाब लेढले हवंय, अऊ येह ओमन बर एककिसम के सहारा आंय, जिहारोड अऊ तेल नइमिले सेती ट्रैक्टर धनट्रक नइ चल सकय.

फेर अब चाराघलो मिले तय नइरहिगे हवय. फसल लगायके तरीका बदल गे हवय; खेत मन मं अबजियादा दूरिहा तक ले बाड़ालगे रहिथे, फसल लुये केबाद बांचे खुचे चारा केकाम आय ला घलोजल्दी साफ कर देजाथे, अऊ चरे केरद्दा घलो कम होगेहवय. रबारी परिवार मन बढ़े घलोहवंय – वो मन केमंडली मं ये आंकड़ातीन ले बढ़के सातहोगे हवय, जेकर लेजमीन उपर भार अऊबढ़गे हवय.

बुढुवा ऊँट के जगाजवान ऊँट खोजे घलोमुस्किल के काम आय. विदर्भ के रबारी नेतामन ले एक, मशरूमामा कहिथे, “कच्छ ले ऊँटलाय भारी मुस्किल आय. बड़ी प्राब्लम है (ये हएक ठन बड़े समस्याआय).”

कुलकर्णी कहिथे के समस्या केएक हिस्सा नियम-कानून केउलझन आय: घेरी-बेरीहोवइय्या जब्ती अऊ कतको सरकारीअड़चन चरवाहा मन के रोजी-रोटी के तरीकाला सही ढंग लेसमझे नइ सके कोतीआरो करथे.

ऊँट कोनो बड़ेसुग्घर देखावा के जिनिस नोहे; येह त हमर चरवाहामन के आय जायके एक ठन साधनआय, जेन मन बड़े-बड़े खेत-खारके इलाका मन मं चरतचले जावत रहिथें.

हरेक बछर, किरसनरबारी के डेरा उत्तीविदर्भ मं एक ठनलंबा चक्कर लगाथे - नागपुर ले सिंधी, बेला अऊ बुटीबोरीतक; भंडारा, मोहाडी अऊ तुमसर होवत; कामठी, कान्हन अऊ कोंढाली केतीर ले होवत – अऊओकर बाद लहूट जाथे. ये ओकर मन केरद्दा ह फसल केहिसाब ले चलथे, अऊओकर हरेक कदम केएक ठन मकसद होथे.

मेढ़ा अऊ छेरीमन फसल लुये केबाद बांचे ठूँठ,डारा-पानाला चरथें. वो मन केलेड़ी माटी ला सरसबनाथे. ये लेन देनला ‘पेनिंग’ कहे जाथे; ये ह पारंपरिक खेती – पशुपालन के एक ठनचलन आय, जेन मंचरवाहा अपन मेढ़ा अऊछेरी मन ला किसानके खेत मं –अक्सरखुल्ला मं अऊ जालघेरके राखथें, जेकर ले खातू जमा होसके. किसान येकर बर रबारीसमाज के लोगन मनला थोर बहुत पइसादेथें, वो मन देखेहवंय के मेढ़ा गोहड़ीओकर मन के खेतले होवत जाथे, तखेत के माटी अऊउपज सुधर जाथे.

चरवाहा, माटी अऊ फसलके बीच मं येएक दूसर ले जुड़ेएक ठन अइसने पर्यावरणतंत्र के लेन-देनआय, जेन ह जीविकाअऊ खेती के नजारा –दूनोंच ला संभालके राखथे.

किरसन कहिथे, “मेढ़ा मन केचरत जाय के बाद, माटी सरस हो जाथे.” येकरे सेती रबारी लोगनमन ये इलाका मंअतक लंबा बखत तकले टिके हवंय. “येइलाका मं किसान मनहमर संगवारी आंय, जेन मनहमन ला बलाथें.” ऊँटके बगरे आय जायके तरीका बदलत हवय. बइलागाड़ीकम होगे हवंय अऊअक्सर ओकर मरम्मत केजरूरत परथे, अऊ दिन भरमं कमे रद्दा जायसकथे. जेन रद्दा मंकभू ऊँट के संगआसानी ले पार होजावत रहिन, अब मुस्किल लेधन जाय नइ सकाय. ऊँट नदिया, जंगल, नान-नान डोंगरीअऊ कठिन रद्दा लाघलो आसानी ले पर करलेथें. “ हमन अक्सर बिनडामर वाले रोड मंजाय पसंद करत रहेन, किरसन कहिथे अऊ बताथे, “अबहमन नइ जावन.”

मंझनिया के घाम लोहाके संदूक मन मं अऊकपड़ा लत्ता के गठरी मंपरत हवय. रबारी माइलोगनमन, जेकर चेहरा मंघूँघट परे हवय, अपनकाम बूता मं लगजाथें. बइला अपन घेंचगड़ा लेथें.

ये गोहड़ी इहाँदू-तीन दिन तकले रइही, तहां ले येह बगेर ऊँट केआगू बढ़ जाही.

अनुवाद: निर्मल कुमार साहू