“এই সুৰটো মই ভক্তিমূলক গীতত বজাই আহিছো। বহুবছৰ ধৰি এই বাদ্যযন্ত্ৰ মই পৰিৱেশন কৰি আহিছো। খুব কম বয়সৰ পৰাই,” তিনিকুৰি বছৰ বয়সীয়া প্ৰেমলালে এই প্ৰতিবেদকক কয়। ২০১৯ৰ ডিচেম্বৰত চত্তিশগড়ৰ ৰাজধানী চহৰ ৰায়পুৰত অনুষ্ঠিত জনজাতীয় নৃত্য উৎসৱত তেওঁক লগ পাইছিলো।
বাদ্যযন্ত্ৰ দুবিধ হৈছে ৰুবাব আৰু খঞ্জৰি। সোঁকান্ধত ওলমাই লৈ বজোৱা তন্ত্ৰী বাদ্যযন্ত্ৰবিধ হৈছে ৰুবাব (একাধিক সূত্ৰই কয় যে বাদ্যযন্ত্ৰবিধৰ উৎপত্তিস্থল আফগানিস্থান)। তেওঁ বাও কান্ধত ওলমাই ৰখা কঁকালত পৰি থকাখনৰ নাম খঞ্জৰি (খোল গোত্ৰৰ)।
জোৰ কৰি প্ৰেমলালে কয় যে সেইটোৱেই তেওঁৰ সম্পূৰ্ণ নাম। তেওঁৰ ঘৰ হিমাচল প্ৰদেশৰ চাম্বা জিলাৰ জগত গাঁৱত। ২০১১ৰ লোকপিয়ল অনুসৰি ব্ৰহ্মৌৰ ব্লকৰ জগত গাঁৱৰ জনসংখ্যা আছিল ৯০০ৰো কম। তাৰ মাজত ৬০ শতাংশ আদিবাসী আৰু বাকী ৪০ শতাংশ দলিত সম্প্ৰদায়ৰ লোক।
দুয়োবিধ বাদ্যযন্ত্ৰ একে সময়তে কেনেকৈ তেওঁ বজায়, তাৰে এক নমুনা ৰামলালে দাঙি ধৰিলে। তেওঁ যে এগৰাকী খেতিয়ক, তাকো তেওঁ জানিবলৈ দিছে। সগৰ্বে তেওঁ কয়, “গান-বাজনাৰ লগতে মই মাকৈ আৰু ৰাজমাহৰ খেতিও কৰো।”